完整藏文原文 · 德格版页 当前仅加载第 83 函德格 119b 版页；藏文 NFD、目录标记与异常页序保留在来源切片中，重复版页行以稳定序号区分。
ལག་པ་གཉིས་ཐལ་མོ་ཁོང་སྟོང་དུ་སྦྱར་ནས་མཛུབ་མོ་གཉིས་ཀྱིས་སྲིན་ལག་གཉིས་ཀྱི་སེན་མོ་མནན་ནས་ཨུཏྤལ་ཁ་བྱེ་བའི་ཚུལ་དུ་གཞུག་པ་ནི་འཇམ་པའི་དབྱངས་ཀྱི་ཕྱག་རྒྱའོ། །ལག་པ་གཡོན་པ་པང་པར་བཞག་ལ། ལག་པ་གཡས་པ་གླང་པོ་ཆེའི་སྣ་ལྟར་བྱས་པ་ནི་
D466.083.0119b01.01སྤོས་ཀྱི་གླང་པོའི་ཕྱག་རྒྱའོ། །གཡོན་པའི་རྡོ་རྗེ་ཁུ་ཚུར་ནམ་མཁའ་ལ་སྒྲེང་བ་ལག་པ་གཡས་པའི་སོར་མོ་བ་དན་གྱི་ཚུལ་དུ་བྱས་པ་ནི་ཡེ་ཤེས་ཏོག་གི་ཕྱག་རྒྱའོ། །བཟང་པོའི་འདུག་སྟངས་སུ་འདུག་སྟེ། ཐལ་མོ་ཁོང་སྟོང་དུ་སྦྱར་ཏེ་སྙིང་གར་བཞག་པ་ནི་བཟང་སྐྱོང་གི་
D466.083.0119b02.01ཕྱག་རྒྱའོ། །ལག་པ་གཉིས་ཆུ་རླབས་ཀྱི་ཚུལ་དུ་བརྐྱང་བ་ལས་སོར་མོ་རྣམས་ཆུ་རླབས་དྲང་བ་ནི་བློ་གྲོས་རྒྱ་མཚོའི་ཕྱག་རྒྱའོ། །གཡོན་པ་རྡོ་རྗེ་ཁུ་ཚུར་སྙིང་གར་བཞག་ལ་གཡས་པ་མཆོག་སྦྱིན་པ་ནི་བློ་གྲོས་མི་ཟད་པའི་ཕྱག་རྒྱའོ། །གཡོན་པ་རྡོ་རྗེ་ཁུ་ཚུར་པང་དུ་བཞག་ལ་
D466.083.0119b03.01གཡས་སེ་གོལ་གཏོགས་པའི་ཚུལ་དུ་བྱས་པ་ནི་སྤོབས་པ་བརྩེགས་པའི་ཕྱག་རྒྱའོ། །ལག་པ་གཉིས་པདྨ་ཅུང་ཟད་ཁ་བྱེ་བ་ལྟར་བྱས་པ་ནི་མཐུ་ཆེན་ཐོབ་ཀྱི་ཕྱག་རྒྱའོ། །ལག་པ་གཉིས་མེ་ཏོག་འདོར་བའི་ཚུལ་དུ་བྱས་པ་ནི་ངན་སོང་ཐམས་ཅད་སྤོང་བའི་ཕྱག་རྒྱའོ། །ལག་
D466.083.0119b04.01པ་གཉིས་ཐལ་མོ་ཁོང་སྟོང་དུ་སྦྱར་བ་ལས་བསྣུན་པའི་ཚུལ་དུ་བྱས་པ་ནི་མྱ་ངན་ཐམས་ཅད་ཀྱི་མུན་པ་ངེས་པར་འཇོམས་པའི་བློ་གྲོས་ཀྱི་ཕྱག་རྒྱའོ། །ལག་པ་གཉིས་བརྐྱང་ནས་འཕྲོ་བའི་ཚུལ་དུ་བྱས་པ་ནི་དྲ་བ་ཅན་གྱི་འོད་ཀྱི་ཕྱག་རྒྱའོ། །གཡས་པ་མཆོག་སྦྱིན་པར་བྱས་པ་ལ་གཡོན་
D466.083.0119b05.01པ་ཟླ་བའི་ཚུལ་དུ་བྱས་པ་ནི་ཟླ་འོད་ཀྱི་ཕྱག་རྒྱའོ། །ལག་པ་གཉིས་བུམ་པའི་ཚུལ་དུ་བྱས་ནས་དབང་བསྐུར་བ་ནི་འོད་དཔག་མེད་ཀྱི་ཕྱག་རྒྱའོ། །གཡོན་པ་རྡོ་རྗེ་ཁུ་ཚུར་བྱས་ལ་གཡས་པའི་ཁུ་ཚུར་ནམ་མཁའ་ལ་ཀུན་ཏུ་བསྐོར་བའི་ཚུལ་དུ་བྱས་པ་ནི་ནམ་མཁའ་མཛོད་ཀྱི་ཕྱག་རྒྱའོ། །
D466.083.0119b06.01གཡོན་པ་ས་ལ་བརྐྱང་ནས་ལག་པ་གཡས་པའི་མཛུབ་མོ་དང་མཐེ་བོང་སྤྲད་ནས་ཞི་བའི་ཚུལ་དུ་བྱས་པ་ནི་སྒྲིབ་པ་ཐམས་ཅད་ངེས་པར་སེལ་བའི་ཕྱག་རྒྱའོ། །གཡོན་པ་རྡོ་རྗེ་ཁུ་ཚུར་ལས་ཁྲོ་བོའི་མཛུབ་མོ་སྙིང་གར་བཞག་ལ་ཧཱུྃ་ཞེས་བྱ་ཞིང་། ལག་པ་གཡས་པའི་རྡོ་རྗེ་ཁུ་ཚུར་རྡེག་
D466.083.0119b07.01