完整藏文原文 · 德格版页 当前仅加载第 82 函德格 23b 版页；藏文 NFD、目录标记与异常页序保留在来源切片中，重复版页行以稳定序号区分。
དགོངས་ཏེ་གསུངས་པ་གང་ལ་གང་། །སྔོན་བྱུང་རྗེས་འཇུག་ལྡེམ་དགོངས་ཉིད། །གསལ་བ་གཞན་ལས་ཁྱད་པར་གྱུར། །དཀྱིལ་འཁོར་དབུས་དབྱུང་རིགས་བསྡུས་པའི། །དེ་ཉིད་རྒྱལ་བ་བསླང་བར་མཛད། །གཅོད་བྱེད་རྡོ་རྗེ་བཟླས་པ་སྟེ། །མ་བྱིན་ལེན་པ་
D450.082.0023b01.01སེམས་དམིགས་ཀྱིས། །མི་ཚངས་སྤྱོད་པའི་འོད་གསལ་བ། །སྒྱུ་མས་{བརྫུན་,རྫུན་}དུ་སྨྲ་བ་ཉིད། །ཟུང་འཇུག་རབ་ཏུ་མི་གནས་པས། །ཚིག་རྩུབ་དངོས་འཛིན་ཟློག་པར་བྱེད་པའོ། །ལས་རླུང་ཅུང་ཟད་དུལ་བར་གྱུར་པ་ཡིས། ཡེ་ཤེས་རླུང་གི་ནུས་པ་རྙེད་གྱུར་ནས། །
D450.082.0023b02.01ཏིང་འཛིན་གསལ་ཞིང་ཕྲ་རབ་འཇུག་པ་ཉིད། །ཀུན་འདར་དུ་ནི་སྲོག་རྩོལ་རབ་སིམ་གྱུར། །དབུ་མར་གནས་པས་འབྱུང་འཇུག་གཡོ་མི་འགྱུར། །དེ་ལས་ཡེ་ཤེས་འོད་ཟེར་གློག་ལྟ་བུ། །ཀུན་ནས་འབྱུང་བ་དེ་ཉིད་ཐིག་ལེའི་
D450.082.0023b03.01དབུས། །དཀར་དམར་གོང་བུ་འདྲེས་པའི་བྱང་ཆུབ་སེམས། །འབྱུང་བའི་སྒོ་དང་འཇུག་པའི་སྒོ་ཉིད་ནི། །མི་འཕོ་རི་བོང་འཛིན་པ་ཟླ་རྒྱས་པས། །སྣ་ཡི་བུ་ག་གཡས་གཡོན་རྣལ་འབྱོར་པའི། །གཅིག་ནས་འབྱུང་ཞིང་གཅིག་ཏུ་འཇུག་པ་ནི། །ཚིམ་བྱེད་བདེ་གནས་སྙིང་
D450.082.0023b04.01གི་ལྟེ་བར་ནི། །གནས་པ་རྡོ་རྗེ་འཛིན་པའི་སྙིང་པོ་ནི། །བསྐུལ་བར་གྱུར་པའི་བདེ་གཤེགས་ཐམས་ཅད་ལ། །ཕྱོགས་བཅུར་མཆོད་ནས་དགྱེས་པར་གྱུར་པ་ལས། །བདུད་རྩི་སྤྱན་གྱི་མཛོད་སྤུ་ནས་ཕྱུང་སྟེ། །འཇུག་པ་རྣལ་འབྱོར་སྤྱི་གཙུག་འཁོར་ལོར་ཞུགས། །མགྲིན་
D450.082.0023b05.01པར་ལོངས་སྤྱོད་ཐུགས་ཀར་ཐིམ་གྱུར་པས། །བྱང་ཆུབ་ཆེན་པོ་ཨ་བ་དྷཱུ་ཏཱི་ར་གནས། །དེ་ཉིད་སྤྲོས་མེད་བདུད་རྩི་རབ་རྒྱས་པས། །གནས་བཅུར་ཁྱབ་པ་ཀུན་འདར་མི་ལྡོག་གྱུར། །བདེ་བ་ཆེན་པོའི་སྙིང་པོ་བསྐུལ་བ་ནི། །སྐུ་གསུང་ཐུགས་ཀྱི་རྡོ་རྗེ་རོ་མཉམ་པས། །བྱང་སེམས་
D450.082.0023b06.01རྡོ་རྗེ་ཉིད་དུ་མཆོག་མངོན་འགྱུར། །རྒྱལ་སྲས་ཐམས་ཅད་རབ་ཏུ་དགྱེས་གྱུར་པས། །ཡེ་ཤེས་སྙིང་པོ་ནུས་པ་བརྟན་བྱེད་འགྱུར། །འདི་ནི་ཡེ་ཤེས་ཕོ་ཉ་མཆོག་གིས་ནི། །སྐད་ཅིག་ཉིད་ལ་བྱང་ཆུབ་མངོན་དུ་བྱེད། །དཔལ་ཡེ་ཤེས་རྡོ་རྗེ་ཀུན་ལས་བསྡུས་པ་ལས་རབ་ཏུ་བྱེད་པ་ཉི་ཤུ་རྩ་བཞི་
D450.082.0023b07.01