完整藏文原文 · 德格版页 当前仅加载第 91 函德格 4b 版页；藏文 NFD、目录标记与异常页序保留在来源切片中，重复版页行以稳定序号区分。
བསྒྲུབས་ན། །དེ་ནས་དེ་དག་བཤད་པ་བཞིན། །དངོས་གྲུབ་ངེས་པར་ཐོབ་པར་འགྱུར། །ཤིང་ལས་ལེགས་པར་བྱས་པ་ཡི། །ཐོད་པ་སོར་ནི་ཉི་ཤུ་པ། །མཉམ་པར་རབ་ཏུ་ལེགས་བྱས་ལ། །ཉེས་པ་ཐམས་ཅད་རྣམ་སྤངས་པ། །རི་ཡི་རྩེ་མོར་འདུག་ནས་སུ། །མཆོད་དང་གཏོར་
D604.091.0004b01.01མའི་རིམ་པར་བྱས། །བདུག་པའི་སྦྱིན་སྲེག་བྱས་ནས་སུ། །སྔགས་ཀྱང་བསྲུང་བ་མཐུ་བསྐྱེད་དེ། །ཐོད་པ་ལག་པ་གཡོན་པས་བཟུང་། །ལག་པ་གཡས་པས་བསྟེན་ནས་ནི། །དེ་ཡི་ཁ་ཡང་དགབ་པར་བྱ། །ཇི་སྲིད་དེ་ལ་འབར་བ་དང་། །དུ་བའམ་ཚ་བ་བྱུང་གི་བར། །དེ་སྲིད་(སྔགས་,སྦས་)
D604.091.0004b02.01ནི་བཟླས་པར་བྱ། །འབར་ནས་ནམ་མཁར་འགྲོ་བར་འགྱུར། །འཇིག་རྟེན་གསུམ་གྱི་བདག་པོར་བཤད། །དུ་བ་འབྱུང་བར་གྱུར་ན་ཡང་། །དེ་བཞིན་ངེས་པར་མི་སྣང་འགྱུར། །འོན་ཏེ་ཚ་བར་དེ་གྱུར་ན། །དེ་ཡི་ཚེ་ན་གང་བསམས་པ། །ཐོད་པ་དེ་ལས་འབྱུང་བར་འགྱུར། །
D604.091.0004b03.01དེ་ལ་རྣམ་པ་དཔྱད་མི་དགོས། །འོན་ཏེ་དེ་ནི་མ་གྲུབ་ན། །དེ་ནས་ས་ལ་མི་བཞག་པར། །དེ་ཡི་ཐོད་པ་བླངས་ནས་སུ། །ཤིང་གི་ཁྲི་ལ་གཞག་པར་བྱ། །རས་ཀྱིས་གཡོགས་ཏེ་བཞག་ནས་སུ། །ཡིད་ལ་ཅི་འདོད་བསམས་པ་ཡི། །ཟན་དང་བཟའ་དང་བྱ་ན་རྣམས། །གང་
D604.091.0004b04.01ཡང་རུང་བ་དེ་དག་ཉིད། །རས་གཡོགས་ལག་གིས་བཟུང་ནས་སུ། །སྟོང་རྩ་བརྒྱད་དུ་བཟླས་བྱས་ན། །གྲུབ་པ་ལ་ནི་ཉིན་རེ་ཞིང་། །དེ་ནས་གང་ཡང་རུང་བའི་ཟས། །བྱ་ན་བཅངས་པས་ངེས་པ་རུ། །ཐོད་པ་དེ་ནང་གང་བར་འགྱུར། །སེམས་ཅན་རྣམས་ནི་གང་ལ་ཡང་། །
D604.091.0004b05.01བདུད་རྩི་ཟས་ནི་སྦྱིན་པར་བྱ། །ཚུལ་བཞིན་པ་ཡི་འོག་ཏུ་ནི། །གཙང་སྦྲ་བྱས་ཏེ་ཚུལ་བཞིན་བཟའ། །ཐོད་པ་བསྒྲུབ་པ་བཤད་པ་འདི། །ལག་པ་གཡོན་པས་གཟུང་བར་བྱ། །མདུང་ཐུང་རྣོན་པོ་ལེགས་བྱས་པ། །བཤོལ་བ་མེད་པར་བསྒྲུབ་པར་བྱ། །ཨུར་མོ་ལྕགས་ལས་བྱས་
D604.091.0004b06.01པ་མཆོག །བཀྲ་ཤིས་སོར་ནི་སུམ་ཅུ་གཉིས། །དེ་ནས་ཆོ་ག་སྔ་མ་བཞིན། །ཆུ་འགྲམ་གཙང་མ་དག་ཏུ་ནི། །སྔོན་བཞིན་མཚན་མོ་བསྒྲུབ་པར་བྱ། །དངོས་གྲུབ་འབྲས་བུ་གསུམ་དུ་བཤད། །དེ་ལྟར་ཇི་སྐད་བཤད་པ་བཞིན། །མདའ་བོ་ཆེ་ཡང་མཁས་པས་བསྒྲུབ། །
D604.091.0004b07.01