完整藏文原文 · 德格版页 当前仅加载第 81 函德格 22b 版页；藏文 NFD、目录标记与异常页序保留在来源切片中，重复版页行以稳定序号区分。
འགྱུར་རོ། །ཨོཾ་ཧྲཱིཿཥྚྲིཿཝི་ཀྲྀ་ཏཱ་ན་ན་སརྦ་ཤ་ཏྲཱུཾ་བི་ནཱ་ཤ་ཡ། སྟམ་བྷ་ཡ། མཱ་ར་ཡ་ཧཱུྃ་ཧཱུྃ་ཕཊ། སྔགས་པས་གིའུ་ཝང་བླངས་ནས། །བྷ་ག་ལ་ནི་ཡིག་འབྲུ་བྲི། །ཙནྡན་གྱིས་ནི་མཉམ་བྱུགས་ནས། །ཁྱོད་དང་ལྷན་ཅིག་གནས་པར་བྱ། །གནས་མ་དག་ནི་བདེ་ཆེན་ཏེ། །འཁོར་གཡོག་དངོས་
D435.081.0022b01.01པོར་འགྱུར་བར་རོ། །བཤང་གཅི་གཟུགས་བརྙན་བྱས་ནས་སུ། །ཤ་ཆེན་གྱི་ནི་སྤོས་དབུལ་ཏེ། །དགྲ་ཡི་སྐྲ་ཡིས་དཀྲིས་བྱས་ནས། །རུས་པའི་ཕྱེ་མས་བྱུག་པར་བྱ། །དགྲ་སྒོར་བརྐོས་ནས་སྦས་བྱས་ན། །ཞག་བདུན་གྱིས་ནི་ཤི་འགྱུར་རོ། །བཤང་གཅི་ཁྲག་དང་བསྲེས་པ་
D435.081.0022b02.01ཡི། །ཤ་ཆེན་གྱིས་ནི་སྦྱིན་བསྲེག་བྱ། །དུར་ཁྲོད་ཀྱི་ནི་བསྲེག་ཤིང་ཡང་། །ཤིང་གཅིག་པ་དང་ལམ་མདོ་ན། །མེ་ཡི་ཧོམ་ཁུང་བྲིས་ནས་སུ། །ཉིན་ཕྱེད་ནམ་ཕྱེད་སྦྱིན་བསྲེག་བྱ། །ཁྲོ་ཆེན་གཤིན་རྗེའི་གཤེད་པོ་ཡི། །སྐུ་ལ་ཐལ་བས་བསྐུས་པས་ནི། །བསྒོམས་ནས་
D435.081.0022b03.01དགྲ་ལ་ཆེར་གནོན་ན། །གདོན་མི་ཟ་བར་ཤི་འགྱུར་རོ། །རྡོ་རྗེ་བདུད་རྩི་བདེ་ཆེན་པོ། །བཅོམ་ལྡན་རྡོ་རྗེས་དེ་གསུངས་སོ། །དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་རྡོ་རྗེ་ཅན་རྡོ་རྗེ་བདུད་རྩི་བདེ་བ་ཆེན་པོའི་རྡོ་རྗེ་བདུད་རྩི་རྒྱུད་ཆེན་པོ་ལས་ལས་ཆེན་པོ་བསྟན་
D435.081.0022b04.01པ་ཞེས་བྱ་བ་ལེའུ་ལྔ་པའོ།། །།རྡོ་རྗེ་བདུད་རྩི་རྒྱུད་ཆེན་ལས། །དཔལ་ལྡན་རྡོ་རྗེ་ཧཱུྃ་མཛད་ཀྱི། །སྒྲུབ་པ་མདོར་བསྡུས་བཤད་པར་བྱ། །དཀྱིལ་འཁོར་ཆོ་གའི་རིམ་པ་ཡང་། །དེ་ཡི་དཀྱིལ་འཁོར་ཆོ་ག་ཞེས། །ཁམས་གསུམ་རྣམ་རྒྱལ་ལས་བྱུང་ཡིན། །གྭ་བཞི་
D435.081.0022b05.01པར་ནི་ཐིག་གདབ་སྟེ། །ཁྲུ་གང་ཡང་ན་ཁྲུ་དོའོ། །ཟླ་བའི་དཀྱིལ་འཁོར་དང་འདྲ་བ། །འོད་ཟེར་འབར་བ་འཁྲུགས་པ་ལ། །དཔལ་ལྡན་རྡོ་རྗེ་ཧཱུྃ་མཛད་བཞག །ཞལ་གསུམ་དེ་བཞིན་ཕྱག་དྲུག་སྟེ། །རྒྱན་ཐམས་ཅད་ཀྱིས་ཡོངས་རྫོགས་པ། །ཕྱག་རྒྱ་ཡིས་ནི་ཕྱག་བརྒྱན་པ། །རིག་མ་
D435.081.0022b06.01བཞི་དང་མཉམ་ལྡན་པ། །ཨུ་མའི་སྲ་བའི་ནུ་མར་བཞུགས། །ཅུང་ཟད་མཆེ་བ་གཙིགས་པ་པོ། །ཁྲོ་དང་ལྡན་པར་བཞད་བྱེད་ཞལ། །གཡས་པ་ལ་ནི་མདའ་བྲིས་ཏེ། །དེ་ཁོ་ན་བཞིན་གཡོན་ན་གཞུ། །ཕྱག་བཞི་པ་ནི་བྲིས་པ་ལ། །ཕྱག་གཉིས་པས་ནི་ནུ་མ་བསྣམས། །རིག་མ་ཐམས་
D435.081.0022b07.01