完整藏文原文 · 德格版页 当前仅加载第 68 函德格 73a 版页；藏文 NFD、目录标记与异常页序保留在来源切片中，重复版页行以稳定序号区分。
བསྐྱེད་པ་གང་ལགས་པ་དེ་འཆགས་སོ། །ཀུན་རྫོབ་ལ་འཇུག་པའི་དགེ་བའི་རྩ་བ་གཞན་གང་དག་བསགས་པ་དང་། དགེ་བའི་རྩ་བ་གང་དག་གིས་འདུས་བྱས་ཀྱི་བདེ་བར་གྱུར་ཏེ། འདུས་མ་བྱས་ལས་ཤིན་ཏུ་རིང་བར་གྱུར་པ་གང་
D284.068.0073a01.01ལགས་པ་དེ་དག་འཆགས་སོ་ཞེས་བརྗོད་པར་བྱའོ། །རིགས་ཀྱི་བུ་དེ་ལྟར་ཐོག་མར་བྱང་ཆུབ་སེམས་དཔས་བག་ལ་ཉལ་དང་བཅས་པ་དང་། མངོན་པར་འདུ་བྱེད་པ་དང་བཅས་པ་དང་། མཚན་མ་དང་བཅས་པ་དང་། འབད་པ་དང་བཅས་པ་དང་། སྤྲོས་
D284.068.0073a02.01པ་དང་བཅས་པ་དང་། ལེན་པ་དང་བཅས་པ་དང་། གནས་པ་དང་བཅས་པ་དང་། རྟེན་པ་དང་བཅས་པའི་ཉེ་བར་ལེན་པའི་ཆོས་ཐམས་ཅད་བཤགས་པར་བྱའོ། །དེ་ལ་འདི་ལྟ་བུའི་བསྡུ་བ་དང་སྤྲོས་པ་དང་བཅས་པ་ཀུན་དུ་མི་འབྱུང་བ་གང་ཡིན་པ་དེ་ནི་སྡིག་
D284.068.0073a03.01པ་བཤགས་པ་ཡོངས་སུ་དག་པ་ཡིན་ཏེ། འདི་ནི་བཤགས་པའི་ཕུང་པོའོ། །རིགས་ཀྱི་བུ་གཞན་ཡང་བྱང་ཆུབ་སེམས་དཔའ་དེས་དེ་བཞིན་དུ་འདུག་སྟེ། ཚིག་འདི་སྐད་ཅེས་འདས་པ་དང་། མ་བྱོན་པ་དང་། ད་ལྟར་བྱུང་བའི་སངས་རྒྱས་བཅོམ་ལྡན་འདས་
D284.068.0073a04.01རྣམས་ཀྱིས་དང་པོ་ཐུགས་བསྐྱེད་པ་ནས་བཟུང་སྟེ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་སངས་རྒྱས་པའི་བར་དང་ལྡན་པ་རྣམས་ཀྱི་བར་དེའི་དགེ་བའི་རྩ་བ་གང་ཅི་ཡང་རུང་། སངས་རྒྱས་ཀྱིས་བཀའ་སྩལ་པ། རྩ་བ་མ་མཆིས་ཤིང་རྟེན་
D284.068.0073a05.01མ་མཆིས་པ། གཏོང་བ་མ་མཆིས་པས་གཏོང་བ་རྣམ་པར་དག་པ་དང་། རང་བཞིན་གྱི་ཚུལ་ཁྲིམས་མི་ཟད་མི་སྐྱེ་བ་དང་། སེམས་ཅན་མ་མཆིས་པའི་བཟོད་པ་དང་། དམིགས་པ་ལས་དབེན་པའི་བརྩོན་འགྲུས་དང་། སེམས་ཀྱི་ངོ་བོ་ཉིད་ལ་ངེས་པར་
D284.068.0073a06.01སེམས་པའི་བསམ་གཏན་དང་། ཚུ་རོལ་དང་། ཕ་རོལ་གྱི་མཐར་ལྟ་བ་རྣམ་པར་སྤངས་པའི་ཤེས་རབ་རྟེན་ཅིང་འབྲེལ་བར་འབྱུང་བ་ཟབ་མོ་ལ་འཇུག་པ་དང་། སྟོང་པ་ཉིད་ཀྱི་རྣམ་པའི་བྱམས་པ་དང་། རྣམ་པའི་རྣམ་པ་མ་མཆིས་པའི་སྙིང་རྗེ་དང་། ཆོས་ལ་ཀུན་དུ་མི་
D284.068.0073a07.01