完整藏文原文 · 德格版页 当前仅加载第 81 函德格 25b 版页；藏文 NFD、目录标记与异常页序保留在来源切片中，重复版页行以稳定序号区分。
རྩི་བདུད་རྩི་སྦྱོར་བ་ཡིས། །བདུད་རྩི་འཁྱིལ་པ་བསྒྲུབ་པར་བྱ། །དོན་ཀུན་དངོས་གྲུབ་ཐམས་ཅད་ཡང་། །དེ་ཡིས་མྱུར་བར་བསྒྲུབ་པར་འགྱུར། །ཕོའམ་གལ་ཏེ་མོ་དག་གིས། །བདུད་རྩི་འཁྱིལ་པ་དྲན་བྱེད་ན། །རྒྱུ་དང་མི་རྒྱུ་འཇིག་རྟེན་གསུམ། །དེ་ཡི་ཕྱག་མཐིལ་ལ་ཀུན་
D435.081.0025b01.01གནས། །རྡོ་རྗེ་བདུད་རྩི་བདེ་ཆེན་པོ། །དུས་རྟག་པར་ནི་བསྒོམ་པར་བྱ། །དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་རྡོ་རྗེ་ཅན་རྡོ་རྗེ་བདུད་རྩི་བདེ་བ་ཆེན་པོའི་རྡོ་རྗེ་བདུད་རྩི་རྒྱུད་ཆེན་པོ་ལས། དཔལ་བདུད་རྩི་འཁྱིལ་པ་འབྱུང་བ་ཞེས་བྱ་བ་ལེའུ་དགུ་
D435.081.0025b02.01པའོ།། །།དེ་ནས་རོ་ལངས་ཆེན་པོ་ཡི། །སྒྲུབ་པ་གཞན་ཡང་བཤད་པར་བྱ། །ནག་པོའི་ཚེས་བརྒྱད་བཅུ་བཞི་ལ། །ལིང་ག་གཅིག་དང་ལམ་མདོ་དང་། །ཤིང་གཅིག་དང་ནི་དུར་ཁྲོད་དང་། །རི་དང་ཆུ་འགྲམ་དེ་རྣམས་ལ། །ལས་ཐམས་ཅད་ནི་བསྒྲུབ་བྱ་
D435.081.0025b03.01སྟེ། །དེ་བཞིན་རོ་ལངས་སློང་བ་ནི། །འགགས་ནས་ཤི་བ་མོ་རྣམས་ནི། །མཚན་ཐམས་ཅད་ནི་ཀུན་རྫོགས་པ། །གདོལ་པ་མོ་དང་སྨེ་ཤ་ཅན། །ཁྱིམ་ཚོས་མ་རྣམས་དེ་དག་ན། །མཛེས་པ་བཟང་བ་རྨ་མེད་པ། །སུམ་ཅུ་རྩ་གཉིས་བསྔགས་པ་སྟེ། །ལོ་ནི་ཉི་ཤུ་རྩ་ལྔ་བསྐྱེད། །
D435.081.0025b04.01བུད་མེད་རོ་ཡི་སྐྲ་བཟུང་སྟེ། །གཙང་བའི་ཆུ་ཡིས་བཀྲུ་བར་བྱ། །སྔགས་དང་སྨན་གྱི་རྡོ་ལེབ་ལ། །ག་བུར་ཙནྡན་དཀར་པོ་ཡིས། །དེ་ལ་བྱུག་པར་བྱས་ཏེ། །སྣ་ཚོགས་མེ་ཏོག་སྤོས་རྣམས་ཀྱིས། །མཆོད་ཅིང་གཏོར་མ་དབུལ་བར་བྱ། །མར་ཁུ་ཆེན་པོས་བསྐུས་ནས་སུ། །
D435.081.0025b05.01ཡུངས་ཀར་ངོ་ལ་བརྡེག་པར་བྱ། །ཁྲག་འཐུང་ཞེས་བྱ་སྒྲུབ་པ་པོས། །དེ་ལ་དཀྱིལ་འཁོར་ཡང་བྲི་སྟེ། །ཐོད་པ་ཞེས་བྱ་ཟླ་གམ་མམ། །གཞུ་ཡི་ཚུལ་གྱིས་བཀང་བར་བྱ། །ཐོད་པས་ཉེ་བར་བརྒྱན་བྱེད་ཅིང་། །རིག་མ་བརྒྱད་དང་ལྡན་པར་བྱ། །ཤ་ཡི་ཁམས་ཅན་
D435.081.0025b06.01ཐོད་པ་དབང་། །ཁ་ཊྭཱཾ་ཐམས་ཅད་ཀྱིས་འཛིན་ཏེ། །ཞལ་གསུམ་པ་ལ་དྲག་པོའི་གཟུགས། །ཕྱག་དྲུག་རལ་གྲི་ཕྱག་ན་འཛིན། །དཀྱིལ་འཁོར་དེ་ཡི་ཕྱི་རོལ་དུ། །སྒོ་སྲུངས་མ་ནི་རབ་ཏུ་བརྟགས། །གླང་རྣ་དང་ནི་གླང་ཆེན་རྣ། །ཞལ་མཛེས་དེ་བཞིན་ཞལ་གདུག་མ། །དྲག་མོ་ཞགས་
D435.081.0025b07.01