完整藏文原文 · 德格版页 当前仅加载第 82 函德格 21b 版页；藏文 NFD、目录标记与异常页序保留在来源切片中，重复版页行以稳定序号区分。
དོན་དམ་བྱང་ཆུབ་སེམས། །དེ་ཉིད་ཏིང་འཛིན་གནས་པར་བྱ། །དཔྲལ་བར་རིན་ཆེན་ས་ཡིག་གསེར། །ལྟེ་བར་རལ་གྲི་ཧ་ལྗང་བ། །འོད་འཕྲོ་ཡེ་ཤེས་ལྔ་བདག་ཉིད། །འོད་འགྱེད་འགྲོ་བ་སྦྱངས་པ་ལས། །སླར་འདུས་རིགས་ཀྱི་བདག་པོ་ནི། །རྡོ་རྗེ་བཻ་ཌཱུརྱ་ཡི་འོད། །
D450.082.0021b01.01ཐུགས་ཀར་རྡོ་རྗེ་ལ་ཐིམ་པས། །ཁྲོ་བོའི་རྡོ་རྗེ་ཁ་གྱེས་པས། །འདུས་པ་རྡོ་རྗེ་འཆང་ངོ་བོ། །བྱང་ཆུབ་སེམས་ཀྱི་རྡོ་རྗེ་ཉིད། །གཉིས་མེད་བདེ་བ་ཆེན་པོར་གནས། །རྟོགས་པ་བརྗོད་པས་བསྟན་པར་འགྱུར། །རྣལ་འབྱོར་ཏིང་འཛིན་གནས་པ་ནི། འཇིག་རྟེན་ལམ་
D450.082.0021b02.01ལ་གནས་པ་སྟེ། ཕྱི་ལ་མཆོག་ཏུ་གཞོལ་བས་ནི། །འཇིག་རྟེན་ཆོས་བརྒྱད་རྟོག་པ་འདབ། །མ་སྤངས་ལྷ་ཡི་དམིགས་པ་ལས། །ཕྲ་མོ་རླུང་ལ་བསླབ་པ་དང་། །རགས་པ་ཐིག་ལེ་བསྒོམ་པས་ནི། །ལས་ཆེན་ཐུན་མོང་དངོས་གྲུབ་ལ། །དམིགས་ཕྱིར་གནས་
D450.082.0021b03.01སྐབས་འབྲས་བུ་ཐོབ། །རིམ་གཉིས་ལྡན་པའི་ཏིང་འཛིན་ལས། །སྤྲོ་བསྡུ་རིགས་ཀྱི་རྣལ་འབྱོར་ལམ། །ས་བོན་ཐིག་ལེའི་དེ་ཉིད་ལས། །ངོ་བོ་ཡེ་ཤེས་བདེ་ཆེན་འགྲུབ། །མཆོག་གྱུར་ནང་དོན་མངོན་དུ་བྱ། །རྣམ་པར་བཀོད་པའི་དཀྱིལ་འཁོར་དང་། །བྱང་ཆུབ་
D450.082.0021b04.01སེམས་དང་ལུས་གནས་པའི། དཀྱིལ་འཁོར་བདེ་ཆེན་འབྱུང་གནས་ཉིད། སེམས་ཀྱི་དཀྱིལ་འཁོར་མཆོག་གྱུར་པ། །བུམ་པ་གསང་བ་ཤེས་རབ་དང་། །དེ་ཉིད་སྙིང་པོའི་དཀྱིལ་འཁོར་ཏེ། །ཡེ་ཤེས་མཆོག་ཏུ་དབང་བསྐུར་བའོ། །གསང་བའི་དེ་ཁོ་ན་ཉིད་ཡེ་ཤེས་
D450.082.0021b05.01ཀྱི་དཀྱིལ་འཁོར་ཆེན་པོར་བདེ་བ་ཆེན་པོ་ལྷུན་གྱིས་གྲུབ་པ་ལྷན་ཅིག་སྐྱེས་པ། སྐལ་བ་དང་ལྡན་པ་རྣམས་ལས། ཚད་མེད་པའི་དོན་དམ་པའི་ཡེ་ཤེས་ཀྱི་དབང་རྡོ་རྗེས་ཐོགས་པ་མེད་པར་ཀུན་ཏུ་དབང་བསྐུར་བའོ། །དཔལ་ཡེ་ཤེས་རྡོ་རྗེ་ཀུན་ལས་བསྡུས་པ་ལས་རབ་ཏུ་བྱེད་
D450.082.0021b06.01པ་ཉི་ཤུ་པའོ། །དེ་བཞིན་གཤེགས་པའི་མཛད་པ་ཡི། །ཆོས་དོན་དེ་ཉིད་བླ་ན་མེད། །སྤྱོད་པའི་གསང་བ་མངོན་དུ་བྱུང་། །ཁྱད་པར་སྣོད་ལྡན་རྟོགས་གྱུར་པའོ། །དག་པའི་གནས་དང་འཁོར་འདུས་ལ། །ཅི་ཕྱིར་ཚིག་ནི་འདི་ལྟ་བུ། །རིགས་པ་མ་ཡིན་ཅེས་པའི་
D450.082.0021b07.01