完整藏文原文 · 德格版页 当前仅加载第 83 函德格 103a 版页；藏文 NFD、目录标记与异常页序保留在来源切片中，重复版页行以稳定序号区分。
མ་ཞེས་བྱ་བའི་གཟུགས། །ཞལ་རས་གསུམ་པ་སྤྱན་གསུམ་པ། །ཕྱག་དྲུག་གསེར་གྱི་མདོག་དང་ལྡན། །ན་ཆུང་དར་ལ་བབ་པའི་ཚད། །ཞལ་ནི་ཅུང་ཟད་བཞད་པ་སྟེ། །ཕྱག་ནི་རིན་ཆེན་གདུ་བུས་གཏམས། །ཕྱག་གཉིས་རིན་ཆེན་ཐལ་མོ་སྟེ། །འོད་ཀྱིས་
D466.083.0103a01.01དཀྱིལ་འཁོར་ཕྲེང་བ་འཁྲུགས། །གཡས་པའི་ཕྱག་ནི་མི་འཇིགས་སྦྱིན། །གསུམ་པ་མདའ་ནི་རྣམ་པར་གསོར། །གཡོན་མཛུབ་མ་རུང་རྣམས་ལ་བསྡིགས། །གསུམ་པ་ཡིས་ནི་གཞུ་ཡང་འཛིན། །འོད་ཟེར་དམར་པོ་ལེགས་པར་འབར། །རོལ་སྟབས་ཐབས་ཀྱི་
D466.083.0103a02.01ཞབས་ཀྱིས་གནོན། །སངས་རྒྱས་སྤྲིན་ནི་འཕྲོ་ཞིང་སྡུད། །ཆོས་འཛིན་ཡིད་དུ་འོང་བ་ཡི། །ལྷ་མོ་འདི་འདྲ་བསྒོམ་པར་བྱ། །སངས་རྒྱས་རིན་ཆེན་སྤྲིན་གྱི་ཡེ་ཤེས་ཀྱིས་སྣང་བར་བྱེད་པ་ཞེས་བྱ་བའི་ཏིང་ངེ་འཛིན་ཏོ། །བྷྲི་ཡི་ཡེ་ཤེས་ལས་བསྒྲུབས་པ། །འཇིགས་
D466.083.0103a03.01ལས་སྒྲོལ་བ་ཁྲོ་གཉེར་ཅན། །ཞལ་རས་གསུམ་པ་སྤྱན་གསུམ་པ། །སྟོན་ཀའི་ཟླ་བའི་འོད་དང་མཚུངས། །ཕྱག་དྲུག་པདྨ་ལ་བཞུགས་པ། །རོལ་པའི་སྟངས་ལ་བརྩོན་པ་སྟེ། །ཞལ་ནི་ཁྲོ་དང་བཅས་པར་བཞད། །ལེགས་པར་འབར་བའི་རྩེར་ལྟ་ཅན། །གཡས་
D466.083.0103a04.01པའི་ཕྱག་ན་རྡོ་རྗེ་སྟེ། །གཉིས་པ་བེ་ཅོན་འཛིན་པར་བཤད། །གསུམ་པ་ཡིས་ནི་མདའ་ཡང་གསོར། །གཡོན་པ་བསྡིགས་པའི་མཛུབ་མོ་ཅན། །གཉིས་པ་རིལ་བ་སྤྱི་བླུགས་བསྣམས། །གསུམ་པ་ན་ནི་མཚོན་ཆ་གཞུ། །སངས་རྒྱས་རྣམས་ཀྱི་སྤྲིན་འཕྲོ་
D466.083.0103a05.01ཞིང་། །དེ་བཞིན་གཞན་དག་ལེགས་སྡུད་པའི། །ཉལ་དང་འགྲེང་དང་འདུག་པ་ན། །ལྷ་མོ་འདི་འདྲ་རྟག་ཏུ་བསྒོམ། །འཇིགས་པ་ཐམས་ཅད་དམིགས་པ་མེད་པར་བྱེད་པའི་ཡེ་ཤེས་རྡོ་རྗེ་ཞེས་བྱ་བའི་ཏིང་ངེ་འཛིན་ཏོ། །ཧཱུྃ་གི་ཡེ་ཤེས་ལས་བསྒྲུབས་པ། །མིང་ནི་
D466.083.0103a06.01རྡོ་རྗེ་ལུ་གུ་རྒྱུད། །ཐམས་ཅད་འཆིང་བ་བསྐྱེད་པ་སྟེ། །སེམས་ཅན་མ་རུངས་ཕུང་བར་བྱེད། །ཞལ་རས་གསུམ་པ་སྤྱན་གསུམ་པ། །ཕྱག་དྲུག་སྔོ་བསངས་གཟུགས་བཟང་མ། །ཞལ་ནི་ཅུང་ཟད་བཞད་པ་མཛད། །ལག་པ་གཡས་ན་རྡོ་རྗེ་སྟེ། །གཉིས་
D466.083.0103a07.01