完整藏文原文 · 德格版页 当前仅加载第 91 函德格 17b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ཡིས་ནི། །ནམ་མཁར་འཕར་བར་གདོན་མི་ཟ། །དེ་ནས་རིག་འཛིན་ཐམས་ཅད་ཀྱི། །མཆོག་ཏུ་འགྱུར་ཏེ་ཐོག་མར་འགྲོ། །འོན་ཏེ་ཕོག་པར་ཕུལ་ན་ནི། །རབ་ཏུ་གཡོ་བར་གྱུར་ན་ནི། །ཆོ་ག་ཞིབ་ལས་བཤད་པ་བཞིན། །དེ་ལ་དངོས་གྲུབ་འབྲིང་དུ་འགྱུར། །དེ་སྟེ་
D604.091.0017b01.01རབ་ཏུ་མི་གཡོ་བར། །རི་མོ་རང་བཞིན་དུ་འདུག་ལ། །དངོས་གྲུབ་ཐ་མ་ཐོབ་པར་འགྱུར། །ཅི་ལྟར་འབྲས་བུ་རྣམ་གསུམ་བཤད། །ལུས་ནི་ཉོན་མོངས་སྤྱད་པ་ལས། །དངོས་གྲུབ་རྣམ་གསུམ་འཐོབ་པར་འགྱུར། །བརྟུལ་ཞུགས་སྨྱུང་ལ་རབ་ཏུ་འབད། །ཡང་ན་ཆུ་
D604.091.0017b02.01ཡི་ཀླུང་དག་བཟའ། །ཅི་ལ་མ་ཆགས་ཕྱུགས་གཅིན་བཏུང་། །བྱང་ཆུབ་སེམས་དང་ཀུན་ལྡན་ན། །དེ་ཚེ་དངོས་གྲུབ་དམ་པ་ཐོབ། །རིག་པའི་མཆོག་ཀུན་བསྒྲུབས་པ་ལ། །དངོས་གྲུབ་མཆོག་དང་འབྲིང་རྣམས་དང་། །ཐ་མ་དག་གིས་བསྒྲུབ་པའི་ཕྱིར། །
D604.091.0017b03.01འདི་དག་སྦྱིན་ནི་བསྒྲུབ་བསྟན་ཡིན། །གང་ཚེ་དངོས་གྲུབ་མཆོག་རྣམས་དང་། །འབྲིང་ཡང་གལ་ཏེ་མི་འདོད་ལ། །ལོངས་སྤྱོད་རྟག་ཏུ་འདོད་ན་ནི། །དེ་ཚེ་རྟག་པར་བཟླས་པར་བྱ། །འདི་ཡི་ཆོ་ག་གཞན་དག་ཀྱང་། །དེ་ནས་མདོར་ནི་བཤད་པར་བྱ། །ས་གཞི་རབ་
D604.091.0017b04.01ཏུ་མདངས་དགའ་བ། །ལྕི་བ་བཟང་པོ་བསྐུས་པ་ལ། །དེར་ནི་ཙནྡན་དམར་པོ་ཡིས། །དཀྱིལ་འཁོར་དག་ནི་མཁས་པས་བྱ། །དེ་ཡང་བཟང་པོ་ཁྲུ་གང་ཙམ། །རབ་ཏུ་མཉམ་ཞིང་ཡིད་དུ་འོང་། །གཤིན་རྗེ་རབ་ཏུ་འཇོམས་པའི་གང་། །དཀྱིལ་འཁོར་དུར་ཁྲོད་གནས་
D604.091.0017b05.01གསུངས་པ། །དེ་ནས་དེར་ནི་སྔགས་དག་ནི། །དཀྱིལ་འཁོར་མཆོག་དེ་བྱས་ནས་ནི། །དེ་ཡི་འོག་ཏུ་སྔགས་རིག་པས། །ཇི་སྐད་གསུངས་པའི་ལས་དག་གིས། །ཅི་འབྱོར་པ་དང་ཅི་ནུས་ཀྱིས། །ཁྲོ་བོ་ལ་ནི་མཆོད་པར་བྱ། །ཉི་མ་རེ་རེ་ཆོ་ག་བཞིན། །བཟླས་པ་
D604.091.0017b06.01དག་ཀྱང་སྟོང་དུ་བྱ། །དེ་ལྟར་རྟག་ཏུ་བྱས་པ་ཡིས། །འདོད་པའི་འབྲས་བུ་ཐོབ་པར་འགྱུར། །འཇིག་རྟེན་ཐམས་ཅད་དགའ་བར་ཡང་། །གདོན་མི་ཟ་བར་འགྲུབ་པར་འགྱུར། །དེ་ཡི་དགྲ་ཡང་མེད་པར་འགྱུར། །ནད་མེད་འགྱུར་བར་གདོན་མི་ཟ། །དེ་ཡི་ལོངས་
D604.091.0017b07.01