完整藏文原文 · 德格版页 当前仅加载第 91 函德格 12b 版页；藏文 NFD、目录标记与异常页序保留在来源切片中，重复版页行以稳定序号区分。
ལས། །ཇི་སྐད་གསུངས་པ་བཤད་པར་བྱ། །མཆོད་རྟེན་དག་གམ་དཀྱིལ་འཁོར་དུ། །དེ་བཞིན་གཤེགས་པའི་མཆོད་པ་བྱ། །དཀོན་མཆོག་གསུམ་པོ་དག་ལ་ནི། །ཡང་དང་ཡང་དུ་ཕྱག་ཀྱང་བྱ། །ཉིན་པར་དང་ནི་མཚན་མོ་ཡང་། །དགེ་བ་གང་དག་ཅི་བསགས་པ། །
D604.091.0012b01.01དཀོན་མཆོག་གསུམ་ལ་དེ་བརྟེན་ནས། །བདེ་བར་གཤེགས་པའི་བསམ་པས་བྱ། །འདི་ཡིས་སེམས་ཅན་ཐམས་ཅད་ནི། །ཤིན་ཏུ་སྡུག་བསྔལ་བདེར་གྱུར་ཅིག །དེ་ཡིས་དངོས་གྲུབ་ཅུང་ཟད་གང་། །ཕྲ་མོ་དག་ཀྱང་འཐོབ་གྱུར་པ། །རྟག་ཏུ་སེམས་ཅན་རྣམས་ལ་ནི། །
D604.091.0012b02.01མཁས་པ་དག་གིས་ཕན་པར་བྱ། །མཁས་པས་མཆོད་རྟེན་ལས་བྱ་ཞིང་། །དེ་བཞིན་དམ་པའི་ཆོས་ཀྱང་བཀླག །དགེ་བ་ཅུང་ཟད་གཞན་དག་ཀྱང་། །ཆུང་ངུ་ཟིན་ཀྱང་འདི་ཉིད་ལ། །དངོས་གྲུབ་མཆོག་ནི་ཐོབ་འདོད་པས། །རྟག་ཏུ་སེམས་ཅན་རྣམས་ལ་བསྔོ། །དེ་ལྟར་འདི་ནི་བྱང་ཆུབ་
D604.091.0012b03.01སེམས། །ཆོས་ཀྱི་དོན་དུ་ཡུལ་དུ་འགྱུར། །བྱང་ཆུབ་སེམས་དཔའ་ཉེར་བསྙེན་པའི། །མཚན་ཉིད་རྣམས་ཀྱང་རབ་ཏུ་བསྟན། །དེ་ལྟར་བློ་གྲོས་བརྟན་བྱས་ནས། །དགེ་བ་དག་ནི་སྤེལ་བར་བྱ། །དགེ་བ་དག་ཀྱང་སྤེལ་ནས་སུ། །སེམས་ཅན་རྣམས་ལ་ཡོངས་སུ་བསྔོ། །སྔགས་
D604.091.0012b04.01པ་བདེ་གཤེགས་སེམས་ལྡན་གང་། །དེ་ལྟ་བུར་ནི་རྟག་པ་རུ། །སེམས་ཅན་རྣམས་ལ་ཕན་བྱས་ནས། །ཞི་བ་དག་དང་རྒྱས་པ་འཕེལ། །ཐོག་མར་དཀོན་མཆོག་གསུམ་པོ་ལ། །མཆོད་པ་སྣ་ཚོགས་བྱས་ནས་སུ། །དེ་ཡི་འོག་ཏུ་ཁྲོ་བོ་མཆོག །གཤིན་རྗེ་གཤེད་ལ་མེ་ཏོག་
D604.091.0012b05.01ནི། །དཀར་པོ་མཆོག་གིས་མཆོད་པ་བྱ། །མཆོད་པ་བྱས་ནས་འདི་དག་ཏུ། །ཆོ་ག་བཞིན་དུ་བཟླས་པ་བྱ། །བདེ་ཞིང་སྟན་ལ་བདེར་འདུག་ལ། །རབ་ཏུ་དང་ཞིང་བདེ་གཤེགས་སེམས། །དེ་ཡི་མིང་སྨོས་ཞི་འགྱུར་ཞེས། །ཁྲོ་བོའི་ཚིག་གིས་མཐར་སྦྱར་ཏེ། །གཽ་ཥཊ་དག་
D604.091.0012b06.01ཀྱང་ཐ་མར་སྦྱར། །གང་ཡང་རུང་བ་ཞིག་ལ་ནི། །དེ་ལྟར་སྟོང་དུ་བཟླས་པ་བྱ། །ཡུལ་དང་ཡུལ་གྱི་ཕྱོགས་རྣམས་དང་། །རྒྱལ་པོ་དག་ལ་ཉིས་འགྱུར་བྱ། །རྟ་རྣམས་དང་ནི་གླང་པོ་དང་། །བ་ལང་དག་ལ་སྟོང་དུ་བཟླས། །ར་ལུག་དང་ནི་མ་ཧེ་ལ། །རྟག་པར་སྟོང་དུ་
D604.091.0012b07.01