完整藏文原文 · 德格版页 当前仅加载第 83 函德格 102a 版页；藏文 NFD、目录标记与异常页序保留在来源切片中，重复版页行以稳定序号区分。
བསྒོམ། །གལ་ཏེ་བྱང་ཆུབ་མཆོག་འདོད་ན། །རིན་ཆེན་སྐུར་ནི་བསྒོམ་པར་བྱ། །པདྨའི་གཟུགས་ཀྱི་འཇོ་ཚུལ་སངས་རྒྱས་ཀྱི་རྒྱལ་བ་འདྲེན་པའི་ཡེ་ཤེས་རྡོ་རྗེ་ཞེས་བྱ་བའི་ཏིང་ངེ་འཛིན་ཏོ། །ཏཱ་ཡི་ཡེ་ཤེས་ལས་བསྒྲུབས་པ། །ལྷ་མོ་སྒྲོལ་མ་རྫུ་འཕྲུལ་
D466.083.0102a01.01ཅན། །འཇོ་སྒེག་ཆ་ལུགས་ལ་གནས་པ། །ཞལ་རས་གསུམ་པ་སྤྱན་གསུམ་པ། །ཕྱག་དྲུག་སེམས་དཔའི་སྐྱིལ་མོ་ཀྲུང་། །བཞད་པ་མརྒད་འོད་དང་ལྡན། །དང་པོ་མི་འཇིགས་སྦྱིན་པའི་ཕྱག །གཉིས་པ་ན་ནི་རྡོ་རྗེ་བསྣམས། །གསུམ་པ་ན་ནི་མདའ་ཡང་གསོར། །
D466.083.0102a02.01གཡོན་པ་བསྡིགས་པའི་མཛུབ་མོ་སྟེ། །གཉིས་པ་ན་ནི་ཨུཏྤལ་ཉིད། །གསུམ་པ་ན་ནི་གཞུ་ཡང་འཛིན། །འོད་ཟེར་དམར་པོ་འབར་བ་ཅན། །སངས་རྒྱས་འཕྲོ་བས་རྒྱས་མཛད་པ། །དགའ་མཛད་སེམས་ཅན་ཀུན་གྱི་མ། །རྟག་པར་རྒྱུན་དུ་བསྒོམ་པར་བྱ། །
D466.083.0102a03.01སེམས་ཅན་ཐམས་ཅད་དབང་དུ་འགྲོ་ཞིང་དགའ་བར་བྱེད་པའི་ཡེ་ཤེས་རྡོ་རྗེ་ཞེས་བྱ་བའི་ཏིང་ངེ་འཛིན་ཏོ། །སྐྱེས་མཆོག་རྒྱལ་བས་གསུངས་པ་ཡི། །སེམས་མ་བཞི་ནི་བརྗོད་པའི་མིང་། །སེམས་མ་དང་ནི་རིན་ཆེན་མ། །ཆོས་མ་རྡོ་རྗེ་ལས་མ་སྟེ། །རོལ་པས་རྗེས་སུ་
D466.083.0102a04.01མཉེས་མཛད་མ། །དེ་དག་ཇི་ལྟར་རིགས་པར་བསྒོམ། །དེ་དག་ཀྱང་ནི་བསྒོམས་པ་ཡིས། །རིང་པོར་མི་ཐོགས་བྱང་ཆུབ་འཐོབ། །སེམས་ཅན་རབ་ཏུ་དགའ་བྱེད་པའི། །འཕགས་མ་བཞི་ཡི་ཏིང་ངེ་འཛིན་ཏོ། །ཙུྃ་གི་ཡི་གེ་ལས་བསྒྲུབས་པ། །མིང་ནི་སྐུལ་བྱེད་
D466.083.0102a05.01ཅེས་མའི་གཟུགས། །སྐུ་གསུམ་རྒྱལ་བ་བྱེ་བ་ཕྲག །བདུན་གྱིས་གསང་སྔགས་གླུ་ཡིས་བསྟོད། །ཡི་གེ་དགུ་པ་ཐབས་དགུ་ཅན། །ལྷ་དགུ་རྣམས་ཀྱི་གནས་ཀྱང་ཡིན། །ཞལ་གསུམ་སྟོན་ཀའི་འདམ་བུའི་མདོག །རྒྱན་རྣམས་ཀུན་གྱིས་བརྒྱན་པ་སྟེ། །
D466.083.0102a06.01ན་ཆུང་སྐལ་ལྡན་དར་ལ་བབ། །རིག་སྔགས་ཐམས་ཅད་སྒྲོལ་མཛད་མ། །དང་པོའི་ཞལ་ནི་ཅུང་ཟད་ཙམ། །བཞད་ཅིང་སྤྱན་གསུམ་ལྡན་པ་སྟེ། །གཡས་ཀྱི་ཞལ་ནི་རྣམ་གདངས་པ། །ཨུཏྤལ་སྔོན་པོ་འདབ་མའི་འོད། །མཆེ་བ་ཟླ་བ་ཚེས་པ་བཞིན། །ལྕེ་
D466.083.0102a07.01