完整藏文原文 · 德格版页 当前仅加载第 81 函德格 26b 版页；藏文 NFD、目录标记与异常页序保留在来源切片中，重复版页行以稳定序号区分。
ཉིད་དེ་ཐོབ་པར་བགྱི། །དེ་ནས་བཅོམ་ལྡན་རྡོ་རྗེ་ཅན། །རྡོ་རྗེ་བདུད་རྩི་བདེ་ཆེན་པོས། །བཞད་པ་མཛད་ནས་གསུང་འདི་ནི། །སྤྱན་ཡང་ཕྱེ་ནས་བཀའ་སྩལ་པ། །དེ་ཉིད་སྔོན་བཞིན་བཤད་པ་སྟེ། །བདུད་རྩི་གཟུགས་ནི་ཁུ་བ་ཡིན། །བདུད་རྩི་ལྔ་དང་ལྡན་བྱས་ཏེ། །རྟག་པར་རྒྱུན་དུ་
D435.081.0026b01.01མྱང་བར་བྱ། །རྫས་ནི་རེ་རེའི་མཐུ་དག་ནི། །བཤད་པ་ཉོན་ཅིག་མཱ་མ་ཀཱི། །ཡེ་ཤེས་ཤེས་བྱ་སྒྲུབ་བྱེད་པའི། །ཁུ་བ་དངས་པར་བཟའ་བར་བྱ། །སྐུ་གསུང་ཐུགས་ཀྱི་བསྒྲུབ་དོན་དུ། །ཁྲག་ཆེན་རབ་ཏུ་བསྒྲུབ་བྱ་སྟེ། །གང་ཞིག་བུད་མེད་རྣམས་ཀྱི་འམ། །བུ་མོ་ཡི་ནི་རྟག་ཏུ་
D435.081.0026b02.01བླང་། །ཁྲག་ཆེན་དེས་ནི་མཱ་མ་ཀཱི། །དོན་ནི་ཐམས་ཅད་བྱེད་པ་པོ། །དྲག་ཤུལ་ཤི་བ་རྙེད་ན་ནི། །ཤ་ཆེན་པོ་ཡང་བཟའ་བྱ་སྟེ། །གསལ་ཤིང་བཙུགས་དང་འགགས་པ་འམ། །གཡུལ་དུ་བསད་པ་གང་དེ་ནི། །ཟབ་ཅིང་བསྟན་པས་ཟ་བྱེད་ན། །ཚེ་དང་ནད་མེད་འཕེལ་བར་
D435.081.0026b03.01འགྱུར། །དེ་བཞིན་འདོད་པའི་བདེ་བ་དང་། །སངས་རྒྱས་བྱང་ཆུབ་གྲུབ་པ་དང་། །རྡོ་རྗེ་སེམས་དཔའ་བཞིན་དུ་འཚོ། །འདོད་ཀུན་འབྲས་བུ་དེས་སྦྱིན་ནོ། །རྡོ་རྗེ་ཆུ་དང་བཤང་གཅི་ནི། །རང་གིས་བཟའ་བར་རིག་པར་བྱ། །ཕྱེ་མ་ཞིབ་མོར་བྱས་པ་ལ། །ཁྲག་ཆེན་གྱིས་ནི་བསྲེ་
D435.081.0026b04.01བར་བྱ། །སྔ་དྲོ་དེ་བཞིན་ཉིན་ཕྱེད་དང་། །ཕྱི་དྲོ་ལ་ནི་བཟའ་བར་བྱ། །དུས་གསུམ་ཟོས་ནས་རྣལ་འབྱོར་པས། །དེ་ནས་རྡོ་རྗེ་ཆུ་ནི་བཏུང་། །ཉིན་དང་ཉིན་དུ་མཱ་མ་ཀཱི། །སྒྲུབ་པ་པོ་གང་སྒྲུབ་བྱེད་པ། །ལུས་ལ་ནད་ནི་མེད་འགྱུར་ཞིང་། །རྒས་པའི་ནད་ཀྱང་མེད་པར་བྱེད། །སྐལ་བཟང་
D435.081.0026b05.01རྒྱས་པའི་མདངས་ལྡན་པ། །རྒྱལ་པོའི་སྒོར་ཡང་རྒྱལ་བར་འདྲེན། །དེ་ནི་འདོད་པ་ཀུན་སྦྱིན་པས། །མཆོག་རབ་དེ་ཉིད་ཐོབ་པ་ཡིན། །རྣལ་འབྱོར་དེ་ཡང་ཀུན་ཤེས་ཏེ། །རྡོ་རྗེ་སེམས་དཔའི་ཡོན་ཏན་ལྡན། །འདོད་ཆགས་ཞེ་སྡང་ལས་གྲོལ་ནས། །བརྐམ་པ་ཕྲག་དོག་
D435.081.0026b06.01རྣམ་སྤངས་ནས། །རྡོ་རྗེ་བདུད་རྩི་བདེ་ཆེན་པོ། །དེ་ཡིས་སྒྲུབ་པ་འགྲུབ་པའོ། །རྡོ་རྗེ་བདུད་རྩིའི་རྒྱུད་འདི་ནི། །དོན་མང་གསང་བའི་རིམ་པ་ཅན། །མ་ལུས་རྡོ་རྗེ་ཐེག་པ་འདི། །འདི་ལས་བྱུང་གྱུར་ལྷ་མོ་ཀྱེ། །རྒྱས་པའི་པདྨ་མཱ་མ་ཀཱིས། །འདོད་ཆགས་ཀྱིས་ནི་བདེ་འགྱུར་བས། །
D435.081.0026b07.01