完整藏文原文 · 德格版页 当前仅加载第 68 函德格 72b 版页；藏文 NFD、目录标记与异常页序保留在来源切片中，重复版页行以稳定序号区分。
བསམ་གཏན་དང་། ཤེས་རབ་མཉམ་པ་ཉིད་དུ་མ་འཚལ་ནས་དམིགས་པར་ལྟུང་བས་སྦྱིན་པ་བྱིན་པ་དང་། ཚུལ་ཁྲིམས་མཆོག་ཏུ་འཛིན་པས་ཚུལ་ཁྲིམས་བསྲུངས་པ་དང་། བདག་དང་གཞན་དུ་འདུ་ཤེས་པས་བཟོད་པ་བསྒོམས་པ་དང་། ལུས་དང་སེམས་ལ་
D284.068.0072b01.01གནས་ཏེ་བརྩོན་འགྲུས་བརྩམས་པ་དང་། འདུ་ཤེས་དང་དམིགས་པ་ལ་གནས་ཏེ་བསམ་གཏན་བསྐྱེད་པ་དང་ཀུན་དུ་རྟོག་པ་དང་། རྣམ་པར་རྟོག་པ་རབ་ཏུ་འཇུག་པ་ལ་མངོན་པར་དགའ་བས་ཤེས་རབ་རྣམ་པར་དཔྱད་པ་གང་ལགས་པ་དེ་འཆགས་སོ། །བདག་གིས་དོན་དམ་པའི་
D284.068.0072b02.01མཆོད་པ་མ་འཚལ་ནས་གཟུགས་དང་། རྒྱན་དང་། མཚན་ལ་མངོན་པར་ཞེན་པས་སངས་རྒྱས་ལ་མཆོད་པ་བགྱིས་པ་གང་ལགས་པ་དེ་འཆགས་སོ། །བདག་ཆོས་ཀྱི་དབྱིངས་ཐ་མི་དད་པའི་ཡེ་ཤེས་ལ་མ་ཞུགས་ཀྱི། ཆོས་ཐ་དད་པ་ལ་གནས་ཏེ། ཆོས་མ་
D284.068.0072b03.01ཉན་པའམ། བཤད་པའམ། རབ་ཏུ་བསམས་པར་གྱུར་པ་གང་ལགས་པ་དེ་འཆགས་སོ། །བདག་གིས་ཆོས་འདུས་མ་བྱས་སུ་མ་འཚལ་ཏེ། དགེ་འདུན་ལ་མང་པོར་འདུ་ཤེས་ནས། དགེ་འདུན་ལ་བསྙེན་བཀུར་བགྱིས་པ་གང་ལགས་པ་དེ་འཆགས་སོ། །
D284.068.0072b04.01བདག་གིས་དགོན་པ་མ་འཚལ་ནས་དགོན་པའི་གནས་བསྟེན་ཏེ། འདོད་པ་ཉུང་ཞིང་ཆོག་ཤེས་པ་ལ་མངོན་པར་ཞེན་པ་གང་ལགས་པ་དེ་འཆགས་སོ། །བདག་གིས་ཆོས་ཉིད་གནས་པར་མ་འཚལ་ནས་འབྱུང་བ་དང་འཇིག་པ་ལ་གནས་ཏེ། སངས་རྒྱས་ཀྱི་ཡོན་ཏན་བླང་བར་
D284.068.0072b05.01ཞུགས་པ་གང་ལགས་པ་དེ་འཆགས་སོ། །བདག་གིས་ཆོས་ཀྱི་དབྱིངས་ཡོངས་སུ་གཟུང་བ་མ་མཆིས་པར་མ་འཚལ་མ་ཞུགས་ཀྱི། སེམས་ཅན་བསྡུ་བར་འཚལ་བའི་བསྡུ་བས་སེམས་ཅན་དག་བསྡུས་པ་གང་ལགས་པ་དེ་འཆགས་སོ། །བདག་གིས་བྱང་ཆུབ་ཀྱི་
D284.068.0072b06.01མཚན་ཉིད་ཀྱི་རང་བཞིན་མ་འཚལ་ནས་ལྟ་བ་ལ་ཡོངས་སུ་ཞེན་པས་བྱང་ཆུབ་ཀྱི་ཕྱོགས་ཀྱི་ཆོས་སུམ་ཅུ་རྩ་བདུན་བསྒོམས་པ་གང་ལགས་པ་དེ་འཆགས་སོ། །བདག་གིས་དགེ་སྦྱོང་གི་ལམ་ཞི་བ་མ་འཚལ་ནས་རབ་ཏུ་བྱུང་བ་བསྙེན་པར་རྫོགས་ཏེ། དགེ་སློང་གི་དངོས་པོ་
D284.068.0072b07.01