完整藏文原文 · 德格版页 当前仅加载第 91 函德格 33a 版页；藏文 NFD、目录标记与异常页序保留在来源切片中，重复版页行以稳定序号区分。
མཛེས་པ་ཡིས། །ཧེ་ལའི་འཁོར་ལོ་ལ་གནས་ཏེ། །དང་པོ་གནས་སུ་འདུག་ནས་སུ། །བེ་ཅོན་ཕྱག་རྒྱ་ལན་ཅིག་བཅིང་། །དེ་ནས་ཁྲོ་བོའི་སྔགས་བཟླས་པ། །སྔགས་པ་འགྲེང་སྟེ་འདུག་པ་ནི། །རྐང་པ་གཉིས་ནི་བསྒྱུར་བ་དང་། །ཁྲོ་བོ་བསྒོམ་པ་འདི་ལ་ནི། །
D604.091.0033a01.01སེམས་ནི་རབ་ཏུ་ཞེན་བྱས་ནས། །ས་འདི་རབ་ཏུ་གཡོས་པའམ། །རི་དག་གཡོ་བའི་བར་དུའོ། །དེ་ནས་འཁོར་ལོ་བསྒྲུབ་པ་ཡིས། །གཉིས་པའི་གནས་ལ་སོང་ནས་སུ། །ཁྲོ་བོ་ཆེན་པོའི་ཚིག་མཐར་གནས། །སྐོམས་ཤིག་ཅེས་པར་དབང་བསྐུར་རོ། །དེའི་ཚིག་ཐོག་
D604.091.0033a02.01མར་བཀོད་ནས་ནི། །དེ་ཡི་ཐ་མར་བདུད་རྩི་འཁྱིལ། །དེ་བཞིན་བདུད་རྩི་འཁྱིལ་པའི་མཐར། །རྡོ་རྗེ་མེ་ཡི་རྒྱལ་པོའི་སྔགས། །རབ་ཏུ་གཡོ་བ་མཛེས་པ་དང་། །ཚམ་ངམ་གསལ་བ་དག་ལ་གནས། །བེ་ཅོན་ཕྱག་རྒྱ་བཅིངས་ནས་ནི། །ཁྲོ་བོ་བསྒོམས་པས་སྔགས་བཟླས་སོ། །
D604.091.0033a03.01རབ་ཏུ་སྦྱོར་བའི་ཐབས་འདི་ནི། །མཚོ་དང་རྫིང་ཆེན་ཀླུང་ཆེན་རྣམས། །ཁྲོས་པས་མྱུར་དུ་སྐེམས་པར་བྱེད། །འབབ་ཆུ་དག་ཀྱང་གྱེན་དུ་འབེབས། །ཁྲོ་བོ་མཐུ་ཆེན་གནོན་ལྡན་གྱི། །སྔགས་ཀྱི་ཡི་གེ་དགོད་པར་བྱ། །རྩིབས་རྣམས་རིམ་པས་ཀུན་མནན་པ། །གཉིས་
D604.091.0033a04.01པོ་དེ་ལས་འཕོས་ནས་ནི། །དེ་ནས་གསུམ་པའི་གནས་ལ་འདུག །མཐུ་རྩལ་ལྡན་པས་རིམ་པར་གནོན། །ཁྲོ་བོ་ཆེན་པོའི་ཚིག་གི་མཐར། །བསྐྲད་པར་བྱོས་ཞེས་ཚིག་གཉིས་བསྐུལ། །དེ་ནི་སྔ་མ་བཞིན་བཀོད་ནས། །དེ་ཡི་ཐ་མར་བདུད་རྩི་འཁྱིལ། །ཁྲོ་བོ་བདུད་རྩི་
D604.091.0033a05.01འཁྱིལ་བའི་མཐར། །རབ་ཏུ་དྲག་པའི་ཤུགས་བཞག་གོ། །རྣམ་པར་སྐྲག་བྱེད་གསལ་བ་ཡི། །ཁྲོ་བོ་ཚམ་ངམ་བསྙེན་པར་གནས། །གླང་པོ་མྱོས་བའི་ཤུགས་ཅན་དག །མངོན་དུ་འོང་བར་གྱུར་ན་ཡང་། །དེ་མ་ཐག་ཏུ་སྐྲག་པར་བྱེད། །མྱོས་པའི་ཤུགས་ཀྱང་རབ་ཏུ་
D604.091.0033a06.01དོར། །སླད་དུ་ལོག་པར་ཕན་ཚུན་དུ། །བསྐོར་ཞིང་མི་དགའ་བཞིན་དུ་འགྲོ། །གླང་པོའི་རྒྱལ་པོ་དེ་མྱོས་ཤིང་། །བདེ་བ་མ་ཐོབ་བབས་པར་འགྱུར། །སྒྲུབ་པ་ཁྲོ་བོ་བསྒོམ་པ་ཡི། །ཆོ་གའི་ཚུལ་ནི་དེ་བཞིན་ནོ། །ཧེ་ལའི་འཁོར་ལོ་ཞེས་བྱ་བའི། །བཞི་པའི་གནས་ལ་འདུག་
D604.091.0033a07.01