完整藏文原文 · 德格版页 当前仅加载第 82 函德格 23a 版页；藏文 NFD、目录标记与异常页序保留在来源切片中，重复版页行以稳定序号区分。
འཐོབ། །བསྐྱེད་རིམ་པས་ནི་མཁའ་གསང་དག །བྱིན་བརླབས་སྙོམས་ཞུགས་སྤྱོད་པའོ། །རྗེས་སུ་དྲན་པ་བཅུ་དྲུག་གིས། །ལམ་དང་སྤྱོད་པ་བསྟན་པ་ལས། །དག་པའི་སྒྱུ་མ་ལ་གནས་ནས། །མཚན་མ་མེད་པའི་ཏིང་ངེ་འཛིན། །རིགས་ལྔའི་དང་པོའི་
D450.082.0023a01.01སྦྱོར་བ་བསྟན། །སངས་རྒྱས་རྗེས་དྲན་ལ་སོགས་ལྔས། །སྒྱུ་དག་འོད་གསལ་ལུགས་བཟློག་ལས། །རྫོགས་པའི་རིམ་པ་བསྟན་པའོ། །སྣང་གསུམ་ངང་ལས་ལོངས་སྐུ་ནི། །རྡོ་རྗེ་འཆང་དུ་གནས་པ་ལས། །ཡབ་ཡུམ་བདེ་བའི་ངང་ལས་ནི། །རྣམ་སྣང་མཛད་ཀྱི་སྤྲོ་བསྡུ་ཡིས། །
D450.082.0023a02.01སྤྲུལ་སྐུའི་སྤྲོས་ནས་བསྡུ་བར་བྱ། །རྗེས་དྲན་དྲུག་པས་ལྕེ་ཆུང་གི། །བདུད་རྩི་འབབ་བྱེད་བཅུད་ལེན་བསྟན། །བདུན་པས་བདག་ཉིད་ཡབ་ཡུམ་ལྡན། །མཚན་མ་མེད་ལ་གནས་པ་ཡིས། །དཀྱིལ་འཁོར་རྒྱལ་པོ་མཆོག་གནས་པ། །བརྒྱད་པ་དགུ་བ་བཅུ་པ་ལས། །སྐུ་
D450.082.0023a03.01གསུང་ཐུགས་རྣམས་བྱིན་བརླབ་པ། །ལྷ་ཡི་རྣལ་འབྱོར་བསྟན་པའོ། །བཅུ་གཅིག་པ་དང་བཅུ་གཉིས་པས། །རྒྱུ་དག་ལྷ་ཡི་སྐུ་གསུང་ཐུགས། །བྱིན་རླབས་བཞི་ཡི་བསྡུས་པ་ལ། །ཐམས་ཅད་ཡེ་ཤེས་དབྱིངས་འཇུག་པ། །ཕྱི་མར་མཆོག་ཐོབ་བསྟན་པའོ། །
D450.082.0023a04.01བཅུ་གསུམ་པ་ནི་བར་མ་དོར། །སངས་རྒྱས་ལམ་ནི་སྟོན་པའོ། །བཅུ་བཞི་པ་དང་བཅོ་ལྔ་པས། །ཕྱག་རྒྱ་ཆེན་པོ་གྲུབ་པ་སྟེ། །ཚེ་འདིར་འཚང་རྒྱའི་ལམ་སྟོན་བྱེད། །དེ་ལྟར་རྗེས་དྲན་བཅོ་ལྔ་པས། །ཏིང་ངེ་འཛིན་ནི་བསྟན་པའོ། །སྤྱོད་པ་རྗེས་དྲན་བཅུ་དྲུག་པས། །
D450.082.0023a05.01དཀྱིལ་འཁོར་ཏིང་འཛིན་བསྡུས་ནས་ནི། །སྤྱོད་པ་ལྷ་མོ་དགུའམ་ལྔ། །སྤྱོད་པ་མཐར་ཕྱིན་བྱེད་པའོ། །རྗེས་དྲན་བཅུ་དྲུག་གིས་ནི་འདིར། །མྱུར་བར་སྐྱོབ་པའི་ཁྱད་པར་ཡང་། །ཟབ་དང་རྒྱ་ཆེ་བསྟན་པའོ། །དཔལ་ཡེ་ཤེས་རྡོ་རྗེ་ཀུན་ལས་བསྡུས་པ་ལས་རབ་ཏུ་བྱེད་པ་
D450.082.0023a06.01ཉི་ཤུ་རྩ་གསུམ་པའོ། །འཇིག་རྟེན་འཇིག་རྟེན་འདས་པ་ཡི། །བདེར་གཤེགས་བྱང་ཆུབ་སེམས་དཔར་བཅས། །ཐེ་ཚོམ་གཅོད་མཛད་རྡོ་རྗེའི་ཚིག །ཡང་དག་དོན་ནི་སྟོན་པར་མཛད། །གསང་བ་ཡེ་ཤེས་སྨིན་གྲོལ་གྱིས། །ཏིང་འཛིན་ཡེ་ཤེས་ཆོས་བསྟན་ཏོ། །
D450.082.0023a07.01