完整藏文原文 · 德格版页 当前仅加载第 68 函德格 64b 版页；藏文 NFD、目录标记与异常页序保留在来源切片中，重复版页行以稳定序号区分。
ཏུ་ཆགས་པ། ཡུལ་ལ་མངོན་པར་དགའ་བ། འདུས་བྱས་ཀྱི་སྒྲིབ་པས་ཟིན་པ། འདོད་པའི་ཡོན་ཏན་ལྔ་ལ་སྲེད་པའི་དབང་དུ་མཆིས་པ་དེ་དང་དེ་དག་ལ་ཡུལ་ཐམས་ཅད་ལ་བདག་མེད་པར་ཡང་དག་པར་སྟོན་ཅིང་སེམས་ཅན་འཁོར་བ་ལ་མངོན་པར་དགའ་བ་རྣམས་ཡིད་འབྱུང་བ་བསྐྱེད་
D284.068.0064b01.01པའི་ཆེད་དང་། འདུ་བྱེད་ཐམས་ཅད་མི་རྟག་པར་རབ་ཏུ་བསྟན་པའི་ཆེད་དུ་འབྱོར་པ་ཐམས་ཅད་མཐར་རྒུད་པའི་སྒོར་ཡང་དག་པར་སྟོན་ལ། སངས་རྒྱས་ཡོངས་སུ་མྱ་ངན་ལས་འདས་པ་ཆེན་པོ་ཞི་བར་ཡང་དག་པར་བསྟན་པའི་ཆེད་དུ་སྲོག་གི་དབང་པོ་ཐམས་ཅད་མཐར་འཆི་བར་ཡང་དག་
D284.068.0064b02.01པར་སྟོན་ཅིང་དེ་བཞིན་གཤེགས་པ་འཕོས་ཏེ། ཤིན་ཏུ་བྲལ་ནས་འཇིག་རྟེན་དུ་མི་དགའ་བ་ཆེན་པོ་སྟོན་ལ། ལྷ་དང་། མི་དང་། ལྷ་མ་ཡིན་དུ་བཅས་པའི་འཇིག་རྟེན་གྱི་མདུན་དུ་ཡོངས་སུ་མྱ་ངན་ལས་འདས་པ་ཆེན་པོ་སྟོན་ཏེ། ལྷའི་དབང་པོ་ཐམས་ཅད་ངུ་བ་དང་། ཀླུའི་
D284.068.0064b03.01དབང་པོ་ཐམས་ཅད་མྱ་ངན་བགྱིད་པ་དང་། གནོད་སྦྱིན་གྱི་དབང་པོ་ཐམས་ཅད་སྨྲེ་སྔགས་འདོན་པ་དང་། འགྲོ་བའི་དབང་པོ་ཐམས་ཅད་རབ་ཏུ་མི་དགའ་བའི་ཡོངས་སུ་མྱ་ངན་ལས་འདས་པ་ཆེན་པོ་ལྷ་དང་། མི་དང་། ལྷ་མ་ཡིན་དུ་བཅས་པའི་འཇིག་རྟེན་གྱི་མདུན་དུ་སྟོན་པ་ན་
D284.068.0064b04.01བདག་གིས་བླ་མ་ལ་རིམ་གྲོ་གུས་པ་ཆེན་པོས་ལུས་བཏུད་པ་བགྱིས་ནས་སངས་རྒྱས་བཅོམ་ལྡན་འདས་དེ་དག་ལ་སྐུ་ཚེ་བསྲིང་བ་དང་། རིང་དུ་བཞུགས་པར་གསོལ་གྱིས། སངས་རྒྱས་བཅོམ་ལྡན་འདས་རྣམས་འགྲོ་བ་ཐམས་ཅད་སྡུག་བསྔལ་གྱི་ཕུང་པོ་ལས་བཟློག་པ་དང་། སེམས་
D284.068.0064b05.01ཅན་ཐམས་ཅད་རབ་ཏུ་བདེ་བ་ལ་དགོད་པ་དང་། སེམས་ཅན་ཐམས་ཅད་ཀྱི་དབུལ་པོའི་ལམ་རྣམ་པར་གཅད་པ་དང་། སེམས་ཅན་ཐམས་ཅད་འཁོར་བའི་འབྲོག་དགོན་པ་ཆེན་པོ་ལས་བསྒྲལ་བ་དང་། འགྲོ་བ་ཐམས་ཅད་སངས་རྒྱས་ཀྱི་ཡུལ་སྒྲིབ་པ་མ་མཆིས་པ་ལ་གནས་པ་ལ་
D284.068.0064b06.01དགོད་པ་དང་། དབུལ་པོའི་ལམ་ཐམས་ཅད་གཅད་པ་དང་། འགྲོ་བ་ཐམས་ཅད་ཆོས་དཀོན་མཆོག་གིས་ཚིམ་པར་བགྱི་བ་དང་། འཇིག་རྟེན་གྱི་ཁམས་ཐམས་ཅད་ཡོངས་སུ་སྦྱང་བ་དང་། འགྲོ་བ་ཐམས་ཅད་གདུལ་བ་མཐར་ཐུག་པ་དང་། བྱང་ཆུབ་སེམས་དཔའ་ཐམས་
D284.068.0064b07.01