完整藏文原文 · 德格版页 当前仅加载第 83 函德格 126b 版页；藏文 NFD、目录标记与异常页序保留在来源切片中，重复版页行以稳定序号区分。
དཀྱིལ་འཁོར་གྲུ་བཞིར་བྱས་ནས་ནི། །སྤོས་ཀྱི་ཐིག་ལེ་བདུན་བྱས་ཏེ། །དེ་དག་ཁམ་པའི་ཕོར་པ་དགབ། །དེ་ནི་རི་རབ་ཐམས་ཅད་ནས། །རྩེ་མོ་བརྒྱད་པར་སྤྲུལ་བྱས་ཏེ། །རྡོ་རྗེ་འཕྲོ་བས་བརྒྱན་པ་ཡིས། །དེ་དག་རྣམས་ནི་མནན་པར་བྱ། །ཡྃ་ཞེས་བྱ་བས་བསྐྱེད་པའི་
D466.083.0126b01.01རླུང་བདུན་རྣམས། །ལྃ་ཞེས་བྱ་བའི་མཚན་མ་དབང་ཆེན་གྱི། །ནང་དུ་རླུང་རྣམས་ངེས་པར་ཆུད་པར་བྱ། །དེ་ལྟའི་སྦྱོར་བས་འཇིག་པའི་རླུང་ཡང་བཅིངས། །པདྨ་འདབ་བརྒྱད་བསྒོམས་ནས་དེའི་འདབ་ལ། །ཀླུ་བརྒྱད་བཀོད་དབུས་མེ་ཚོགས་འབར་བ་ཅན། །རྡོ་རྗེ་ཁྲོ་བོའི་
D466.083.0126b02.01སྐུ་ཡི་ཞབས་མཐིལ་གྱིས། །ཀླུ་རྣམས་མནན་ན་ཆར་སྤྲིན་ཆར་པ་འབེབས། །ཧཱུྃ་ཞེས་བྱ་བས་གཉིས་དབུས་ཀླུ་རྣམས་ཀྱི། །སྙིང་པོ་ཡོངས་བཅུག་སྤེལ་མས་གཟིར་ནས་སུ། །ཧཱུྃ་ཞེས་བྱ་བ་བཟླས་བརྗོད་བྱས་ནས་སུ། །འཇིག་དུས་ཆར་པ་ལྟ་བུའི་ཆར་པ་འབབ། །ཉི་མའི་
D466.083.0126b03.01མདོག་ལྟར་དམར་པོའི་འོད་བཟང་ཞལ། །ནམ་མཁའ་ཁྱབ་པར་རྣམ་པར་གདངས་ནས་ནི། །ཀུན་ནས་ཆར་ཆུས་ཡོངས་སུ་གང་བའི་སྤྲིན། །ཧཱུྃ་ཞེས་བྱ་བའི་འབར་བའི་ལྕེ་ཡིས་ལྡག །དབུགས་རྔུབ་པ་ཡིས་བཀུག་ནས་དབྱུང་བ་ཡིས། །ཤིང་བལ་བཞིན་དུ་རབ་ཏུ་གཏོར་
D466.083.0126b04.01བར་བྱ། །ཡང་ན་རང་གི་ཕྱག་རྒྱའི་ཚོགས་འབར་བ། །བཏང་བས་སྐད་ཅིག་ལ་ནི་བཅད་གཏུབས་ཏེ། །ཧཱུྃ་ཞེས་བྱ་བས་བསྡིགས་པ་བྱས་ན་ནི། །ནམ་མཁའ་དག་ཀྱང་སྟོན་ཀའི་དུས་ལྟར་སྣང་། །མེ་ཡི་དཀྱིལ་འཁོར་ལ་གནས་སྣང་མཛད་ཀྱི། །ཞབས་དྲུང་དཔྲལ་དབྱེས་
D466.083.0126b05.01ནས་བྱུང་མི་གཡོ་བྲན། །བདུད་ལས་རྣམ་རྒྱལ་ཕྱག་དྲུག་མདའ་གཞུ་ཞགས། །རལ་གྲི་འཁོར་ལོ་རྡོ་རྗེ་ཆར་འབེབས་པ། །ཁྲོ་བོ་གྲངས་མེད་པ་ཡིས་ཡོངས་བསྐོར་ནས། །བགེགས་རྣམས་སྲེག་མཛད་ཧཱུྃ་གི་སྒྲས་བཀང་ནས། །འཇིག་རྟེན་གསུམ་པོ་གང་འདི་རྣམ་པར་
D466.083.0126b06.01འཇིག །རྐང་རྗེས་ས་དང་མི་ཡི་ཁྲག་དག་ལས། །མི་ཡི་གཟུགས་བྱས་མི་རུས་ཕུར་བུ་ལ། །འོད་ཟེར་ཅན་གྱི་གསང་སྔགས་བསྒྲགས་པ་ཡིས། །ལན་གྲངས་ཉི་ཤུར་མངོན་སྔགས་མིག་ཏུ་གདབ། །ཚོགས་ཀྱི་བདག་པོའི་ཁར་ནི་མིང་བཅུག་ནས། །ཕྱི་བཞིན་རྡོ་རྗེ་
D466.083.0126b07.01