完整藏文原文 · 德格版页 当前仅加载第 82 函德格 7b 版页；藏文 NFD、目录标记与异常页序保留在来源切片中，重复版页行以稳定序号区分。
མེད་ཆོས་ཉིད་ཀྱི། །སྣང་བ་གསུམ་དུ་མངོན་པར་འབྱུང་། །ཡུལ་དང་ཡུལ་ཅན་གནས་སྐབས་ལས། །རྒྱ་མཚོ་རབ་ཏུ་དངས་པ་ལས། །དེ་ལས་རླུང་གིས་བསྐྱོད་གྱུར་པས། །རྦ་རླབས་འབྱུང་བ་ཇི་བཞིན་དུ། །རང་བཞིན་སེམས་བྱུང་རྟོག་ཚོགས་བྱུང་། །གནས་རྒྱུ་དུས་དང་རྐྱེན་
D450.082.0007b01.01དབང་གིས། གནས་ན་འོད་གསལ་སྟོང་ཉིད་ལས། །རྒྱུ་ནི་རླུང་སེམས་དབྱེར་མེད་པས། །དུས་གསུམ་དུས་མེད་སྐད་ཅིག་མར། །ངོ་བོ་སྟོང་པ་རླུང་གིས་བསྐྱོད། །རྐྱེན་ལས་མཚན་མའི་ཆོས་སུ་སྣང་། །གནས་སྒྲུབ་བྱེ་བྲག་ཐ་དད་པས། །རྣམ་ཤེས་དེ་ཉིད་འབུལ་བ་དང་། །མ་འཁྲུལ་
D450.082.0007b02.01པ་ལས་ཁྱད་པར་དུ། །དགེ་དང་མི་དགེ་སྣ་ཚོགས་ལས། །བདེ་སྡུག་ཉམས་སུ་མྱོང་གྱུར་པས། །ལས་དང་ཉོན་མོངས་བག་ཆགས་ལས། །ལུས་ངག་ཡིད་ཀྱིས་སྤྱོད་པར་སྣང་། །མ་དག་དག་བྱེད་བླ་མ་ཡི། །གདམས་པས་ཀུན་ལས་གྲོལ་བར་འགྱུར། །བསོད་ནམས་བསོད་ནམས་
D450.082.0007b03.01མ་ཡིན་ལས། །རྒྱུ་འབྲས་སྣ་ཚོགས་སྣང་བ་ཡང་། །ནམ་མཁའ་ལྟ་བུའི་ངང་ལས་ནི། །ནམ་མཁའ་ལྟ་བུའི་ཆོ་འཕྲུལ་བྱུང་། །དེ་ཉིད་སྐྱེ་མེད་རང་བཞིན་ལས། །འགག་པ་མེད་པར་གནས་པའོ། །རྟེན་ཅིང་འབྲེལ་པར་འབྱུང་བ་སྟེ། །དེ་ཉིད་བདག་མེད་ཆོས་ཉིད་ལས། །སྤྲོས་མེད་
D450.082.0007b04.01དངོས་དང་དངོས་མེད་ཀྱི། །མ་འདྲེས་ཡོངས་རྫོགས་གནས་མེད་པའོ། །རྒྱར་ནི་{གོ་རིམས་,གོ་རིམ་}བཞིན་དུ་གནས་པ་ལ། །སྡུད་བྱེད་{གོ་རིམས་,གོ་རིམ་}འཆོལ་བ་འཁོར་ལོ་བརྟན། །དམ་ཚིག་ཀུན་ལྡན་ཕྱག་རྒྱ་སྙིང་པོ་ཉིད། །ཀུན་དོར་འབྱུང་ལྔ་ལྷ་མོ་རྡོ་རྗེ་དབྱིངས། །བདེ་ཆེན་རྡོ་རྗེ་གསང་བ་ཕུན་སུམ་ཚོགས། །
D450.082.0007b05.01དེ་ཉིད་མི་འགྱུར་འབྱུང་གནས་ཐིམ་གྱུར་གང་། །སྐད་ཅིག་རྒྱན་རྫོགས་བུམ་པ་གང་བ་ལྟར། །བདུད་རྩི་གཙུག་ཏོར་ཡེ་ཤེས་རྒྱལ་བར་གྱུར། །རྗོད་བྱེད་འབྲུ་གསུམ་བརྗོད་བྱ་བཛྲ་དྷྲྀཀ །བྱ་བ་རྫོགས་པའི་རྣམ་པར་སྐྱེ་བ་སྟེ། །སྣང་བ་ཐོབ་པ་ལྷན་ཅིག་ཏུ་གནས་པས་ཡུལ་ལྡན་པ་སྣང་བ་མཆེད་པ།
D450.082.0007b06.01རྟོག་ཅིང་བའི་བྱེ་བྲག་ལ་རིག་པ་འཇུག་པས་བྲད་པ་སྣང་བའོ། །བྱམས་པས་གསོལ་བ། སྦས་པའི་དོན་གང་ལགས། བཅོམ་ལྡན་འདས་ཀྱིས་བཀའ་སྩལ་པ། ཀུན་རྫོབ་བདེན་པས་སྦས་པ་ནི་གང་དུ་སྣོད་བཅུད་མ་ལུས་པ་སྣང་བ་སྒྱུ་མ་ལྟ་བུར་བདག་བྱིན་གྱིས་བརླབ་པ་རང་བཞིན་གྱིས་བདེན་
D450.082.0007b07.01