完整藏文原文 · 德格版页 当前仅加载第 95 函德格 282a 版页；藏文 NFD、目录标记与异常页序保留在来源切片中，重复版页行以稳定序号区分。
རྣམ་པར་ཐར་པའི་སྒོ་ཆེན་པོའི་ཏིང་ངེ་འཛིན་ལ་སྙོམས་པར་ཞུགས་ཏེ། དེ་ལྟ་བུའི་གཟུགས་སུ་འདུག་པའི་རྐང་པ་གཉིས་ལས་ཁྲོ་བོ་འབར་ཞིང་འཇིགས་འཇིགས་ལྟར་འདུག་པ། དྲག་ཤུལ་གྱི་གཟུགས་ཅན། སེང་གེའི་སྒྲ་ཆེན་པོ་ཧཱུྃ་ཞེས་བྱ་བ་འདི་གཉིས་ཕྱུང་སྟེ། དེ་
D751.095.0282a01.01གཉིས་སྐར་མདའ་བཞིན་དུ་ནམ་མཁའི་དཀྱིལ་དུ་རྒྱང་རིང་དུ་འཕུར་ཏེ། ནམ་མཁའ་ལ་གནས་པའི་ཤུགས་ཀྱིས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་ལ་ལན་འབུམ་ཕྲག་དུ་མ་མཐའ་ཡས་མུ་མེད་པར་བསྐོར་བ་བྱས་ཏེ། གསང་
D751.095.0282a02.01བ་པའི་བདག་པོ་ལག་ན་རྡོ་རྗེ་ལ་འདི་སྐད་ཅེས་སྨྲས་སོ། །རིགས་ཀྱི་བུ་ཅི་བགྱི་བཀའ་སྩོལ་ཅིག །དེ་ནས་གསང་བ་པའི་བདག་པོ་ལག་ན་རྡོ་རྗེ་ཅང་མི་སྨྲ་བར་འདུག་སྟེ། ཡང་དཔྲལ་བའི་དཀྱིལ་ནས་རྡོ་རྗེ་ཁྲོ་བོ་འཇིགས་པ་ཆེན་པོའི་གཟུགས་ཅན་མཆེ་བ་མི་བཟད་པ་དྲག་པོས་འཇིགས་སུ་རུང་བའི་
D751.095.0282a03.01ཁ་གདངས་ཏེ། མཆུ་མ་རུངས་པར་སྒྱུར་བའི་ཁ་ནས་དུས་ཀྱི་ཐ་མ་འཇིག་པའི་ཚེ་རྣམ་པར་འཐོར་བའི་རླུང་དྲག་པོའི་ཤུགས་ཀྱིས་རབ་ཏུ་བསྐྱོད་པའི་སྤྲིན་ནག་པོའི་ཚོགས་རབ་ཏུ་སྒྲོག་པས་རྣམ་པར་དཀྲུགས་པའི་རྒྱ་མཚོ་ཆེན་པོའི་སྒྲ་དྲག་པོ་ལྟ་བུའི་ཧཱུྃ་ཞེས་བྱ་བའི་སེང་གེའི་སྒྲས་གང་བ། བགེགས་
D751.095.0282a04.01དང་ལོག་འདྲེན་ཐམས་ཅད་འཇིགས་ནས་འབྲོས་ཤིང་སྒྱིད་ལུག་ནས་ཕྱོགས་བསླད་པར་བྱེད་པ། ལག་པ་དང་། རྐང་པ་དང་། སེན་མོ་དང་། མིག་དང་། ཨག་ཙོམ་དང་། སྐྲ་ཐམས་ཅད་རྡོ་རྗེ་འབར་བར་སྣང་བས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཐམས་ཅད་
D751.095.0282a05.01རྒྱས་པར་འགེངས་པ་གཟི་བརྗིད་ཐམས་ཅད་ཀྱི་གཟི་བརྗིད་རྣམས་རང་གི་གཟི་བརྗིད་ཀྱིས་ཟིལ་དུ་རླག་པར་བྱེད་ཅིང་། རྒྱང་རིང་དུ་བྱེད་པའི་རྡོ་རྗེ་འབར་བའི་སྣང་བ་དེས་རྒྱུ་སྐར་དང་། གཟའ་དང་། སྐར་མ་དང་། ནོར་བུ་རྣམས་ཀྱི་འོད་ལྷམ་མེར་མ་ཡིན། །ལྷན་ནེར་མ་ཡིན། ལྷང་ངེར་
D751.095.0282a06.01མ་ཡིན་པར་བྱེད་པ། གང་ཉི་མ་དང་ཟླ་བ་རྫུ་འཕྲུལ་ཆེ་བ། དབང་ཆེ་བར་གྲགས་པ་མཐུ་ཆེ་བ་ཡང་ལྷམ་མེར་མ་ཡིན། ལྷན་ནེར་མ་ཡིན། ལྷང་ངེར་མ་ཡིན་པར་བྱེད་པ། དེ་བཞིན་གཤེགས་པའི་འོད་དང་། བྱང་ཆུབ་སེམས་དཔའ་སེམས་དཔའ་ཆེན་པོ་ས་བཅུ་ལ་རབ་ཏུ་གནས་པ་
D751.095.0282a07.01