完整藏文原文 · 德格版页 当前仅加载第 82 函德格 20a 版页；藏文 NFD、目录标记与异常页序保留在来源切片中，重复版页行以稳定序号区分。
བྱིན་རླབས་ཆུ་རྒྱུན་གྱིས་ནི་བདེ་ཆེན་བླ་མེད་དོན། །རབ་གྲུབ་བདེ་བ་དཔེ་མེད་མ་རྟོགས་ལོག་རྟོག་ཐེ་ཚོམ་སེལ། །སྒྲོ་འདོགས་སྐུར་འདེབས་བྲལ་བ་དྲི་མེད་གསང་བ་གྲུབ་པ་ཅན། །མཐར་ཐུག་སྙིང་པོ་རྫོགས་སངས་འབྲས་བུ་ལམ་གྱུར་སྤྱོད་པའོ། །དཔལ་
D450.082.0020a01.01ཡེ་ཤེས་རྡོ་རྗེ་ཀུན་ལས་བསྡུས་པ་ལས་རབ་ཏུ་བྱེད་པ་བཅུ་བདུན་པའོ། །གསང་བའི་འཁོར་ལོ་ལ་བརྟེན་རིགས་ལས་ནི། །འགྲོ་བ་བློ་རིགས་ལྔ་ལྡན་དབང་པོ་ནི། །རབ་དང་ཡང་རབ་དམན་པ་འབྲིང་རྣམས་ཏེ། །ཡན་ལག་རླུང་སྒོ་དབང་པོ་ལྔ་སྤྱོད་ཡུལ། །བདུད་
D450.082.0020a02.01རྩི་ལྔ་ལྡན་དེ་ཉིད་བློན་པོ་སྟེ། །བྱང་སེམས་ཐིག་ལེ་བདེ་བའི་འབྱུང་གནས་སོ། །གསང་བ་བདེ་སྐྱོང་འཁོར་ལོ་དེ་ཉིད་ནི། །སྐལ་ཅན་བློ་ལྡན་འགྲོ་བའི་རྒྱུད་ཀྱིས་བསྡུས། །གང་ཟག་བློ་རིགས་དཔེ་དང་སྦྱར་བ་སྟེ། །སྣོད་ཀྱི་བྱེ་བྲག་ཆོས་མཐུན་མཚུངས་པ་སྟེ། །རྒྱུད་ལ་
D450.082.0020a03.01འཇུག་པའི་དབང་པོའི་རིམ་པ་ནི། །ཐ་དད་ཆོས་ཅན་བློན་པོར་ཆོས་མཐུན་པ། །ཙནྡན་ལྟ་བུ་དབང་པོ་དམན་པའོ། །ཨུཏྤལ་ལྟ་བུ་ཐ་མར་གྱུར་པ་དང་། །པད་དཀར་སྐལ་ལྡན་འབྲིད་གྱུར་ཅུང་ཟད་དག །པད་དམར་དབང་པོ་རབ་འགྱུར་བརྩོན་པ་ཆེ། ཡང་རབ་རིན་ཆེན་
D450.082.0020a04.01ལྟ་བུ་བླ་ན་མེད། །རྩ་དང་བྱང་སེམས་ཡི་གེ་རླུང་དག་པ། །ངེས་པ་ཅན་དང་མ་ངེས་པར་འབྱུང་ལ། །སྦྱངས་པ་ཅན་དང་ཐོག་མ་མེད་ནས་ཀྱི། །རང་བཞིན་ཡོན་ཏན་གུས་པ་ཐོབ་གྱུར་པའོ། །ཙནྡན་ལྟ་བུ་ནི་ཉན་ཐོས་ཀྱི་རིགས་ཅན། །ཨུཏྤལ་ལྟ་བུ་ནི་རང་རྒྱལ་བའོ། །པདྨ་
D450.082.0020a05.01དཀར་པོ་ནི་བྱང་ཆུབ་སེམས་དཔའ་རྣམས་སོ། །པད་དམར་ལྟ་བུ་ནི་གསང་སྔགས་ལ་འཇུག་པའོ། །རིན་ཆེན་ལྟ་བུ་ཡོན་ཏན་དང་ལྡན་པ་ནི། དཔལ་རྡོ་རྗེ་འཆང་གི་རིགས་སོ། །དཔལ་ཡེ་ཤེས་རྡོ་རྗེ་ཀུན་ལས་བསྡུས་པ་ལས་རབ་ཏུ་བྱེད་པ་{བཅྭ་,བཅོ་}བརྒྱད་པའོ། །ཀུན་
D450.082.0020a06.01རྫོབ་ཀྱི་བདེན་པ་ནི་ཆུ་ཟླ་ལ་སོགས་པའོ། །དོན་དམ་པའི་བདེན་པ་ནི་སྟོང་པ་ཉིད་{བཅྭ་,བཅོ་}བརྒྱད་དོ། །དེའི་དོན་ནི་རྒྱ་མཚོར་གཟའ་སྐར་ཤར་བ་ལྟར་སྐད་ཅིག་ལ་འཆར་བའོ། །གཙུག་ཏོར་གནས་ལས་ཡོན་ཏན་ཀུན་མཐར་ཕྱིན། །རྡོ་རྗེ་གསུམ་གྱི་སྙིང་པོ་སྐུ་གསུམ་རྫོགས། །
D450.082.0020a07.01