完整藏文原文 · 德格版页 当前仅加载第 82 函德格 34b 版页；藏文 NFD、目录标记与异常页序保留在来源切片中，重复版页行以稳定序号区分。
ཡེ་ཤེས་རྡོ་རྗེ་ཡི། །སྐུར་གྱུར་སྒོམ་པ་སྒྲིབ་བྲལ་བའི། །ཟུང་འཇུག་བླ་ན་མེད་པ་ནི། །མཁྱེན་པ་རྒྱས་པས་རབ་མི་གནས། །རྟོག་མེད་སྣང་བ་མེད་པ་ཡི། །སྐད་ཅིག་ཉིད་ལ་ཡོན་ཏན་རྫོགས། །དེ་བཞིན་གཤེགས་པར་གྱུར་པ་ཡིས། །ཐམས་ཅད་མཁྱེན་པ་
D450.082.0034b01.01ཉིད་དུ་གནས། །དཔལ་ཡེ་ཤེས་རྡོ་རྗེ་ཀུན་ལས་བསྡུས་པ་ལས། རབ་ཏུ་བྱེད་པ་སུམ་ཅུ་སོ་བརྒྱད་པའོ། །དེ་ནས་ནམ་མཁའི་དབྱིངས་འདི་ཐམས་ཅད་ནི། །དེ་བཞིན་གཤེགས་པ་ཀུན་གྱི་སྐུ་གསུང་ཐུགས། །དམ་ཚིག་ཆེན་པོ་རྡོ་རྗེ་ཡེ་ཤེས་ཀྱི། །བྱང་ཆུབ་
D450.082.0034b02.01སེམས་ཀྱི་བདེ་བའི་རང་བཞིན་གྱིས། །དཀྱིལ་འཁོར་མ་ལུས་ཀུན་དུ་སྣང་བར་མཛད། །ས་གསུམ་ཀུན་དུ་ཁྱབ་ཅིང་ཡོངས་གང་བ། །བུམ་པ་རྡོ་རྗེ་མི་འགྱུར་ཆུས་གང་ལྟར། །ཡོངས་སུ་དག་པས་བྱིན་གྱིས་བརླབས་པའོ། །དེ་ནས་རྡོ་རྗེ་ནམ་མཁའི་དབྱིངས་འདི་
D450.082.0034b03.01ཐམས་ཅད་ཀྱི། །གང་དུ་འགྲོ་བ་སྐུ་གསུམ་ལས་བྱུང་བ། །དེ་དག་རྣམས་ལ་རྡོ་རྗེའི་འོད་ཟེར་གྱི། །དཔལ་གྱིས་རེག་ནས་དབང་བསྐུར་གྱུར་ཐོབ་པས། །འགྲོ་ཀུན་བདེ་བར་གཤེགས་པ་དགྲ་བཅོམ་པ། །རྡོ་རྗེ་གསུམ་གྱི་ཡེ་ཤེས་རོ་མཉམ་ཐོབ། །དབྱེར་མེད་ཟུང་
D450.082.0034b04.01འཇུག་བླ་ན་མེད་པར་གྱུར། །ཡང་དག་པར་ནི་མངོན་པར་སངས་རྒྱས་པའོ། །ཆོས་ཀུན་སྙིང་པོ་ལམ་ལས་འདས་པས་ན། །མཐར་ཕྱིན་གྱུར་པས་འབད་རྩོལ་ལས་ལས་གྲོལ། །ལྷན་ཅིག་སྐྱེས་པའི་ཡེ་ཤེས་རྣམ་དག་པ། །ཟུང་འཇུག་རབ་ཏུ་མི་གནས་གྱུར་པའོ། །
D450.082.0034b05.01དངོས་དང་དངོས་མེད་སྤངས་ཐོབ་བྲལ་བའི་ཕྱིར། །མཚན་མའི་ཆོས་ལས་རྒྱུ་རྐྱེན་བྲལ་བའོ། །མཁྱེན་པའི་ཡེ་ཤེས་བདག་མེད་མཉམ་པ་ཉིད། །དམིགས་མེད་ངང་འབྱུང་འོད་གསལ་དེ་ཉིད་ལས། །རང་དག་དབྱིངས་དང་དབྱེར་མེད་རང་གྲོལ་བ། །ཕྲིན་ལས་ཡོངས་
D450.082.0034b06.01སུ་དག་པ་བླ་ན་མེད། །ཡུལ་དང་ཡུལ་ཅན་བྱང་ཆུབ་ཐོབ་མེད་པ། །རྣམ་པར་མི་རྟོག་མཐའ་བྲལ་བརྗོད་དུ་མེད། །དེ་བཞིན་ཉིད་དག་བདེ་ཆེན་ལྷུན་གྲུབ་པའོ། །དཔལ་ཡེ་ཤེས་རྡོ་རྗེ་ཀུན་ལས་བསྡུས་པ་ལས། རབ་ཏུ་བྱེད་པ་སུམ་ཅུ་སོ་དགུ་པའོ། །དེ་བཞིན་
D450.082.0034b07.01