完整藏文原文 · 德格版页 当前仅加载第 91 函德格 10b 版页；藏文 NFD、目录标记与异常页序保留在来源切片中，重复版页行以稳定序号区分。
ཁྲོ་བོ་བདག་ཉིད་ཀྱིས། །གསུངས་པ་དེ་ཡི་ཆོ་ག་བརྗོད། །སྔགས་ནི་ཡི་གེ་བཅུ་བདུན་པོ། །ཁྲོ་བོ་ཞེས་ནི་གང་བརྗོད་པ། །དེ་ལ་ཐོག་མར་སྟོན་བཞིན་དུ། །རི་མོ་བྲིས་ལ་དེ་མདུན་དུ། །ཚུལ་བཞིན་དུ་ནི་མཆོད་པ་བྱ། །མཁས་པས་ཡང་ན་སྐུ་གཟུགས་ཀྱང་། །བྱེད་
D604.091.0010b01.01དུ་བཅུག་སྟེ་དེ་འོག་ཏུ། །མཁས་པས་བརྒྱད་འབུམ་བཟླས་པར་བྱ། །དེ་ཡི་མཐའ་མར་དཀོན་མཆོག་ནི། །གསུམ་པོ་དག་ལ་མཆོད་ཆེན་བྱ། །དེ་ཡི་འོག་ཏུ་ཁྲོ་མཆོག་ནི། །ཇི་སྐད་གསུངས་བཞིན་མཆོད་པ་བྱ། །འོན་ཀྱང་གྲུབ་སྟེ་དེ་ཡི་ཚེ། །འབྱུང་པོའི་གདོན་དང་དུག་
D604.091.0010b02.01རྣམས་དང་། །ཡིད་ལ་གང་དང་གང་འདོད་པ། །དེ་ཡིས་བསམ་པའི་ལས་ཀྱང་ནུས། །ནམ་ཡང་དངོས་གྲུབ་ཕྲན་ཚེགས་ལ། །དེ་ནི་སྦྱར་བར་མི་བྱའོ། །དུག་ལ་སོགས་ཏེ་གང་བརྗོད་པ། །ལས་ཀྱི་རྣམས་ནི་ཚིག་གིས་བྱ། །གཞན་དུ་ཡེངས་པའི་ཚིག་གིས་ཀྱང་། །
D604.091.0010b03.01བདག་ཉིད་ཇི་ལྟར་འདོད་བཞིན་ནོ། །དེ་བཞིན་སེམས་ཅན་སྡང་རྣམས་ལ། །ཚར་གཅད་པ་དང་ཕན་འདོགས་ནུས། །གང་ཞིག་ནག་པོས་ཟིན་པ་ཡི། །ལས་རྣམས་ཀྱང་ནི་བྱེད་འགྱུར་ཏེ། །ཆུ་ཡི་ངེས་པར་གཏོར་བ་དང་། །ལྕག་གམ་ཡང་ན་རྐང་པ་ཡིས། །ཁྲོ་བོས་
D604.091.0010b04.01ཇི་སྐད་གསུངས་པ་བཞིན། །ཐེ་ཚོམ་མེད་པར་སོས་པར་འགྱུར། །དེ་ལྟར་ཀུན་ཏུ་ཡིད་ཀྱིས་སམ། །ཡང་ན་ཚིག་གིས་བསྐུལ་བར་བྱ། །ཇི་ལྟར་ཁྲོས་པ་མེད་པར་ཡང་། །ཕྲན་ཚེགས་ལས་ནི་གྲུབ་འགྱུར་ཏེ། །དྲན་པ་ཙམ་ནི་འབའ་ཞིག་གིས། །བྱེད་པ་པོ་ཡི་
D604.091.0010b05.01ལས་དེ་འགྲུབ། །དེ་ནས་སྣོད་ལ་དབབ་པ་ཡི། །ལས་གཞན་འདི་ནི་རབ་ཏུ་བྱ། །གཞོན་ནུ་མཚན་དང་ལྡན་འགྱུར་ཞིང་། །ཉེས་པའི་སྐྱོན་མེད་ཡན་ལག་ཚང་། །ཤིན་ཏུ་བཀྲུས་ཏེ་རྒྱན་གྱིས་བརྒྱན། །བ་ལས་བྱུང་བའི་ལྔ་ཡང་བླུད། །དེ་ཡི་འོག་ཏུ་སྨྱུང་བྱས་ཏེ། །
D604.091.0010b06.01ནམ་ལངས་པ་དང་བཀྲུས་བྱས་ལ། །དྲི་ཞིམ་པ་ཡི་དྲིས་བྱུགས་ཤིང་། །གོས་རྣམས་དང་ནི་རྒྱན་གྱིས་བརྒྱན། །དེ་ལྟར་མཆོད་པ་བྱས་ནས་ནི། །ཤར་གྱི་ཕྱོགས་སུ་ཁ་བསྟན་ཏེ། །ཆོ་ག་བཞིན་དུ་ཀུ་ཤ་ཡི། །སྟན་ལ་བཞག་སྟེ་དེ་ནས་ནི། །དེ་ཡི་ལག་པ་གཉིས་ཀར་
D604.091.0010b07.01