完整藏文原文 · 德格版页 当前仅加载第 95 函德格 282b 版页；藏文 NFD、目录标记与异常页序保留在来源切片中，重复版页行以稳定序号区分。
རྣམས་ཀྱི་འོད་མ་གཏོགས་པར་འོད་གཞན་ཐམས་ཅད་འོད་མོག་མོག་པོར་བྱེད་པ་གཞན་ཕྱུང་ངོ་། །དེ་ནས་རྡོ་རྗེ་ཁྲོ་བོ་དེས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་ལ་ལན་འབུམ་ཕྲག་དུ་མ་མཐའ་ཡས་མུ་མེད་པར་བསྐོར་བ་བྱས་ཏེ། བཅོམ་
D751.095.0282b01.01ལྡན་འདས་ཀྱིས་གནང་ནས་གསང་བ་པའི་བདག་པོ་ལག་ན་རྡོ་རྗེ་ལ་འདི་སྐད་ཅེས་སྨྲས་སོ། །རིགས་ཀྱི་བུ་ཅི་བགྱི་བཀའ་སྩོལ་ཅིག །དེ་ནས་གསང་བ་པའི་བདག་པོ་ལག་ན་རྡོ་རྗེས་ཁྲོ་བོ་ཆེན་པོ་རྡོ་རྗེ་ཁྲོ་བོ་དེ་དག་ལ་འདི་སྐད་ཅེས་སྨྲས་སོ། །སྐྱེས་བུ་དམ་པ་དག་དེང་ལ་བདུད་སྡིག་ཅན་དཀོན་མཆོག་
D751.095.0282b02.01གསུམ་ལ་སྐྱབས་སུ་འཛིན་དུ་ཆུག་ཤིག །འདི་དམ་ཚིག་ལ་གནས་པར་གྱིས་ཤིག །གཞན་ཡང་གང་དག་སྡང་བ་གདོན་དང་། བགེགས་དང་། ལོག་འདྲེན་ལ་སོགས་པ་དྲག་ཤུལ་ཅན་དྲག་ཤུལ་གྱི་སེམས་དང་ལྡན་པ། སྡིག་པ་ཅན་སྡིག་པའི་སེམས་དང་ལྡན་པ། སྡང་བ་ཅན་སྡང་བའི་
D751.095.0282b03.01སེམས་དང་ལྡན་པ་དག་དང་། དེ་བཞིན་གཤེགས་པའི་བསྟན་པ་ལ་མི་འཇུག་པ་དང་། མི་རྟོགས་པ་དང་། ཡིད་མི་ཆེས་པ་ཐམས་ཅད་དེ་བཞིན་གཤེགས་པའི་བསྟན་པ་ལ་གནས་པར་གྱིས་ཤིག་དང་། དེས་སེམས་ཅན་ཐམས་ཅད་ཀྱི་ཡུན་རིང་པོའི་དོན་དང་། ཕན་པ་དང་། བདེ་བར་འགྱུར་
D751.095.0282b04.01རོ། །དེ་སྐད་ཅེས་སྨྲས་པ་དང་། ཁྲོ་བོ་ཆེན་པོ་རྡོ་རྗེ་ཁྲོ་བོ་དེ་དག་གིས་གསང་བ་པའི་བདག་པོ་ལག་ན་རྡོ་རྗེའི་ཚིག་མཉན་ནས་དེ་བཞིན་གཤེགས་པའི་བསྟན་པ་ཡང་བཟུང་སྟེ། དུས་གཅིག་ཏུ་སྒྲ་སྐད་ཀྱི་ང་རོ་གཅིག་ཏུ་སེང་གེའི་སྒྲ་ཆེན་པོ་ཧཱུྃ་ཞེས་བྱ་བས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་
D751.095.0282b05.01ཁམས་རྒྱས་པར་འགེངས་ཤིང་། གསང་སྔགས་ཀྱི་གཞི་འདི་དག་སྨྲས་སོ། །སངས་རྒྱས་ལ་ཕྱག་འཚལ་ལོ། །ཆོས་ལ་ཕྱག་འཚལ་ལོ། །དགེ་འདུན་ལ་ཕྱག་འཚལ་ལོ། །ཡང་དག་པར་རྫོགས་པའི་སངས་རྒྱས་ཉན་ཐོས་དང་རང་སངས་རྒྱས་དང་། བྱང་ཆུབ་སེམས་དཔའི་དགེ་
D751.095.0282b06.01འདུན་དང་བཅས་པ་བདུན་པོ་དག་ལ་ཕྱག་འཚལ་ལོ། །གནོད་སྦྱིན་གྱི་སྡེ་དཔོན་ཆེན་པོ་ལག་ན་རྡོ་རྗེ་དྲག་པོ་ལ་ཕྱག་འཚལ་ལོ། །རིག་སྔགས་ཀྱི་རྒྱལ་པོ་ཆེན་པོ་རྡོ་རྗེའི་ལྕགས་ཀྱུ་ལ་ཕྱག་འཚལ་ལོ། །རྡོ་རྗེའི་ལུ་གུ་རྒྱུད་ལ་ཕྱག་འཚལ་ལོ། །རྡོ་རྗེ་གནམ་ལྕགས་ལ་ཕྱག་འཚལ་ལོ། །
D751.095.0282b07.01