完整藏文原文 · 德格版页 当前仅加载第 91 函德格 35b 版页；藏文 NFD、目录标记与异常页序保留在来源切片中，重复版页行以稳定序号区分。
པའོ། །བཙན་ཐབས་སུ་ནི་བསྐོར་བར་བྱ། །རྐང་པ་གཡས་པ་བཙུགས་ཏེ་མནན། །ལག་པ་གཉིས་ཀ་དྲག་རྡོབ་པ། །བྱས་ནས་འཇིགས་པར་བྱ་བ་ནི། །དེ་བཞིན་སྙེམས་དང་བཅས་བཤད་པ། །ཚམ་ངམ་བདག་ཉིད་ཆེན་པོ་འདི། །འཇིགས་
D604.091.0035b01.01པར་བྱེད་པ་ཞེས་བྱ་སྟེ། །རྟག་ཏུ་ཁྲོ་བོ་བསྒོམ་པའོ། །རྐང་པ་མཉམ་པར་བཞག་ཏེ་འདུག །གཡས་པ་ཅུང་ཟད་མཐོ་བར་བྱ། །དཔལ་དང་ལྡན་པས་གཡོན་པ་སྨད། །གཡོན་པ་སོར་མོ་གཅིག་གིས་བསྡིགས། །དཔུང་པ་བཏེག་སྟེ་བེ་ཅོན་འཕྱར། །
D604.091.0035b02.01རྐང་པ་དག་ནི་གདོང་བསྒྱུར་བ། །རྟག་ཏུ་ཁྲོ་བོ་བསྒོམ་པ་ནི། །ཀཱི་ལི་ཀཱི་ལ་ཞེས་བྱའོ། །ཀཱི་ལི་ཀཱི་ལ་ཆེན་པོ་ནི། །དེ་ཉིད་ལས་ནི་རྒྱབ་ཏུ་བལྟ། །ཁྲོ་བོ་མིག་ནི་ཡ་གཅིག་བཙུམས། །མྱུར་དུ་མཆོད་སྟབས་བྱེད་པའོ། །འདི་ནི་ཚམ་ངམ་སྦྱོར་བ་སྟེ། །ཧེ་ལའི་འཁོར་ལོ་རྩིབས་རིམ་
D604.091.0035b03.01ལས། །མདོར་ན་ཇི་ལྟར་དགོད་པ་དག །ལེགས་པར་བཤད་པ་འདི་ཡིན་ནོ། །ཧེ་ལའི་འཁོར་ལོའི་མཐུ་སྔགས་དང་། །ཚམ་ངམ་གཡས་ཀྱི་མཐུ་དགའ་ཡིས། །ལས་རྣམས་རབ་ཏུ་ངོ་མཚར་བ། །ཇི་སྐད་གསུངས་པའི་ལས་རྣམས་བྱའོ། །བསྒྲུབ་པ་དེ་དག་གསང་རྒྱུད་དང་། །ཧེ་ལའི་
D604.091.0035b04.01འཁོར་ལོ་འདི་ཤེས་ན། །ཁྲོ་བོ་དངོས་དང་གཅིག་འགྱུར་བས། །ཁྲོ་བོའི་སྐད་དུ་སྤྱོད་པར་འགྱུར། །རྟོག་པ་འདི་ནི་གསང་བར་བཅས། །གསང་བའི་སྙིང་པོའི་མཆོག་ཏུ་བཤད། །ཁྲོ་བོའི་རྒྱལ་པོའི་རྟོག་འདི་ལས། །མཆོག་ཏུ་གྱུར་པ་གཞན་མེད་དོ། །ཁྲོ་བོ་རྣམ་པར་རྒྱལ་བ་ལས། །
D604.091.0035b05.01རྟོག་པ་ཕྱི་མའི་ཕྱི་མ་འདི། །རབ་ཏུ་གསང་བ་ཞེས་བྱ་བ། །ཐོས་ནས་གསང་བའི་དོན་བསྒོམས་པས། །ལྷ་དེ་ཐམས་ཅད་ཡི་རངས་ནས། །ཁྲོ་བོ་མཆོག་ལ་ཕྱག་འཚལ་ཏེ། །རབ་ཏུ་དགའ་བའི་མཆོག་ཏུ་འགྱུར། །གསང་བའི་རྟོག་པར་གཏོགས་པ་ལྔ་པ་སྟེ་བཅོམ་ལྡན་འདས་
D604.091.0035b06.01འཇམ་དཔལ་གཤིན་རྗེ་གཤེད་པོ་ལ་རྗེས་སུ་ཡི་རང་བའི་རིམ་པར་ཕྱེ་བ་སྟེ་ཉི་ཤུ་རྩ་གཉིས་པའོ།། །།ཁྲོ་བོ་ཁམས་གསུམ་རྣམ་པར་རྒྱལ་བའི་རྟོག་པའི་རྒྱལ་པོ་གསང་བའི་རྒྱུད་རྫོགས་སོ།། །།
D604.091.0035b07.01