完整藏文原文 · 德格版页 当前仅加载第 83 函德格 101a 版页；藏文 NFD、目录标记与异常页序保留在来源切片中，重复版页行以稳定序号区分。
གསུམ་པ་ན་ནི་ཞགས་པ་སྟེ། །བཞི་པ་ལྷ་རྫས་གཞུ་ཡང་འཛིན། །རོལ་པའི་སྟབས་སུ་ལེགས་པར་བཞུགས། །དེ་བཞིན་སངས་རྒྱས་སྤྲིན་གྱིས་འབར། །འདི་འདྲ་གང་ཞིག་རྟག་སྒོམ་པ། །དེ་ཡི་རྡོ་རྗེ་སེམས་བརྟན་ཞིང་། །རིང་པོར་མི་ཐོགས་བྱང་
D466.083.0101a01.01ཆུབ་འཐོབ། །རྒ་ཤི་རྣམས་ཀྱི་ཕ་རོལ་འགྲོ། །སེམས་ཅན་གྱི་སྟོབས་མཐའ་ཡས་པ་རྫོགས་པར་བྱེད་པའི་ཏིང་ངེ་འཛིན་གྱི་རྒྱལ་པོ་རྡོ་རྗེ་ཤུགས་ཞེས་བྱ་བའི་ཏིང་ངེ་འཛིན་ཏོ། །ཏྲཱྃ་གི་ཡེ་ཤེས་ལས་བསྒྲུབས་པ། །རིན་ཆེན་འབྱུང་བའི་བདག་ཉིད་དེ། །ཞལ་རས་
D466.083.0101a02.01གསུམ་ལྡན་སྤྱན་གསུམ་པ། །ཐོར་ཚུགས་ཅོད་པན་རྣམས་ཀྱིས་བརྒྱན། །བདེ་བ་ཆེན་པོ་ཁ་དོག་དམར། །ཏིང་འཛིན་ཕྱག་རྒྱ་རྣམ་པར་བཞུགས། །སེམས་དཔའི་སྐྱིལ་ཀྲུང་བཅས་པ་སྟེ། །ཕྱག་གཡས་ན་ནི་རྡོ་རྗེ་དང་། །གཡོན་པ་རིན་ཆེན་ཡོངས་སུ་
D466.083.0101a03.01འཛིན། །འོད་ཟེར་སེར་པོ་འཕྲོ་བ་ལས། །རིན་ཆེན་འབྱུང་བའི་སྤྲིན་ཆེན་ནམ། །བྱང་ཆུབ་སེམས་དཔའ་གཞན་རྣམས་ཀྱིས། །རིན་ཆེན་ཆར་གྱིས་རྒྱས་པར་བྱས། །རིན་ཆེན་མངོན་པར་ཐོབ་པའི་ཡེ་ཤེས་རྡོ་རྗེ་ཞེས་བྱ་བའི་ཏིང་ངེ་འཛིན་ཏེ། །ཁྃ་གི་ཡེ་ཤེས་ལས་
D466.083.0101a04.01བསྒྲུབས་པ། །དོན་ཡོད་རྡོ་རྗེ་བསམ་པར་བྱ། །ཏིང་འཛིན་ཕྱག་རྒྱ་ལེགས་བཞུགས་པ། །མརྒད་ཏ་ཡི་འོད་ལྟར་འབར། །གཡས་པའི་ཕྱག་ན་རལ་གྲི་དང་། །གཡོན་པ་ཡིས་ནི་ལྕགས་ཀྱུ་ཉིད། །སངས་རྒྱས་ཀྱི་ནི་སྤྲིན་འཕྲོ་ཞིང་། །ལེགས་པར་བསྒྲུབ་ཕྱིར་སླར་
D466.083.0101a05.01ཡང་སྡུད། །འོད་ཟེར་ཆེན་པོས་རབ་གསལ་ཞིང་། །ཡེ་ཤེས་རྒྱ་མཚོའི་འོད་དང་མཚུངས། །འདི་འདྲ་རྟག་ཏུ་སེམས་བྱེད་པ། །ནམ་མཁའི་སྙིང་པོ་ཐུབ་པ་ཆེ། །འདུ་བྱེད་ཐམས་ཅད་སྤངས་པ་ཡི། །མཁའ་དང་མཉམ་པ་དེར་འགྱུར་རོ། །ནམ་མཁའ་སྣང་བར་བྱེད་པའི་ཡེ་
D466.083.0101a06.01ཤེས་རྡོ་རྗེ་ཞེས་བྱ་བའི་ཏིང་ངེ་འཛིན་ཏོ། །ལ་ཡི་ཡེ་ཤེས་ལས་བསྒྲུབས་པ། །རྒྱལ་བ་ཐམས་ཅད་ཀྱིས་ཀྱང་བརྒྱན། །ལྷ་མོ་སྤྱན་གསུམ་ཕྱག་བརྒྱད་པ། །ཞལ་གསུམ་གསེར་གྱི་མདོག་དང་མཚུངས། །སྒེག་པའི་ཆ་ལུགས་ལེགས་འཆང་བ། །ཅུང་ཟད་བཞད་པས་འདོད་
D466.083.0101a07.01