完整藏文原文 · 德格版页 当前仅加载第 91 函德格 14a 版页；藏文 NFD、目录标记与异常页序保留在来源切片中，重复版页行以稳定序号区分。
བ། །དེ་དག་མདོར་བསྡུས་བཤད་པ་ཡིན། །འཇམ་དཔལ་གྱི་རྩ་བའི་ཆོ་ག་ཞིབ་མོ་ཁྲོ་བོ་གཤིན་རྗེའི་གཤེད་རྣམ་པར་རྒྱལ་བའི་ཆོ་ག་ཞིབ་མོ་ཀུན་གྱི་ཕྱི་མ་ལས་འཕགས་པ་འཇམ་དཔལ་གྱི་ཁྲོ་བོའི་ཆོ་ག་ཞིབ་མོ་ཕྱི་མ་རིམ་པར་ཕྱེ་བ་སྟེ་དགུ་པ་
D604.091.0014a01.01རྟོག་པ་ཕྱི་མ་རྫོགས་སོ།། །།དེ་ནས་ཆོ་ག་ཐམས་ཅད་ཀྱི། །ཕྱི་མའི་ཕྱི་མ་ཞེས་བྱ་བ། །སྦྱོར་བར་བཅས་ཤིང་རྒྱས་པ་ཡི། །ཆོ་ག་ད་ནི་བཤད་པར་བྱ། །ཡི་གེ་བཅུ་བདུན་སྔགས་ཀྱིས་ནི། །དཔའ་བོ་བརྟུལ་ཞུགས་བཟང་པོ་དང་། །དེ་བཞིན་སྔོན་དུ་བསྙེན་
D604.091.0014a02.01ལ་སོགས། །ཆོ་ག་དག་ནི་འདིར་བཤད་ཟིན། །ད་ནི་ཡི་གེ་འབྲུ་གཅིག་པ། །སྔགས་མཆོག་དག་ནི་གང་གསུངས་པ། །དེ་ཡི་ལས་ཀྱི་ཆོ་ག་བཤད། །དཔའ་བོ་བརྟུལ་ཞུགས་མེད་པར་ཡང་། །འཇམ་པའི་དབྱངས་ཀྱི་ཁྲོ་བོ་གང་། །མིང་ནི་གཤིན་རྗེའི་གཤེད་ཅེས་བྱ། །
D604.091.0014a03.01དེ་ཡི་སྙིང་པོ་མཆོག་དེ་ནི། །ཧཱུྃ་ཞེས་བྱ་བའི་ཡི་གེ་གཅིག །ཐོག་མར་ཨོྃ་བཞག་ཆོ་ག་བཞིན། །རི་མོའི་སྤྱན་སྔར་འདུག་ནས་སུ། །འདི་ནི་འབུམ་ཕྲག་བཅུར་བཟླས་ན། །དེ་ཡི་འོག་ཏུ་སྒྲུབ་ལ་འཇུག །དེ་ནས་དེ་ཡི་རི་མོ་མཆོག །དོན་རྣམས་ཐམས་ཅད་སྒྲུབ་པ་
D604.091.0014a04.01གཞན། །གང་གིས་དངོས་གྲུབ་རབ་ཐོབ་པ། །ཚུལ་བཞིན་དུ་ནི་རབ་ཏུ་བཤད། །རས་ནི་སར་པ་ཁྲུ་གང་ཙམ། །ལེགས་པར་བཀྲུས་ཤིང་དྲིས་བསྐུས་ལ། །ཚོན་རྩི་བཟང་པོ་སྦྱིན་མེད་པས། །ཁྲོ་བོ་གཤིན་རྗེའི་གཤེད་བྲི་བྱ། །ཞལ་ནི་བགྲད་ཅིང་འཇིགས་པའི་གཟུགས། །
D604.091.0014a05.01སྨིན་མ་སེར་ཞིང་སྤུ་ཡང་སེར། །ཆར་སྤྲིན་ནག་པོའི་ཁ་དོག་འདྲ། །ཐོད་པ་དག་གིས་བརྒྱན་དུ་བྱས། །སྤྱན་གསུམ་དབུ་ཡང་གྱེན་དུ་བརྫེས། །ཞལ་གཅིག་པ་ལ་མདངས་ཀྱང་གསལ། །ཕྱག་གཉིས་པ་ལ་བེ་ཅོན་བསྣམས། །ཕྱག་གཡོན་པས་ནི་བསྡིགས་པར་
D604.091.0014a06.01མཛད། །ཞབས་ཀྱང་རབ་ཏུ་བཟང་པོ་གཉིས། །མ་ཧེ་ལ་ནི་ཆིབས་པར་བྱ། །སྟག་ལྤགས་ན་བཟའ་མན་བས་པར་དགྱེས། །འཁྲུགས་ཅིང་འཇིགས་པའི་གསུང་ཡང་འབྱིན། །ཡན་ལག་ཐམས་ཅད་ཡོངས་རྫོགས་པ། །འོད་ཟེར་འབར་བ་བཅས་པའི་སྐུ། །དེ་ནས་
D604.091.0014a07.01