完整藏文原文 · 德格版页 当前仅加载第 83 函德格 121b 版页；藏文 NFD、目录标记与异常页序保留在来源切片中，重复版页行以稳定序号区分。
ཕོར་ལྟ་བུའི་མཆོད་ཡོན་དབུལ། །དེ་ནས་ལྷ་རྣམས་ཀུན་ལ་ཡང་། །ལག་པའི་གར་གྱིས་བྱུག་ཚུལ་བྱ། །དེ་ནས་སིལ་སྙན་ཚུལ་གྱིས་སུ། །ལག་གཉིས་སིལ་སྙན་ལེགས་པར་བརྡུང་། །དུང་དང་གླིང་བུ་བུད་པ་དང་། །ལག་པ་གཉིས་ནི་རྔ་ཡབ་གཡོབ། །
D466.083.0121b01.01བསིལ་ཡབ་ཚུལ་གྱིས་བསིལ་ཡབ་དང་། །སོར་མོ་གཉིས་ཀྱིས་རྒྱལ་མཚན་བྱ། །ཚོན་དགྱེ་ཚེ་ན་ལྕུག་ཕྲན་ལྟར། །བསྐྱོད་ཅིང་ཚོན་གྱི་ཕྲེང་བ་དགྱེ། །ལག་གཡོན་སྣོད་ཀྱི་ཚུལ་བྱས་ལ། །གཡས་པ་ཡིས་ནི་ལྷ་བཤོས་དབུལ། །ཁང་པ་བརྩེགས་པ་བཞག་ནས་
D466.083.0121b02.01སུ། །གོས་ཀྱི་ཚུལ་གྱིས་གོས་རྣམས་དང་། །གདུ་བུ་སྐེ་རགས་རྐང་རྒྱན་དང་། །རྣ་ཆ་དོ་ཤལ་གནས་ལྔར་གཞག །དེ་ནས་གདུགས་ཀྱི་ཚུལ་གྱིས་སུ། །ལྷ་རྫས་གདུགས་ནི་ལེགས་པར་གཟུང་། །བསམ་གཏན་ཚུལ་གྱིས་ལག་པ་དག །ནམ་མཁའ་ལ་ནི་མཛེས་
D466.083.0121b03.01བསྐོར་ན། །སངས་རྒྱས་ཞིང་རབ་འགེངས་བྱེད་པའི། །བླ་རེ་རྣམ་པ་སྣ་ཚོགས་འགྱུར། །གྲྭར་ནི་པདྨའི་ཕྲེང་བ་དང་། །དྲིལ་བུ་གཡེར་ཀའི་དྲ་བས་བརྒྱན། །གསང་སྔགས་འདི་ནི་ཆོ་ག་བཞིན། །རྡོ་རྗེ་དྲིལ་བུ་གསིལ་བ་ཡིས། །སྒོ་འཕར་དག་ཀྱང་དབྱེ་བར་བྱ། །
D466.083.0121b04.01ཨོྃ་བཛྲ་གྷཎྜ་ར་ཎི་ཏ། པྲར་ཎི་ཏ་སྃ་བྲ་ར་ཎི་ཏ། སརྦ་བུདྷ་ཀྵེ་ཏྲ། པྲ་ཙ་ལི་ཏེ། པྲཛྙཱ་པཱ་ར་མི་ཏཱ། ནཱ་ད་སྭ་བྷཱ་བེ་བཛྲ་དྷརྨྨ་ཧྲྀ་ད་ཡ། སནྟོ་ཥ་ཎི་ཧཱུྃ་ཧཱུྃ་ཧཱུྃ། ལག་གཡས་རྡོ་རྗེ་གསོར་བྱ་ཞིང་། སྣ་ཚོགས་ཁུགས་སུ་འགྱུར་བ་ཡི། །རྡོ་རྗེ་གླུ་ཡིས་བསྟོད་པར་བྱ། །རྡོ་རྗེ་ཐེག་པས་
D466.083.0121b05.01མཉེས་བྱེད་པ། །འདི་ནི་དོན་དམ་མཆོད་པ་ཡིན། །གང་གིས་རྣམ་རྟོག་རྣམ་སྤངས་ཏེ། །བྱང་ཆུབ་སེམས་ནི་རྣམ་བསྒོམས་པས། །ལུས་ངག་སེམས་ནི་རྣམ་དག་པ། །དེ་ཡི་མཆོད་པ་བླ་ན་མེད། །སེམས་ཅན་གང་གིས་དབུ་མ་ཡི། །ཐེག་པ་གོང་མ་མ་བསྒོམས་ཤིང་། །
D466.083.0121b06.01ཐེག་པ་དམན་པ་ལྷག་མོས་པ། །དེ་ཡི་མཆོད་པ་ཀུན་རྫོགས་པ། །སངས་རྒྱས་དབང་ཆེན་གྲགས་ཀུན་གྱིས། །མཆོད་པ་དེ་དག་གསན་པ་དང་། །ངོ་མཚར་བྱུང་བའི་སྤྱན་ཕྱེ་ནས། །ལེགས་སོ་ཞེས་ནི་རབ་ཏུ་གསུངས། །ཨེ་མའོ་སངས་རྒྱས་ཐམས་ཅད་ཀྱིས། །
D466.083.0121b07.01