完整藏文原文 · 德格版页 当前仅加载第 81 函德格 24a 版页；藏文 NFD、目录标记与异常页序保留在来源切片中，重复版页行以稳定序号区分。
ཉིད་མཆོག་བརྩམ་པ་ནི། །བདུད་རྩི་ཐིག་ལེའི་གཟུགས་ཅན་ཏེ། །མཁའ་ཡི་དབུས་སུ་ཟླ་བ་འདྲ། །སྟོང་པ་དེ་ཉིད་ཆེད་དུ་བརྗོད། །འཇིགས་མེད་ཟད་མེད་ཕྲ་མོ་ནི། །རྡོ་རྗེ་སེམས་དཔའ་འཇོམས་བྱེད་པ། །ལྟེ་བའི་དབུས་སུ་གནས་ལྷ་མོ། །སྙིང་པོ་གསང་བའི་
D435.081.0024a01.01སྤྱོད་ཡུལ་ལ། །ཁུ་བའི་གཟུགས་ཀྱིས་ཟག་ནས་སུ། །བྷ་ག་ལིང་གའི་དཀྱིལ་དུ་གནས། །འདི་ནི་སྲོག་ཆགས་རྣམས་ཀྱི་སྲོག །རྣམ་པར་ཤེས་པའི་ཕུང་པོ་རྟེན། །སངས་རྒྱས་དེ་བཞིན་རྡོ་རྗེ་འཛིན། །ཚངས་པ་ཁྱབ་འཇུག་དབང་ཕྱུག་ཆེ། །ས་དང་ཆུ་དང་དེ་བཞིན་མེ། །རླུང་དང་
D435.081.0024a02.01ནམ་མཁའ་ཁོ་ན་ཡང་། །གཡོ་དང་མི་གཡོ་སྣ་ཚོགས་པའི། །ཁམས་གསུམ་ལ་ནི་མ་ལུས་པར། །དེ་ནི་བདག་གིས་རྟག་ཏུ་བསམ། །དེ་ལས་བསྐྱེད་དེ་བདག་དང་ཁྱོད། །ཚངས་པ་ལྷ་དབང་ཁྱབ་འཇུག་སོགས། །བྱང་ཆུབ་སེམས་དཔའ་དེ་བཞིན་གཤེགས། །ཤེས་བྱ་ཤེས་པའི་བདག་
D435.081.0024a03.01ཉིད་གཙོ། །དེ་ཉིད་དམ་པ་དེ་བསམ་མོ། །སྐྱེ་བ་དང་ནི་ཤི་བ་དང་། །ཐམས་ཅད་དེ་ལ་འདུས་པ་ཡིན། །སྐྱེད་པ་བྱེད་པ་པོ་དེ་གཅིག །རང་བདག་གྱུར་པ་ལྷན་ཅིག་པ། །ཐམས་ཅད་མཁྱེན་པ་ཀུན་ནས་ཀུན། །ཞི་ནས་ཞི་བ་ཁྱབ་པ་པོ། །ཅི་ཕྱིར་ཁང་པ་དེ་བཀང་བས། །དེ་བས་སྐྱེས་
D435.081.0024a04.01བུར་བཤད་པ་ཡིན། །ལུས་ལ་གནས་ཕྱིར་ལུས་ཅན་ཏེ། །ཤེད་བྱེད་ཕྱིར་ན་ཤེས་པར་འདོད། །བདག་ལ་བདག་གིས་རིག་པའི་ལྷ། །དེ་ཕྱིར་ལྷ་ཞེས་འདོད་པ་ཡིན། །འཇུག་ལས་ཁྱབ་འཇུག་ཅེས་གསུངས་ཏེ། །ངག་གིས་རྡོ་རྗེ་འཛིན་དུ་འགྱུར། །སྟོན་དུ་མེད་པ་གསང་བ་
D435.081.0024a05.01འདི། །ནན་ཏན་དུ་ནི་གསང་བར་བྱ། །སྐྱོན་ཅན་མིན་དང་གཡོ་ཅན་མིན། །དམ་ཚིག་ལ་ནི་མི་སྡང་བ། །ཆད་པར་ལྟ་བ་མེད་པ་ལ། །བླ་མ་ལ་ཆགས་འདུལ་བ་ཅན། །ཕྲག་དོག་ཆགས་པ་སྤོང་བྱེད་པ། །དཀྱིལ་འཁོར་ལ་ནི་ཞུགས་པ་དང་། །རྡོ་རྗེ་བསྟན་པའི་སློབ་མ་དག །དེ་ལ་
D435.081.0024a06.01རྒྱས་པའི་བསྟན་པ་འདི། །དེ་བཞིན་ཉིད་མཆོག་བཤད་པར་བྱ། །སློབ་དཔོན་རིག་མ་དང་ལྡན་ནས། །དེ་ལ་དབང་བསྐུར་སྦྱིན་པར་བྱ། །རྡོ་རྗེ་བདུད་རྩི་བདེ་ཆེན་པོ། །བཅོམ་ལྡན་རྡོ་རྗེས་དེ་གསུངས་སོ། །དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་རྡོ་རྗེ་ཅན་རྡོ་རྗེ་
D435.081.0024a07.01