完整藏文原文 · 德格版页 当前仅加载第 81 函德格 20a 版页；藏文 NFD、目录标记与异常页序保留在来源切片中，重复版页行以稳定序号区分。
ཤིང་ཆེན་གྱིས། །ཡལ་ག་བརྒྱ་ཕྲག་སྟོང་ཅན་དང་། །རྩ་དང་དེ་ལ་གཟུང་བ་ནི། །སྐྱེ་བའི་རྐྱེན་དུ་འགྱུར་བ་བཞིན། །དེ་ལྟར་བདུད་རྩི་འབབ་པའི་རྩ། །སྔགས་དང་ཕྱག་རྒྱའི་ཡུམ་ཡིན་ཏེ། །སྔགས་འདི་རྣམས་ཀྱི་སྐྱེ་བ་ནི། །བྷ་གའི་དབུས་སུ་གནས་པའོ། །དེ་ནས་
D435.081.0020a01.01བཅོམ་ལྡན་རྡོ་རྗེ་ཅན། །རྡོ་རྗེ་བདུད་རྩི་བདེ་ཆེན་པོས། །རྡོ་རྗེ་བཅུག་ནས་མཱ་མ་ཀཱི། །ཉོན་ཅིག་སྔགས་རྣམས་མཚན་ཉིད་ནི། །དང་པོ་རྣམ་སྣང་མཛད་སྦྱོར་ཏེ། །ཨོཾ་བཛྲ་ཨ་མྲྀ་ཏ་མ་ཧཱ་སུ་ཁ། །ས་བོན་བཞི་དང་མཉམ་ལྡན་ལ། །སྭཱ་ཧཱ་ཡི་གེ་ཡང་སྦྱོར་རོ། །རྣམ་པར་སྣང་མཛད་ཡང་འབུལ་
D435.081.0020a02.01ཏེ། །ཡི་གེ་གཉིས་དང་བཞི་པ་སྟེ། །བཞི་པ་ཡིས་ནི་མཉམ་ལྡན་པ། །མཱ་མ་ཀཱི་ཡི་སྙིང་པོའི་མཆོག །བརྒྱད་དག་ཁོ་ནའོ་དབུས་མ་གང་། །བརྒྱད་ལ་རྒྱན་གྱིས་རྣམ་པར་བརྒྱན། །འདབ་བརྒྱད་ལ་ནི་སྦྱར་བྱས་ཏེ། །ལྷ་མོ་སྔགས་ཀྱིས་སྔགས་ཕྱུང་ངོ་། །སྒོ་སྲུངས་དག་གི་
D435.081.0020a03.01སྔགས་རྣམས་ནི། །ཉོན་ཅིག་སྐལ་བཟང་མཱ་མ་ཀཱི། །དེ་ཡི་ཐ་མ་སྔགས་ཕྱུང་སྟེ། །ས་བོན་བརྒྱད་ནི་སྔགས་རིག་པས། །སྟོང་པའི་ལྷ་ཡིས་གནོན་བྱས་ཏེ། །རྣམ་པར་སྣང་མཛད་དང་ལྡན་ལ། །སྭཱ་ཧཱ་ཡི་གེ་མཉམ་པར་ལྡན། །དངོས་གྲུབ་ཐམས་ཅད་རབ་སྦྱིན་རྣམས། །བཞི་
D435.081.0020a04.01ནི་སྒོ་སྲུངས་ཀྱི་ཡིན་ཏེ། །བཞི་ནི་སྤོས་དང་པུཥྤེ་སོགས། །མ་ནིང་ཡི་གེས་གྲྭ་བཞི་ལ། །སྭཱ་ཧཱ་རྣམ་པར་སྣང་མཛད་ཡང་། །ལྷ་མོ་གསང་བའི་མཱ་མ་ཀཱི། །རྔ་སོགས་ཀུན་གྱིས་མཆོད་པར་བྱ། །རྡོ་རྗེ་བདུད་རྩི་བདེ་ཆེན་པོ། །བཅོམ་ལྡན་རྡོ་རྗེས་དེ་གསུངས་སོ། །དེ་བཞིན་གཤེགས་
D435.081.0020a05.01པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་རྡོ་རྗེ་ཅན་རྡོ་རྗེ་བདུད་རྩི་བདེ་བ་ཆེན་པོའི་རྡོ་རྗེ་བདུད་རྩི་རྒྱུད་ཆེན་པོ་ལས་སྔགས་ཕྱུང་བའི་རིམ་པ་བསྟན་པ་ཞེས་བྱ་བའི་ལེའུ་གསུམ་པའོ།། །།དེ་ནས་སྦྱིན་སྲེག་ལས་དག་གི །ཆོ་གའི་རིམ་པ་བཤད་པར་བྱ། །སྦྱོར་བའི་རྒྱུད་ཀྱི་ཆོ་ག་
D435.081.0020a06.01ཡིས། །སྐུ་གསུང་ཐུགས་ནི་སྒྲུབ་པ་ཡིན། །ཞི་བ་དང་ནི་རྒྱས་པའི་ལས། །དེ་བཞིན་དབང་དང་མངོན་སྤྱོད་དང་། །འཐབ་དང་བསྐྲད་ཀྱང་དེ་བཞིན་དུ། །སྔགས་དང་ཕྱག་རྒྱའི་བསྒྲུབ་པ་རྣམས། །དེ་ཀུན་བདག་གིས་བཤད་པར་བྱ། །རྡོ་རྗེ་བདུད་རྩི་འབྱུང་བའོ། །རྡོ་རྗེ་སེམས་དཔའ་འགྱིང་བྱེད་པ། །
D435.081.0020a07.01