完整藏文原文 · 德格版页 当前仅加载第 81 函德格 18b 版页；藏文 NFD、目录标记与异常页序保留在来源切片中，重复版页行以稳定序号区分。
འཇུག་པས། །དེ་དག་ཐེ་ཚོམ་འབྱུང་བས་ན། །བདག་ནི་ངོ་མཚར་དམ་པར་འགྱུར། །དེ་ནས་བཅོམ་ལྡན་རྡོ་རྗེ་ཡིས། །རྡོ་རྗེ་བདུད་རྩི་བདེ་ཆེན་བཤད། །ཉོན་ཅིག་དེ་ཉིད་མཱ་མ་ཀཱི། །ཡེ་ཤེས་སྦྱོར་བ་འབིགས་བྱེད་པ། །ཤིན་ཏུ་ཕྲ་བ་གསང་ཆེན་པོ། །ཡེ་ཤེས་ཤེས་བྱ་
D435.081.0018b01.01ངོ་བོ་ཉིད། །དེ་ནི་བདག་གིས་བཤད་བྱ་སྟེ། །སངས་རྒྱས་བྱང་ཆུབ་རབ་བསྒྲུབ་པ། །མི་འཇིགས་ཟད་མེད་རྟག་པ་ནི། །གདོད་མ་མེད་ཅིང་དབང་པོ་སྤངས། །ཡོད་ཉིད་དང་ནི་མེད་ཉིད་ཀྱང་། །དབང་པོ་དང་བཅས་དབང་པོ་མེད། །འབྱུང་བ་ཀུན་ཏུ་མ་མཐོང་བ། །སྦྱོར་
D435.081.0018b02.01བ་ལམ་གྱིས་མཐོང་བའོ། །སྦྱོར་བ་རྣམ་པ་གཉིས་གསུངས་ཏེ། །ཕྱི་དང་ནང་དུ་བཅས་པའོ། །ཕྱི་ནི་གཟུགས་ཀྱི་ཕུང་པོ་སོགས། །འབྱུང་བ་རྣམ་པ་ཀུན་རྫོབ་སྟེ། །སྣ་ཚོགས་གཡོ་དང་མི་གཡོ་བ། །ཁམས་གསུམ་དང་ནི་མ་ལུས་པར། །དེ་གཅིག་པོས་ནི་ཁྱབ་པ་སྟེ། །
D435.081.0018b03.01ཐམས་ཅད་རྣམ་ཤེས་ཁོ་ནའོ། །ཅི་ཕྱིར་སེམས་ཅན་བདག་མེད་རྣམས། །རྣམ་ཤེས་ཕུང་པོ་བརྟན་པ་ཡིན། །བླུན་སེམས་སྙིགས་མའི་མི་རྣམས་ཀྱིས། །འགའ་ཡང་ཤེས་པ་མ་ཡིན་ནོ། །སེམས་ལས་མ་བྱུང་སེམས་ཀྱི་ངོས། །ཡེ་ཤེས་ཤེས་བྱའི་ངོ་བོ་ཉིད། །ཐམས་
D435.081.0018b04.01ཅད་རྣམ་ཤེས་གཅིག་ཉིད་དོ། །གང་ཚེ་ལུས་ལ་རྐྱེན་ཉིད་འགྱུར། །ཆོས་རྣམས་དང་ནི་ཆོས་གཅིག་འགྱུར། །དངོས་པོ་དག་ནི་དེ་ཚེ་འགྱུར། །ཅི་ཡི་ཕྱིར་ན་ཆོས་རྣམས་ཀྱི། །མང་པོ་ཉིད་དུ་ཆོས་རྣམས་ཀྱང་། །ཆུ་རྒྱུན་བཞིན་དུ་རྒྱ་མཚོ་ལ། །ཐར་པ་ནི་གཅིག་ཁོ་ན་སྟེ། །མང་
D435.081.0018b05.01པོ་ཉིད་དུ་མི་རྙེད་དེ། །ཇི་ལྟར་ནང་དུ་ཆེར་གནས་པ། །བླ་མའི་ཞལ་ཁོ་ན་ལས་ཐོབ། །བྷ་གའི་པདྨར་ནམ་མཁའ་གང་། །ནམ་མཁའ་ལྔ་ཡིས་བརྒྱན་པ་སྟེ། །སྙིང་དང་སྙིང་པོ་རྣམ་ལྡན་ཞིང་། །འདབ་མ་བརྒྱད་ཀྱིས་རྣམ་པར་བཀླུབས། །དེ་དབུས་རྡོ་རྗེ་ཅན་བཞུགས་ཏེ། །བྱང་སེམས་
D435.081.0018b06.01བདུད་རྩི་དང་ལྡན་པ། །ཆ་ཤས་ཆོས་མིན་རྣམ་གྲོལ་བ། །ཐིག་ལེ་དེ་ཡིས་རྣམ་པར་སྤངས། །དེར་གནས་རྟག་ཏུ་ཟག་པ་ནི། །བདུད་རྩི་བྱང་ཆུབ་སེམས་ཀྱི་གཟུགས། །ཁམས་རྣམས་ཀུན་གྱི་གཞི་ཡིན་པ། །སྟེང་འོག་ཏུ་ཡང་རྣམ་པར་ཁྱབ། །དེས་ནི་མཐོང་བ་ཐོས་པ་ཡང་། །
D435.081.0018b07.01