完整藏文原文 · 德格版页 当前仅加载第 83 函德格 120b 版页；藏文 NFD、目录标记与异常页序保留在来源切片中，重复版页行以稳定序号区分。
བོ་རྡོ་རྗེས་འོག་གི་ཕྱག་རྒྱའོ། །གཡོན་པའི་རྡོ་རྗེ་ཁུ་ཚུར་གྱི་ཁྲོ་བོའི་མཛུབ་མོས་བསྡིགས་པ་ནི་རྡོ་རྗེའི་བདག་མོའི་ཕྱག་རྒྱའོ། །རྡོ་རྗེ་བཅིངས་པ་ལས་མཛུབ་མོ་གཉིས་བརྐྱང་སྟེ་ཕུར་བུའི་ཚུལ་དུ་བྱས་པ་ནི་རྡོ་རྗེ་ཕུར་བུའི་ཕྱག་རྒྱའོ། །གཡས་པའི་རྡོ་རྗེ་ཁུ་ཚུར་བརྡུང་བའི་ཚུལ་དུ་བྱས་
D466.083.0120b01.01པ་ནི་རྡོ་རྗེ་ཐོ་བའི་ཕྱག་རྒྱའོ། །ལག་པ་གཉིས་རྡོ་རྗེ་ཁུ་ཚུར་བཅངས་པ་ལས་མཛུབ་མོ་གཉིས་བརྐྱང་སྟེ་རྡོ་རྗེ་མདུད་པ་དོར་བའི་ཚུལ་དུ་བྱས་པ་ནི་དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་བཅིངས་པའི་ཕྱག་རྒྱའོ། །ལག་པ་གཉིས་ཀྱིས་རྡོ་རྗེ་ཁུ་ཚུར་བཅངས་ཏེ་སོག་ལེ་དྲང་བའི་ཚུལ་དུ་
D466.083.0120b02.01བྱས་པ་ནི་རྡོ་རྗེ་སོག་ལེའི་ཕྱག་རྒྱའོ། །ལག་པ་གཉིས་ཐལ་མོ་ཟླ་བའི་ཚུལ་དུ་བྱས་ཏེ་གདོང་གཡོག་ཅིང་བརྐྱང་ལ་ཁྲོ་བོའི་མིག་ཏུ་བྱས་ནས་ཨ་ལ་ལ་ཞེས་བྱ་བ་ནི་རྡོ་རྗེ་སྲིན་མོའི་ཕྱག་རྒྱའོ། །ལག་པ་གཉིས་ལུ་གུ་རྒྱུད་དུ་བཅིངས་པ་ལ་མཛུབ་མོ་དང་མཐེ་བོ་གཉིས་པདྨའི་ཚུལ་དུ་
D466.083.0120b03.01བྱས་པ་ནི་སྤྲིན་ཐམས་ཅད་གཏུབ་པའི་ཆར་པའི་ཕྱག་རྒྱའོ། །ལག་པ་གཉིས་ཁུ་ཚུར་བཅངས་པ་ལས་མཛུབ་མོ་གཉིས་གདུ་བུ་ལྟར་བྱས་ཏེ་སྐམ་པའི་ཚུལ་དུ་དཔུང་པ་བརྐྱང་བ་ནི་འཁྲུལ་འཁོར་གྱི་ཕུར་པ་དབྱུང་བའི་སྐམ་པའི་ཕྱག་རྒྱའོ། །ལག་པ་གཉིས་ཀྱི་མཐེ་བོ་ལག་མཐིལ་དུ་བཞག་
D466.083.0120b04.01སྟེ། ལྷག་མ་རྣམས་འདབ་མ་ལྟར་གཡབ་ཅིང་རྐང་པ་ཡ་གཅིག་ས་ལ་བཙུགས་ལ། གཅིག་རྒྱབ་ཏུ་བསྐུམས་ནས་ཁྲོ་བོའི་ལྟ་བས་ལྕེ་ལྗིབ་ཅིང་ཧཱུྃ་ཕཊ་ཅེས་བྱ་བས་རིམ་གྱིས་བསྐྱོད་པ་ནི་རྡོ་རྗེ་ནམ་མཁའ་ལྡིང་གི་ཕྱག་རྒྱའོ། །འདི་བཅིངས་པ་ཙམ་གྱིས་ཁམས་གསུམ་ཁྱབ་པའི་དུག་
D466.083.0120b05.01ཀྱང་སྐད་ཅིག་གིས་སེལ་བར་བྱེད་དོ། །རྡོ་རྗེ་ཁུ་ཚུར་གཉིས་མདའ་གཞུ་དགང་བའི་ཚུལ་གྱིས་ཕྱོགས་བཞིར་མདའ་བཀང་སྟེ་འཕངས་པས་ཕ་རོལ་དཔུང་གཞིག་པ་ནི་མཉེས་པར་བྱེད་པའི་རྡོ་རྗེ་མདའི་ཕྱག་རྒྱའོ། །ཁུ་ཚུར་གཉིས་ལས་གུང་མོ་གཤིབས་ཏེ་བསྒྲེང་བ་ལས་རིན་པོ་ཆེའི་
D466.083.0120b06.01ཚུལ་དུ་བཀུག་ལ་མཐེ་བོ་བརྐྱང་བའི་སྟེང་དུ་མཛུབ་མོ་གཉིས་གདུ་བུའི་ཚུལ་དུ་བྱས་པ་ནི་སངས་རྒྱས་འཁོར་ལོ་ཅན་གྱི་ཕྱག་རྒྱ་གཡུལ་ལས་སྒྲོལ་བར་བྱེད་པའོ། །ལག་པ་གཡོན་པའི་མཐེ་བོས་སོར་མོ་མནན་ཏེ་གུང་མོ་བསྒྲེང་ལ་གཡས་པས་པདྨ་ཁ་འབྱེད་པའི་ཚུལ་དུ་བྱས་པ་ནི་ཧ་ལ་
D466.083.0120b07.01