完整藏文原文 · 德格版页 当前仅加载第 82 函德格 9a 版页；藏文 NFD、目录标记与异常页序保留在来源切片中，重复版页行以稳定序号区分。
སློབ་པ་དང་མི་སློབ་པའི་བྱེ་བྲག་གིས་རབ་ཏུ་མི་གནས་པའི་ངོ་བོར་འགྱུར་རོ། །འདི་ནི་མཐར་ཐུག་པའི་བཤད་པ་གསུངས་པའོ། །དཔལ་ཡེ་ཤེས་རྡོ་རྗེ་ཀུན་ལས་བསྡུས་པ་ལས་རབ་ཏུ་བྱེད་པ་གསུམ་པའོ། །བྱམས་པས་གསོལ་པ། བཅོམ་ལྡན་འདས།
D450.082.0009a01.01རྣལ་འབྱོར་གྱི་རྒྱུད་དུ་དེ་བཞིན་གཤེགས་པ་ཐམས་ཅད་ཀྱིས་མཐའ་དྲུག་གིས་བཤད་པ་ཇི་ལྟར་ལགས། །བཅོམ་ལྡན་འདས་ཀྱིས་བཀའ་སྩལ་པ་དགོངས་པས་བཤད་པ་དང་དགོངས་པ་མ་ཡིན་པས་བཤད་པ་དང་། དྲང་བའི་དོན་དང་། ངེས་པའི་དོན་དང་། སྒྲ་ཇི་བཞིན་པ་དང་། སྒྲ་ཇི་
D450.082.0009a02.01བཞིན་མ་ཡིན་པ་རྣམས་སོ། །བྱམས་པས་གསོལ་པ། ཐུགས་བརྩེ་བ་ཉེ་བར་གཞག་ཅིང་། བཅོམ་ལྡན་འདས་ཚིག་རེ་རེའི་དབྱེ་བ་བསྟན་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། མཐར་ཐུག་པས་བཤད་པ་དེ་ཉིད་དགོངས་པས་འཇིག་རྟེན་གྱི་སྤྱོད་པ་དང་འགལ་བ་རྨད་དུ་
D450.082.0009a03.01བྱུང་བ་བཤད་པ་ནི་འདི་ལྟ་སྟེ། འདོད་ཆགས་མ་ཡིན་པ་དང་། འདོད་ཆགས་དང་བྲལ་བ་ཡང་མ་ཡིན་པ་དང་། བར་མ་དབུ་མ་ཉེ་བར་མི་དམིགས་པ་ཞེས་བྱ་བ་ལ་སོགས་པ་རྡོ་རྗེའི་ཚིག་རྣམས་ནི་དགོངས་པས་བཤད་པའོ། །བདེ་བ་ཟག་བཅས་མ་ཡིན་ཏེ། །ཟག་པ་མེད་པའི་བདེ་བ་ཉིད། །
D450.082.0009a04.01བདེ་བ་སྤངས་ཤིང་འབྲས་མེད་པས། །སྒྱུ་མ་ལྟ་བུར་བྱུང་བ་སྟེ། །དེ་ཉིད་བདེ་བའི་ཡེ་ཤེས་ནི། །དབུ་མ་ཙམ་དུའང་མི་དམིགས་སོ། །གང་ཟག་དབང་པོ་དམན་པ་རྣམས། །སྐྲག་བྱེད་འགལ་བ་ལྟར་སྣང་ངོ་། །དབང་པོ་མཆོག་རྣམས་ཆོས་ལ་ནི། །སྔོན་ཆད་མ་བྱུང་ཆོས་ཐོས་པས། །ངོ་
D450.082.0009a05.01མཚར་ངེས་ཤེས་སྐྱེས་པ་ཡིས། །རྨད་དུ་གྱུར་པའི་ཏིང་འཛིན་ཐོབ། །རྣམ་པར་གྲོལ་ཐོབ་མཚན་ཉིད་དོ། །ཕྱི་རོལ་གསང་བར་སྨྲ་ལ་སོགས། །མ་དག་དག་པར་འདོད་པ་དང་། །མ་གྲོལ་གྲོལ་འདོད་དགག་པ་དང་། །རང་གར་འཇུག་པ་དགག་པའི་ཕྱིར། །ཅུང་ཟད་འཇིག་རྟེན་བརྟགས་
D450.082.0009a06.01པ་ལས། །བཟློག་ཕྱིར་ཡེ་ཤེས་ཟབ་མོའི་དོན། །གནས་ལུགས་འཁྲུལ་པ་རྣམ་དག་སྟེ། །དེ་ཉིད་སྙིང་པོ་དགོངས་ཏེ་བཤད། །ལུས་དང་ངག་དང་ཡིད་མེད་པ་དང་། བདག་མེད་པ་དང་། ཐམས་ཅད་སྟོང་པ་དང་། དག་པ་དང་། འོད་གསལ་བ་ཞེས་བྱ་བ་ལ་སོགས་པའི་རྡོ་རྗེའི་ཚིག་ནི་
D450.082.0009a07.01