完整藏文原文 · 德格版页 当前仅加载第 81 函德格 17b 版页；藏文 NFD、目录标记与异常页序保留在来源切片中，重复版页行以稳定序号区分。
མཱ་མ་ཀཱིས་ནི་འདིར་བྲིས་པ། །ཟུར་གསུམ་དཀྱིལ་འཁོར་བྲིས་ནས་སུ། །གསང་བའི་པདྨ་མཱ་མ་ཀཱི། །ནང་དུ་སྙིང་པོ་དང་ལྡན་པའི། །པདྨ་འདབ་བརྒྱད་པ་ནི་བྱ། །དེ་དབུས་གསང་ཆེན་རིག་མ་དང་། །གཙོ་བོ་ཞལ་གསུམ་ཕྱག་དྲུག་པ། །དང་པོའི་ཞལ་ནི་ནག་པོ་སྟེ། །
D435.081.0017b01.01གཡས་པ་ལ་ནི་དཀར་པོ་འདོད། །གཡོན་དུ་དམར་པོར་རབ་གསུངས་ཏེ། །ལྷ་ཡི་རྒྱན་གྱིས་བརྒྱན་བྱས་པ། །ལྷ་ཡི་ན་བཟའ་མེ་ཏོག་ཕྲེང་། །ལྷ་ཡི་དྲི་ཡིས་བྱུག་བྱེད་པ། །ལྷ་ཡི་དངོས་གྲུབ་བྱེད་ཞི་བ། །སྐུ་གསུང་ཐུགས་ཀྱི་རྡོ་རྗེ་ཅན། །ཕྱི་རོལ་དུ་ནི་དཀྱིལ་འཁོར་ཡང་། །
D435.081.0017b02.01སྒོ་བཞི་པ་ནི་རབ་ཏུ་བརྟགས། །ཤར་དུ་ཁྲོ་གཉེར་མ་བཞག་སྟེ། །ལྷོ་ན་འཇིགས་པར་འཇིགས་བྱེད་མ། །ནུབ་ན་རྟ་ཡི་གཟུགས་ཅན་མ། །བྱང་དུ་ཚོགས་ཀྱི་འདྲེན་མ་མོ། །མཁས་པས་པདྨ་འདབ་བརྒྱད་ལ། །རིག་མ་བརྒྱད་ནི་མཉམ་པོར་བྲི། །མཛེས་པ་མོ་དང་ཞི་བའི་
D435.081.0017b03.01ཞལ། །ཟླ་བ་མོ་དང་དུང་ཅན་མོ། །རི་བོང་འཛིན་དང་དཀྱིལ་འཁོར་མོ། །རི་བོང་འཛིན་རི་མོ་ཡིད་དགའ། །ཡིད་ལ་བདེ་བར་བྱེད་མ་དག ། རིག་མ་བརྒྱད་དང་དགེ་མ་བརྒྱད། །ཐམས་ཅད་ཞལ་གསུམ་ཕྱག་དྲུག་པ། །སྣ་ཚོགས་གཟུགས་ནི་ཡིད་དགའ་མ། །ཕྱོགས་རྣམས་
D435.081.0017b04.01དག་ནི་མཚམས་དག་ལ། །རྟག་པ་རུ་ནི་བྲི་བར་བྱ། །མཆོད་པ་པི་ཝང་རྔ་དེ་བཞིན། །དེ་བཞིན་སྤོས་དང་མེ་ཏོག་སོགས། །དབྱངས་དང་གར་དང་མཆོད་པ་ནི། །དགའ་བ་རོལ་པ་སྦྱོར་བ་ཡིས། །རྡོ་རྗེ་བདུད་རྩི་བདེ་བ་ཆེ། །གསང་བའི་འཁོར་ལོ་བསྒྲུབ་པར་བྱ། །མ་དང་
D435.081.0017b05.01བྲན་མོ་བུ་མོ་དང་། །སྲིང་མོ་གཉེན་མོ་དེ་བཞིན་ཏེ། །རྡོ་རྗེ་བདུད་རྩི་དེ་དག་ལས། །བླངས་ནས་གསང་བའི་དཀྱིལ་འཁོར་མཆོད། །མ་ལས་བདུད་རྩི་བླངས་པས་ནི། །རྡོ་རྗེ་བདུད་རྩི་དང་མཉམ་འགྱུར། །སྲིང་མོ་ནད་མེད་ན་སོ་གཞོན། །བུ་མོ་ཡི་ནི་འདོད་ཀུན་སྦྱིན། །བྲམ་ཟེ་མོ་ནི་དོན་ཡོད་
D435.081.0017b06.01གྲུབ། །གསང་བའི་དཀྱིལ་འཁོར་ལ་འདོད་བྱས། །ལྕེ་ནི་དྲིལ་བར་བྱས་ནས་སུ། །ཁ་ཡིས་པདྨར་བླང་བར་བྱ། །རྡོ་རྗེ་བདུད་རྩི་བདེ་བ་ཆེ། །དེ་ནས་མྱུར་བར་དངོས་གྲུབ་བོ། །བུང་བ་རྩེ་བའི་ཚུལ་གྱིས་ནི། །བུད་མེད་ཐམས་ཅད་འདོད་པ་སྤྱོད། །འདུས་དང་གྲུ་མོ་དང་བརྐྱང་བ། །ཡར་བཏེག་
D435.081.0017b07.01