完整藏文原文 · 德格版页 当前仅加载第 91 函德格 14b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ལ་མཁས་པ་ཡིས། །མཆོད་པ་ཡན་ལག་མཆོག་གིས་མཆོད། །སྔགས་པ་བརྟུལ་ཞུགས་བརྟན་པ་ནི། །དེ་ཡི་འོག་ཏུ་བྲག་ཕུག་ཞུགས། །རི་མོའི་སྤྱན་སྔར་འདུག་ནས་སུ། །ཁ་ཟས་ཟ་བ་དག་སྤངས་ནས། །རི་དབང་དེ་ནི་ཇི་ཙམ་དུ། །གཡོ་བར་འགྱུར་གྱི་བར་དུ་
D604.091.0014b01.01བཟླས། །ཡང་ན་ཁྲོ་བོ་གཤིན་རྗེའི་གཤེད། །བཞད་དམ་གཡོས་ཀྱི་བར་དུ་བཟླས། །ཡང་ན་རབ་ཏུ་འབར་གྱི་བར། །བཟླས་ན་དེ་ཚེ་དངོས་གྲུབ་འཐོབ། །དེ་ལྟར་ལྷ་ནི་བཟླས་པ་ཡིས། །དངོས་གྲུབ་ཡ་མཚན་དེ་བཞིན་ནོ། །དེ་ནས་རིག་འཛིན་དཔལ་དང་ལྡན། །གྲུབ་
D604.091.0014b02.01པར་འདོད་རྣམས་ཀུན་བསྒྲུབས་པ། །ཅི་བསམས་པ་ནི་དེ་དག་ཀུན། །རིང་པོར་མི་ཐོགས་འབྱོར་པར་འགྱུར། །ཁྲོས་ནས་ཡང་འགས་པར་འགྱུར། །ཆུ་དག་ཀྱང་ནི་སྐམ་པར་འགྱུར། །རི་རྣམས་ཐམས་ཅད་(བརྙིལ་,བསྙིལ་)བར་ནུས། །རྒྱ་མཚོ་དག་ཀྱང་སྐེམས་པར་བྱེད། །
D604.091.0014b03.01དེ་ལ་སོགས་པའི་ལས་རྣམས་ནི། །ཡ་མཚན་ཆེན་པོ་ཐམས་ཅད་དང་། །སེམས་ཅན་རྣམས་ནི་ཐམས་ཅད་ལ། །ཕན་པ་རྣམ་པ་སྣ་ཚོགས་བྱེད། །ཆོ་ག་སྔ་མ་གསུངས་པ་ཀུན། །ཆོ་ག་སྔ་མ་བཞིན་དུ་བསྒྲུབ། །བསྒྲུབས་ནས་སེམས་ཅན་ཐམས་ཅད་ལ། །འབྲས་བུ་མཆོག་
D604.091.0014b04.01རྣམས་སྦྱིན་པར་བྱ། །གྲུབ་པའི་མཐུ་ནི་གང་ཡོད་པ། །བདེ་གཤེགས་བསམ་ན་དེ་དག་ཀུན། །འཇུངས་པ་མེད་པའི་བསམ་པ་ཡིས། །སྐྱེ་བོ་ཕོངས་པ་རྣམས་ལ་སྦྱིན། །སྙིང་རྗེ་ཅན་གྱིས་བདག་གི་ལུས། །ཕོངས་པ་དག་ལ་རྟག་ཏུ་སྦྱིན། །དེ་ལྟར་སྦྱིན་པའི་ཕ་རོལ་ཕྱིན། །དྲི་མ་
D604.091.0014b05.01མེད་པར་བསྒྲུབས་ནས་སུ། །དགེ་བ་འདི་ཡིས་སེམས་ཅན་ཀུན། །བདེ་བར་གཤེགས་ལྡན་དགེ་བར་འགྱུར། །བདེ་བ་ཐམས་ཅད་ཡོངས་རྫོགས་ཤིང་། །དགེ་བ་ཀུན་ཀྱི་སྣོད་གྱུར་ཅེས། །ཡིད་ཀྱིས་ཡོངས་སུ་བསྔོ་བར་བྱ། །གང་ཞིག་དེ་ལྟར་སྔགས་བསྒྲུབས་ཀྱང་། །དྲི་མ་མེད་
D604.091.0014b06.01པའི་བྱང་ཆུབ་སེམས། །བདེ་བ་རྟག་ཏུ་སྤྱོད་པ་དེ། །དངོས་གྲུབ་རྟོག་ལས་གང་གསུངས་པ། །དེ་བཞིན་གཤེགས་པའི་ཞལ་ནས་བྱུང་། །ཐམས་ཅད་དེ་ལ་ཉེ་བར་གནས། །སྒྲུབ་པ་པོ་དེ་རྫུ་འཕྲུལ་གྱིས། །ཡོན་ཏན་ཀུན་དང་ལྡན་པར་འགྱུར། །དེ་ལྟར་འཇམ་དཔལ་ཁྲོ་བོ་ཡི། །
D604.091.0014b07.01