完整藏文原文 · 德格版页 当前仅加载第 95 函德格 285b 版页；藏文 NFD、目录标记与异常页序保留在来源切片中，重复版页行以稳定序号区分。
བར། །རྣམ་འདྲེན་སངས་རྒྱས་གྱུར་ནས་ནི། །སེམས་ཅན་ཤིན་ཏུ་སྡུག་བསྔལ་ཀུན། །མྱ་ངན་ལས་ནི་བཟླ་བར་གྱིས། །རྒྱལ་བའི་མཆོག་འདི་ཇི་བཞིན་དུ། །སྐྱེ་དགུ་ཐམས་ཅད་གདུལ་བར་བྱོས། །སྟོབས་པོ་ཆེ་དང་ལྡན་པ་ཡི། །བདུད་བཞི་པོ་དག་གདུལ་བར་གྱིས། །དེ་སྐད་
D751.095.0285b01.01ཅེས་སྨྲས་པ་དང་། ཐམས་ཅད་དང་ལྡན་པའི་འཁོར་ཆེན་པོ་དེ་སངས་རྒྱས་ཀྱི་མཐུས་རང་རང་གི་ལག་གི་སྙིམ་པ་ནས་མེ་ཏོག་གི་ཕུར་མ་ཐོགས་པར་ཤེས་ཏེ། མེ་ཏོག་གི་ཕུར་མ་དེ་དག་གིས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་
D751.095.0285b02.01པ་དང་། གསང་བ་པའི་བདག་པོ་ལག་ན་རྡོ་རྗེ་དང་། ཁྲོ་བོ་ཆེན་པོ་རྡོ་རྗེའི་ཁྲོ་བོ་དེ་དག་དང་། བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེའི་སྙིང་པོ་དང་། ཕྱོགས་བཅུའི་འཇིག་རྟེན་གྱི་ཁམས་ནས་འདུས་པའི་བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་ལ་གཏོར་བ་དང་། དེ་
D751.095.0285b03.01ཡང་སངས་རྒྱས་ཀྱི་མཐུས་མེ་ཏོག་གི་གཞལ་མེད་ཁང་ཆེན་པོར་གྱུར་ཏོ། །བདུད་སྡིག་ཅན་ནི་མཆོག་ཏུ་བདེ་བས་ཚིམ་པར་གྱུར་ནས་སངས་རྒྱས་རྗེས་སུ་དྲན་པ་སྒོམ་ཞིང་རང་གི་བསོད་ནམས་ཀྱི་རྣམ་པར་སྨིན་པའི་རྫུ་འཕྲུལ་གྱི་མཐུ་དང་། དེ་བཞིན་གཤེགས་པ་རྗེས་སུ་སེམས་པས་མདུན་དུ་རིན་པོ་ཆེའི་
D751.095.0285b04.01གཞལ་མེད་ཁང་ཆེན་པོ་དཔག་བསམ་གྱི་ཤིང་དུ་མས་མིག་{མངས་,མང་}རིས་བརྒྱད་དུ་བྲེས་པ། རིན་པོ་ཆེ་དང་། ནོར་བུ་དང་། མུ་ཏིག་དང་། དུང་དང་། མན་ཤེལ་དང་། བྱི་རུ་དང་། མརྒད་དང་། བཻ་ཌཱུརྱ་དང་། ཨན་ད་རྙིལ་དང་། མཐོན་ཀ་ཆེན་པོ་དང་། ཀེ་ཀེ་རུ་དང་། ཀེ་ཀེ་རུ་
D751.095.0285b05.01ཆེན་པོ་དང་། རྡོ་རྗེ་དང་། རྡོ་རྗེ་ཆེན་པོ་དང་། དུན་ལས་དང་། དུན་ལས་ཆེན་པོ་དང་། འཛམ་བུའི་ཆུ་བོའི་གསེར་གྱི་དྲ་བས་རྣམ་པར་སྤྲས་པ། གདུགས་དང་། རྒྱལ་མཚན་དང་། བ་དན་དང་། རྣམ་པར་རྒྱལ་བའི་བ་དན་བསྒྲེང་བས་ལེགས་པར་བརྒྱན་པ། མེ་ཏོག་གི་ཕྲེང་
D751.095.0285b06.01བས་བཀླུབས་པ། པོག་སྣོད་དུ་མ་ནས་བདུག་པ་དྲི་ཞིམ་པོའི་ངད་ཀྱིས་དྲི་ཞིམ་པར་བྱས་པ། ཕྱེ་མའི་དྲི་ཞིམ་པོའི་བསྒོ་བས་བསྒོས་པ། ལྷའི་བུ་མོ་འབུམ་ཕྲག་དུ་མ་སིལ་སྙན་དང་། ཕེག་རྡོབ་པ་དང་། གླུ་ལེན་ཅིང་གར་བྱེད་པ། རྫིང་བུ་ཡན་ལག་བརྒྱད་དང་ལྡན་པའི་ཆུ་ཅན་འབུམ་
D751.095.0285b07.01