完整藏文原文 · 德格版页 当前仅加载第 81 函德格 19a 版页；藏文 NFD、目录标记与异常页序保留在来源切片中，重复版页行以稳定序号区分。
མནམ་པ་དང་ནི་མྱང་བ་ཡང་། །རེག་དང་བདེ་བའི་ལོངས་སྤྱོད་ནི། །ཟས་དང་མེ་ཏོག་ཕྲེང་བ་དང་། །རྒྱན་དང་གོས་ཀྱིས་བརྒྱན་པ་སྟེ། །ངག་གིས་སྣ་ཚོགས་གྲགས་པ་ཡང་། །བླང་བ་དང་ནི་གཟུང་བ་རྣམས། །རོལ་དང་ཀུན་ཏུ་འགྲོ་བ་དང་། །འདུག་དང་དེ་བཞིན་ཉལ་
D435.081.0019a01.01བ་དང་། །སད་པ་དང་ནི་ལོག་པ་དང་། །ཐམས་ཅད་རྨི་ལམ་མཐོང་བ་སྟེ། །བཞད་དང་དེ་བཞིན་ཆོ་ངེ་དང་། །ཤིན་ཏུ་ཡིད་འཕྲོག་གར་དང་ནི། །རྔ་རྣམས་དག་ཀྱང་བརྡུང་བ་སྟེ། །སྣ་ཚོགས་པ་དག་འདིར་བརྗོད་པས། །སྨྱོན་པ་དང་ནི་མྱོས་པའི་གཟུགས། །གཏི་མུག་འདོད་ཆགས་དེ་དེ་
D435.081.0019a02.01ཉིད། །གཟུགས་མེད་མང་པོའི་གཟུགས་ཅན་དེ། །ཕོ་དང་མོ་དང་མ་ནིང་རྣམས། །དུ་མའི་གཟུགས་ཅན་ཀུན་གྱི་བདག །སྣ་ཚོགས་གཟུགས་ནི་ནོར་བུ་བཞིན། །ཁྱབ་པའི་དངོས་ཀྱིས་ཁྱབ་ནས་སུ། །དེ་ཉིད་དམ་པ་ཆེར་གནས་སོ། །དེ་བཞིན་ཉིད་དེ་མཱ་མ་ཀཱི། །བཟླས་མེད་འཛིན་
D435.081.0019a03.01པ་ཡང་མེད་དེ། །བགྲང་ཕྲེང་བྱ་བ་འགའ་ཡང་མེད། །ཟས་སྤངས་པ་ཡང་མི་བྱའོ། །བྷ་གའི་པདྨ་མཆོད་བྱས་ཏེ། །མཁས་པས་བདུད་རྩི་བཟའ་བར་བྱ། །རྡོ་རྗེ་བདུད་རྩི་བདེ་བ་ཆེ། །དེ་ཡིས་དེ་ཉིད་འགྲུབ་པའོ། །གང་དེ་བདུད་རྩི་འབབ་པའི་རྩ། །བྷ་གའི་དབུས་སུ་པདྨ་སྟེ། །རྩ་
D435.081.0019a04.01གཞན་སུམ་ཅུ་རྩ་གཉིས་ལ། །དེ་ཡི་དབུས་སུ་དེ་གཙོ་སྟེ། །དེ་དག་ལས་གཞན་ཤིན་ཏུ་མཆོག །རྩ་དག་དགུ་ནི་རྣམ་པར་གནས། །སྒོ་དགུ་ལ་གནས་རིག་པ་དག །སྒྲུབ་པ་པོས་ནི་མཆོད་པར་བྱ། །འདོད་པའི་ཡོན་ཏན་ལྔ་ལྷ་མོ། །རྟག་ཏུ་རྡོ་རྗེ་ཅན་མཉམ་བལྟ། །དེ་བས་དེ་དག་རབ་
D435.081.0019a05.01བྱེད་ན། །ཆགས་བྲལ་ཞེས་གསུངས་ཀུན་རིག་པས། །དེ་དག་གསང་ཆེན་མཆོག་རབ་ནི། །ཞལ་བཟང་མ་ཀྱེ་སྦྱོར་བར་བཤད། །སྣ་ཚོགས་རྣམ་སྣང་མཛད་སོགས་པ། །དེ་བཞིན་གཤེགས་པས་མི་ཤེས་ཏེ། །གཏན་དུ་དགའ་བའི་ཡིད་བདེ་བ། །སྦྱོར་བས་དམ་པ་རབ་བསྟན་ཏོ། །
D435.081.0019a06.01གསང་བའི་པདྨ་མཐོང་ནས་དང་། །ཤིན་ཏུ་རྒྱས་པའི་མཱ་མ་ཀཱི། །རྡོ་རྗེའི་བདུད་རྩི་བདེ་བ་ཆེ། །དེ་ཉིད་བདག་གིས་བཤད་པར་བྱ། །དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་རྡོ་རྗེ་ཅན་རྡོ་རྗེ་བདུད་རྩི་བདེ་བ་ཆེན་པོའི་རྡོ་རྗེ་བདུད་རྩི་རྒྱུད་ཆེན་པོ་ལས་དེ་བཞིན་ཉིད་སྦྱོར་
D435.081.0019a07.01