完整藏文原文 · 德格版页 当前仅加载第 83 函德格 114b 版页；藏文 NFD、目录标记与异常页序保留在来源切片中，重复版页行以稳定序号区分。
ཞིང་ཚིག་ནས་སུ། །ཐམས་ཅད་ཆོ་ངེས་འདེབས་པར་བྱེད། །ས་ཡི་འོག་གི་བུ་མོ་དང་། །ལྷ་མིན་བུ་མོ་ཀླུ་མོ་དང་། །གསང་དབང་བུ་མོ་རྣམས་འཁྲུགས་ནས། །གཙོ་བོ་རྡོ་རྗེ་སྣང་མཛད་དྲན། །རིག་སྔགས་འདི་ནི་བཟླས་པ་དང་། །སྒོམ་པ་ཡི་ནི་སྦྱོར་བ་ཡིས། །
D466.083.0114b01.01བཟླས་པ་ཙམ་གྱིས་འགྲུབ་འགྱུར་ཞིང་། །བཀུག་ནས་རབ་ཏུ་ལོངས་སྤྱོད་བྱེད། །དེ་ནས་བཅོམ་ལྡན་འདས་ཀྱིས་ནམ་མཁའ་མཛོད་ཀྱིས་རྣམ་པར་རྒྱལ་བའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་ཆོས་བདུད་རྩིའི་དམ་ཚིག་གི་རྡོ་རྗེའི་ཁྲོ་གཉེར་འདི་
D466.083.0114b02.01རྡོ་རྗེ་སྐུ་གསུམ་རྣམས་ལས་ཕྱུང་ངོ་། །ཨོྃ་བྷ་ཡ་ནཱ་ཤ་ནི་ཏྲཱ་ས་ནི་ཏྲཱ་སེ། ཏྲཱ་ས་ཡ་ཏྲཱ་ས་ཡ། བཻ་ར་ཊི་བྷྲྀ་ཀུ་ཊི་ཏི་ཊེ། བཻ་ཊ་ཊི་བཻ་ཊ་ཊི། ཤྭེ་ཏེ་ཤྭེ་ཏེ། ཛ་ཊི་ནི་སྭཱ་ཧཱ། དེ་ནས་འདི་ནི་གསུངས་ཙམ་གྱིས། །རིག་སྔགས་འཆང་དང་ལྷ་རྣམས་ནི། །གཡོས་ཤིང་
D466.083.0114b03.01འཇིགས་པ་ཐོབ་པར་འགྱུར། །བདུད་རྣམས་འཇིགས་པས་རྣམས་འཁྲུགས་ཏེ། །གཙོ་བོ་རྡོ་རྗེ་རྣམ་སྣང་མཛད། །ཡིད་གཅིག་ཏུ་ནི་དྲན་པར་བྱེད། །ནོར་བུའི་གདུབ་རྣམས་གཡོ་བ་ཡིས། །རིག་སྔགས་འཆང་མ་ཀླུ་མོར་བཅས། །ལྷ་མིན་བུ་མོ་གསང་བ་
D466.083.0114b04.01ཡི། །བུ་མོ་བཀུག་ལ་སྤྱོད་པར་བྱེད། །འདིས་ནི་ལས་ཀུན་བྱེད་པ་དང་། །མཁའ་འགྲོ་མ་རྣམས་འཇིགས་པ་ཡིན། །ཡང་ན་གསང་སྔགས་ཐམས་ཅད་ནི། །སྐྱེ་བོ་མེད་པའི་ནགས་ཚལ་དུ། །སྔགས་པས་བྱེ་བ་བཟླས་ནས་སུ། །ལས་རྣམས་ཐམས་ཅད་
D466.083.0114b05.01བྱ་བ་གསུངས། །གང་གཞན་སློབ་དཔོན་སྨོད་པ་དང་། །ཐེག་པ་ཆེན་པོ་སུན་འབྱིན་དང་། །མི་གང་གསང་སྔགས་རྒྱུད་དག་གིས། །སྦྱོར་བ་ལ་ནི་འཕྱ་བྱེད་པ། །དེ་ཡིས་དངོས་གྲུབ་ཐོབ་མི་འགྱུར། །དེ་ནི་རྟག་ཏུ་གདོན་གྱིས་ཟིན། །བསྒྲིམས་ནས་གསང་
D466.083.0114b06.01བར་བྱ་བ་འམ། །ཡང་ན་ལུས་ནི་གཞིག་པར་བྱ། །སྔགས་པས་འདི་ལྟར་བྱས་ན་ནི། །བྱང་ཆུབ་དངོས་གྲུབ་ལེགས་པར་འཐོབ། །ཕྱོགས་བཅུའི་སེམས་ཅན་ཐམས་ཅད་ནི། །སྐུ་གསུམ་ཡེ་ཤེས་ལས་བྱུང་བའི། །ཁྱད་པར་དུ་ནི་བསྒོམ་པར་བྱ། །དགྲ་ལ་
D466.083.0114b07.01