完整藏文原文 · 德格版页 当前仅加载第 95 函德格 294a 版页；藏文 NFD、目录标记与异常页序保留在来源切片中，重复版页行以稳定序号区分。
ཅད་ཀྱིས་རྣམ་པར་གཙེས་པའི་ཚེ། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྒྱ་མཚོ་མཆོག་འཛིན་མེ་ལྟར་བློས་རྣམ་པར་བསྒྱིངས་ཤིང་རྣམ་པར་རོལ་པ་མངོན་ཤེས་དྲི་ཞིམ་སྣང་དཔལ་གྱིས་བདག་ལ་བསྲུང་བའི་སླད་དུ་
D751.095.0294a01.01སྩལ་ཏོ། །གསང་བ་པའི་བདག་པོ་ལག་ན་རྡོ་རྗེས་སྙིང་པོ་མཆོག་ཏུ་གསང་བ་འདི་སྨྲས་མ་ཐག་ཏུ་འཁོར་དེ་ཐམས་ཅད་བསམ་གཏན་གྱི་དགའ་བ་དང་བདེ་བས་ཚིམ་པར་གྱུར་ཏེ། གསང་བ་པའི་བདག་པོ་ལག་ན་རྡོ་རྗེའི་དམ་ཚིག་གི་བསྟན་པ་ལ་གནས་སོ། །དེ་ནས་བཅོམ་ལྡན་
D751.095.0294a02.01འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་ཁྱོད་ཀྱིས་ཆོས་ཀྱི་རྣམ་གྲངས་འདི་ཟུང་ཤིག །ཆོངས་ཤིག །ལྷོགས་ཤིག །འཛིན་དུ་ཆུག་ཤིག །ཀུན་ཆུབ་པར་གྱིས་ཤིག །གཞན་དག་ལ་ཡང་རྒྱ་ཆེར་ཡང་དག་པར་རབ་ཏུ་སྟོན་
D751.095.0294a03.01ཅིག་དང་། དེས་སེམས་ཅན་མང་པོ་ལ་ཡུན་རིང་པོར་ཕན་པ་དང་། བདེ་བ་དང་། ཐ་མར་དེ་བཞིན་གཤེགས་པའི་ཡེ་ཤེས་བླ་ན་མེད་པ་ཆགས་པ་མེད་པ་སྒྲིབ་པ་མེད་པ་ཐོབ་ཅིང་རྟོགས་པར་འགྱུར་རོ། །སུ་ཆོས་ཀྱི་རྣམ་གྲངས་འདི་འཆང་བ་དང་། ཀློག་པ་དང་།
D751.095.0294a04.01འཛིན་དུ་འཇུག་པ་དང་། ཀུན་ཆུབ་པར་བྱེད་པ་དང་། གཞན་དག་ལ་ཡང་རྒྱ་ཆེར་ཡང་དག་པར་རབ་ཏུ་སྟོན་པ་དང་། མཆོད་པ་དང་། ཡི་གེར་འདྲི་བ་དང་། ཡི་གེར་འདྲིར་འཇུག་པ་དང་། ཁ་ཏོན་བྱེད་པ་དང་། ཉན་པ་དང་། སེམས་པ་དེ་རིང་པོར་མི་ཐོགས་པར་
D751.095.0294a05.01བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་རོ། །འདི་ནས་ནམ་བྱང་ཆུབ་ཀྱི་སྙིང་པོ་ལ་འདུག་གི་བར་དུ་ངན་འགྲོ་ལོག་པར་ལྟུང་བར་འགྲོ་བར་མི་འགྱུར་རོ། །རིགས་དམའ་བ་རྣམས་སུ་སྐྱེ་བར་མི་འགྱུར་རོ། །དབུལ་པོའི་རིགས་
D751.095.0294a06.01རྣམས་སུ་སྐྱེ་བར་མི་འགྱུར་ཏེ། ཤེས་རབ་མེད་པར་ཡང་མ་ཡིན། མ་དུལ་བར་མ་ཡིན། ཚེ་ཐུང་བར་མ་ཡིན་ཞིང་ཚེ་རབས་ཚེ་རབས་སུ་ཚེ་རབས་དྲན་པར་འགྱུར་རོ། །བྱང་ཆུབ་ཀྱི་སེམས་བརྗེད་པར་མི་འགྱུར་རོ། །ཐོས་པ་འཛིན་པར་འགྱུར་རོ། །རབ་ཏུ་དབེན་
D751.095.0294a07.01