完整藏文原文 · 德格版页 当前仅加载第 82 函德格 14a 版页；藏文 NFD、目录标记与异常页序保留在来源切片中，重复版页行以稳定序号区分。
ཨ་རོ་ལིཀ་ཅེས་རཱ་གའི་འོད། །སྔོ་དཀར་པདྨ་དྲིལ་བུ་དང་། །རྡོ་རྗེ་འཁོར་ལོ་རལ་གྲི་བཅས། །ཡུམ་བཅས་རྨ་བྱའི་ཁྲི་ལ་བཞུགས། །རིན་ཆེན་རྒྱན་ལྡན་འོད་འཕྲོ་བས། །མཉམ་པའི་སྐྱིལ་ཀྲུང་གིས་བཞུགས་པའོ། །བཅོམ་ལྡན་གདོན་མི་ཟ་བའི་སྐུ། །
D450.082.0014a01.01ཟིལ་གནོན་རྡོ་རྗེ་ལ་བཞུགས་ཏེ། པྲཛྙཱ་དྷྲྀཀ་ལས་མརྐཏ་མདོག །དཀར་དམར་རལ་གྲི་དྲིལ་བུས་འཁྱུད། །རྡོ་རྗེ་འཁོར་ལོ་ནོར་བུ་དང་། །པདྨ་རིན་ཆེན་རྒྱན་ལྡན་ཉིད། །ཡུམ་བཅས་ཤང་ཤང་ཁྲིར་བཞུགས་པ། །རྡོ་རྗེ་སྐྱིལ་ཀྲུང་གིས་བཞུགས་པའོ། །དེ་བཞིན་
D450.082.0014a02.01གཤེགས་པའི་རིགས་ཀྱི་འཁོར་ལོ་མངོན་པར་འབྱུང་བའི་ཏིང་ངེ་འཛིན་ཏོ། །དཔལ་ཡེ་ཤེས་རྡོ་རྗེ་ཀུན་ལས་བསྡུས་པ་ལས་རབ་ཏུ་བྱེད་པ་བདུན་པའོ། །དེ་བཞིན་གཤེགས་པ་ཐམས་ཅད་ཀྱི། །རྡོ་རྗེ་བཙུན་མོ་སྤྱན་མ་ཡིས། །རྡོ་རྗེ་འཛིན་པ་ཐམས་
D450.082.0014a03.01ཅད་ཀུན། །མཉམ་བྱེད་དམ་ཚིག་ལ་བཞུགས་ཏེ། །མོ་ཧཱ་ར་ཏི་ལས་བྱུང་བ། །དུང་མདོག་སྔོ་དང་དམར་བའི་ཞལ། །སྐུ་ཡི་རྡོ་རྗེ་དང་མཚུངས་པ། །པདྨ་ཟླ་ཉི་ཤར་ལྷོར་བཞུགས། །རྡོ་རྗེ་བཙུན་མོ་མཱ་མ་ཀཱིས། །སངས་རྒྱས་རྗེས་སུ་མཉེས་བྱེད་པའི། །ཏིང་ངེ་འཛིན་
D450.082.0014a04.01ལ་སྙོམས་ཞུགས་ནས། །དྭེ་ཥ་ར་ཏི་ལས་བྱོན་པ། །ཐུགས་ཀྱི་རྡོ་རྗེ་མཚུངས་པ་ཉིད། བཻ་ཌཱུར་དུང་དང་རཱ་གའི་ཞལ། །རིན་ཆེན་སྣ་ཚོགས་རྒྱན་སྤྲས་འགྱིང་། །པད་ཟླར་ལྷོ་ནུབ་གྲྭར་བཞུགས་སོ། །རྡོ་རྗེ་བཙུན་མོ་གོས་དཀར་གྱིས། །རྗེས་སུ་ཆགས་པ་རྡོ་རྗེ་ཡི། །ཏིང་
D450.082.0014a05.01ངེ་འཛིན་ལ་སྙོམས་ཞུགས་ཏེ། རཱ་ག་ར་ཏི་ལས་བྱོན་པ། །གསུང་གི་རྡོ་རྗེ་མཚུངས་པ་ཉིད། །བནྡུ་རི་ག་སྔོ་དང་དཀར། །སྒེག་ཅིང་རིན་ཆེན་རྒྱན་སྤྲས་པ། །པད་ཟླར་ནུབ་བྱང་གྲྭར་བཞུགས་པའོ། །རྡོ་རྗེ་བཙུན་མོ་སྒྲོལ་མ་ཡི། །གླུ་མ་རྡོ་རྗེ་ཞེས་བྱ་བའི། །ཏིང་ངེ་འཛིན་ལ་སྙོམས་
D450.082.0014a06.01ཞུགས་ཏེ། །བཛྲ་ར་ཏི་ལས་བྱུང་སྒེག །མརྐཏ་དུང་དང་བྷནྡུ་ཀ །ཕྲིན་ལས་རྡོ་རྗེ་དང་མཚུངས་པ། །རིན་ཆེན་རྒྱན་གྱིས་ལེགས་སྤྲས་པ། །པད་ཟླར་བྱང་ཤར་གྲྭར་བཞུགས་པའོ། །ལུས་ཀྱི་གནས་སུ་ལྟེ་བ་དང་། །སྙིང་ག་མགྲིན་པ་གསང་བ་དང་། ལཱྃ་མཱྃ་པཱྃ་ཏཱྃ་ས་
D450.082.0014a07.01