完整藏文原文 · 德格版页 当前仅加载第 95 函德格 273a 版页；藏文 NFD、目录标记与异常页序保留在来源切片中，重复版页行以稳定序号区分。
འདས་རྡོ་རྗེ་འབར་བའི་སྣང་བ་འདི་ལྟ་བུ་གང་གིས་འཇིག་རྟེན་གྱི་ཁམས་འདི་ཐམས་ཅད་སྣང་བར་གྱུར་ཏེ། སེམས་ཅན་ཐམས་ཅད་ཀྱི་སྡུག་བསྔལ་ཐམས་ཅད་རྒྱུན་ཆད་ཅིང་སེམས་ཅན་དམྱལ་བ་དང་། དུད་འགྲོའི་སྐྱེ་གནས་དང་། {ཡི་དགས་,ཡི་དྭགས་}དང་། གཤིན་རྗེའི་འཇིག་
D751.095.0273a01.01རྟེན་གྱི་སྡུག་བསྔལ་ཐམས་ཅད་མི་གདའ་བར་གྱུར། ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མིའམ་ཅི་དང་། ལྟོ་འཕྱེ་ཆེན་པོ་ལ་སོགས་པ་འཇིག་རྟེན་གྱི་ཁམས་ན་རྫུ་འཕྲུལ་ཆེ་ཞིང་དབང་ཆེ་བར་གྲགས་པ་ཐམས་ཅད་ཀྱང་ཀུན་ནས་
D751.095.0273a02.01མཆོད་པའི་སྤྲིན་ཆེན་པོས་དགའ་བ་དང་། ཡིད་བདེ་བ་སྐྱེས་ཏེ། ནུབ་ཕྱོགས་སུ་མཆི་བར་གདའ་བ་འདི་སུའི་ལགས། དེ་ནས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྡོ་རྗེའི་སྙིང་པོས་རབ་ཏུ་འཇོམས་པས། བྱང་ཆུབ་སེམས་དཔའ་སེམས་དཔའ་ཆེན་པོ་
D751.095.0273a03.01རྡོ་རྗེ་སྙིང་པོ་དེ་ལ་འདི་སྐད་ཅེས་བཀའ་སྩལ་ཏོ། །རིགས་ཀྱི་བུ་ནུབ་ཕྱོགས་ཀྱི་ལོགས་ན་མི་མཇེད་ཀྱི་འཇིག་རྟེན་གྱི་ཁམས་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་ཞེས་བྱ་བར་རྡོ་རྗེ་ཆེན་པའི་རི་རབ་ཀྱི་རྩེ་མོའི་ཁང་པ་བརྩེགས་པ་ན་རྡོ་རྗེ་ཆེན་པོའི་རི་རབ་ཀྱི་རྩེ་
D751.095.0273a04.01མོའི་ཁང་པ་བརྩེགས་པའི་གཟུངས་ཞེས་བྱ་བའི་ཆོས་ཀྱི་རྣམ་གྲངས་སྟོན་ཏོ། །བཅོམ་ལྡན་འདས་དེས་སྤྱི་གཙུག་གི་མཚམས་ཀྱི་མཛོད་སྤུ་ནས་འོད་ཟེར་གྱི་དྲ་བ་ཆེན་པོ་ཕྱང་སྟེ། འོད་ཟེར་གྱི་དྲ་བ་ཆེན་པོ་དེས་འཇིག་རྟེན་གྱི་ཁམས་དེར་བདུད་སྡིག་ཅན་བསྐུལ་མ་ཐག་ཏུ་ཀུན་དུ་ཁྲོས་ནས་ལྷའི་བུ་ཐམས་
D751.095.0273a05.01ཅད་དང་། གཞན་ཡང་བདུད་ཀྱི་རིས་ཀྱི་ལྷའི་བུ་རྣམས་དང་། དཔུང་གི་ཚོགས་ཆེན་པོ་དང་ལྷན་ཅིག་ཏུ་བཅོམ་ལྡན་འདས་དེ་ལ་གཙེ་བའི་ཕྱིར་ལྷགས་པ་དང་། དེ་ཡང་སངས་རྒྱས་ཀྱི་མཐུས་དེ་བཞིན་གཤེགས་པའི་འཁོར་གྱི་ཁྱམས་དེ་ཉིད་དུ་ཞགས་པ་ལྔའི་བཅིང་བས་བཅིངས་ནས།
D751.095.0273a06.01བཅོམ་ལྡན་འདས་ཀྱི་སྤྱན་སྔར་འགྱེལ་ཏེ། དེ་ལ་ཐུགས་བརྩེ་བའི་ཕྱིར་བཅོམ་ལྡན་འདས་དེས་བྱང་ཆུབ་སེམས་དཔའ་སེམས་དཔའ་ཆེན་པོ་གསང་བ་པའི་བདག་པོ་ལག་ན་རྡོ་རྗེ་ལ་སྟོན་ཅིག་པར་བཀའ་ལུང་བྱིན་ནས་གསང་བ་པའི་བདག་པོ་ལག་ན་རྡོ་རྗེ་དེས་རྡོ་རྗེའི་རྣམ་པར་ཐར་པའི་སྒོ་ཆེན་
D751.095.0273a07.01