完整藏文原文 · 德格版页 当前仅加载第 95 函德格 277b 版页；藏文 NFD、目录标记与异常页序保留在来源切片中，重复版页行以稳定序号区分。
མ་འདྲེས་བསགས་པའི་བདེན་པའི་སྟོབས་ཀྱི་མཐུ་མངའ་བ། །སྐྱེ་བའི་འཇིགས་ལམ་རབ་གྲོལ་སེང་གེ་ཇི་བཞིན་སྒྲོགས། །སྤྱོད་པ་ཟབ་ཅིང་བརྟན་ལ་བརྟག་པས་མི་དཔོགས་པ། །སེམས་ཅན་གནས་གྱུར་སྟོབས་དང་ཏིང་འཛིན་ནོར་བུ་བཀྲམ། །དྲི་མེད་ཆོས་ལྷུན་འདུལ་བའི་རི་བོ་རྣམ་
D751.095.0277b01.01འཛིན་པ། །ཡེ་ཤེས་རྒྱ་མཚོ་མཆོག་ཁྱོད་སྐྱེ་དགུ་མཆོག་གཙོ་བོ། །ཚུལ་ཁྲིམས་བཟང་པོའི་རྩ་བ་སྦྱིན་པའི་ཆུས་བཏབ་འཕེལ། །བྱམས་དང་བཟོད་པའི་མེ་ཏོག་ཡལ་ག་འཁྲུངས་པས་མཛེས། །བྱང་ཆུབ་ལམ་གྱི་ཡན་ལག་འབྲུ་ཆགས་འདོད་བྱས་བསྟེན། །བསོད་ནམས་དཔག་
D751.095.0277b02.01བསམ་ཤིང་ཁྱོད་དེ་རིང་ག་ལས་བྱུང་། །སུམ་ཅུ་རྩ་གཉིས་འབར་བའི་མཚན་གྱིས་ཡན་ལག་བརྒྱན། །དཔེ་བྱད་བཟང་མཆོག་རིན་ཆེན་མན་ཤེལ་གྱིས་བསྐོར་ཅིང་། །ས་དང་དབང་དང་དམ་ཆོས་ཕུར་པ་བརྟན་བཏབ་པ། །ལྷུན་པོ་བཞིན་དུ་མི་གཡོ་ཁྱོད་ནི་འགྲོ་ལ་མཛེས། །དེ་ནས་
D751.095.0277b03.01བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེའི་སྙིང་པོས་བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་དང་ལྷན་ཅིག་ཏུ་བཅོམ་ལྡན་འདས་ལ་ཚུལ་དང་འདྲ་བའི་ཚིགས་སུ་བཅད་པ་འདི་དག་གིས་མངོན་པར་བསྟོད་ནས། བཅོམ་ལྡན་འདས་ཀྱིས་གནང་སྟེ། རིན་པོ་ཆེའི་པདྨའི་སྙིང་པོ་
D751.095.0277b04.01ལ་ཕྱོགས་གཅིག་ཏུ་འདུག་གོ། །རིགས་ཀྱི་བུ་དེ་དག་ཐམས་ཅད་ཀྱང་ཆོས་ཉན་པའི་ཕྱིར་དེ་བཞིན་དུ་རིན་པོ་ཆེའི་པདྨའི་སྙིང་པོ་དག་ལ་འཁོད་དོ། །དེ་བཞིན་དུ་སྦྱར་ཏེ་དེ་ལྟར་ལྷོ་ཕྱོགས་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དཔལ་གྱི་སྙིང་པོ་
D751.095.0277b05.01བརྩེགས་པ་རྣམ་པར་བསྒྲགས་པའི་རྒྱལ་པོའི་སངས་རྒྱས་ཀྱི་ཞིང་འཇིག་རྟེན་གྱི་ཁམས་དཔལ་འབྱུང་བ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེའི་ཏོག་ཅེས་བྱ་བ་བྱང་ཆུབ་སེམས་དཔའ་བྱེ་བ་ཁྲག་ཁྲིག་འབུམ་ཕྲག་དུ་མས་ཡོངས་སུ་བསྐོར་ཏེ། མདུན་དུ་བདར་བ་ནས་འཇིག་རྟེན་
D751.095.0277b06.01གྱི་ཁམས་མི་མཇེད་འདིར་འོངས་ཏེ། བཅོམ་ལྡན་འདས་ཀྱིས་གནང་ནས་རིགས་ཀྱི་བུ་དེ་དག་དང་ལྷན་ཅིག་ཏུ་རིན་པོ་ཆེའི་པདྨའི་སྙིང་པོ་ལ་ཕྱོགས་གཅིག་ཏུ་འདུག་པའི་བར་དུའོ། །དེ་བཞིན་དུ་ནུབ་ཕྱོགས་ན་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་
D751.095.0277b07.01