完整藏文原文 · 德格版页 当前仅加载第 95 函德格 295a 版页；藏文 NFD、目录标记与异常页序保留在来源切片中，重复版页行以稳定序号区分。
ཆོས་ཀྱི་རྣམ་གྲངས་འདི་བྱང་ཆུབ་སེམས་དཔའ་ཐམས་ཅད་ཀྱི་མཆོད་པའི་སྤྲིན་དུ་བསྟན་པ་ཞེས་བྱ་བར་ཟུང་ཤིག །དེ་བཞིན་གཤེགས་པ་ཐམས་ཅད་ཀྱི་ཆོས་ཀྱི་འཁོར་ལོ་སྒྲིབ་པ་མེད་པ་བསྐོར་བ་ཞེས་བྱ་བར་ཡང་ཟུང་ཤིག །དེ་བཞིན་གཤེགས་པའི་ཆོས་ཀྱི་དབྱིངས་ལ་མཁས་པ་
D751.095.0295a01.01ཞེས་བྱ་བར་ཡང་ཟུང་ཤིག །བདུད་ཀྱི་དཀྱིལ་འཁོར་ཐམས་ཅད་འཇོམས་པར་བྱེད་པ་ཞེས་བྱ་བར་ཡང་ཟུང་ཤིག །བདུད་ཀྱི་ཕྱོགས་འདུལ་བ་ཞེས་བྱ་བར་ཡང་ཟུང་ཤིག །རྟེན་ཅིང་འབྲེལ་པར་འབྱུང་བ་ལ་འཇུག་པ་རབ་ཏུ་རྟོགས་པ་ཞེས་བྱ་བར་ཡང་ཟུང་ཤིག །དམ་པའི་ཆོས་ཀྱི་ཕྱག་རྒྱའི་
D751.095.0295a02.01མཚན་ཉིད་ཅེས་བྱ་བར་ཡང་ཟུང་ཤིག །རིག་སྔགས་དང་། དཀྱིལ་འཁོར་དང་། ཕྱག་རྒྱ་དང་། དམ་ཚིག་ཐམས་ཅད་ལ་རབ་ཏུ་འཇོག་པ་ཞེས་བྱ་བར་ཡང་ཟུང་ཤིག །ལག་ན་རྡོ་རྗེའི་རྣམ་པར་ཐར་པའི་ཏིང་ངེ་འཛིན་གྱི་ཆོ་འཕྲུལ་ཞེས་བྱ་བར་ཡང་ཟུང་ཤིག །རྡོ་རྗེའི་རི་རབ་ཆེན་པོའི་རྩེ་མོའི་ཁང་པ་
D751.095.0295a03.01བརྩེགས་པའི་གཟུངས་ཞེས་བྱ་བར་ཡང་ཟུང་ཤིག །དེ་ནས་ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ཀྱིས་གསུངས་པ་ལ་ལེགས་སོ་ཞེས་གསོལ་ཏེ་མངོན་པར་དགའ་ནས་ཅང་མི་སྨྲ་བར་གྱུར་ཏོ། །དེ་ནས་བྱམས་པ་ལ་སོགས་པ་བསྐལ་པ་བཟང་པོའི་བྱང་ཆུབ་སེམས་དཔའ་སེམས་
D751.095.0295a04.01དཔའ་ཆེན་པོ་ཐམས་ཅད་དང་། བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེའི་སྙིང་པོ་ལ་སོགས་པ་ཕྱོགས་བཅུའི་འཇིག་རྟེན་གྱི་ཁམས་ནས་འདུས་པ་དེ་དག་ཐམས་ཅད་དང་། ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་།
D751.095.0295a05.01མིའམ་ཅི་དང་། ལྟོ་འཕྱེ་ཆེན་པོ་དང་། མི་དང་མི་མ་ཡིན་པ་དེ་དག་ཐམས་ཅད་དང་། ཐམས་ཅད་དང་ལྡན་པའི་འཁོར་དེ་བཅོམ་ལྡན་འདས་དང་། ལག་ན་རྡོ་རྗེས་གསུངས་པ་ལ་མངོན་པར་བསྟོད་དོ།། །།འཕགས་པ་རྡོ་རྗེའི་རི་རབ་ཆེན་པོའི་རྩེ་མོའི་ཁང་པ་བརྩེགས་
D751.095.0295a06.01པའི་གཟུངས་རྫོགས་སོ།། །།རྒྱ་གར་གྱི་མཁན་པོ་ཤཱི་ལེནྡྲ་བོ་དྷི་དང་། ཛྙཱ་ན་སིདྡྷི་དང་། ཞུ་ཆེན་གྱི་ལོ་ཙྪ་བ་བནྡེ་ཡེ་ཤེས་སྡེས་བསྒྱུར་ཅིང་ཞུས་ཏེ་སྐད་གསར་བཅད་ཀྱིས་ཀྱང་བཅོས་ནས་གཏན་ལ་ཕབ་པ།། །།
D751.095.0295a07.01