完整藏文原文 · 德格版页 当前仅加载第 95 函德格 279a 版页；藏文 NFD、目录标记与异常页序保留在来源切片中，重复版页行以稳定序号区分。
པདྨ་བཀོད་པ་ནས། བྱང་ཆུབ་སེམས་དཔའ་སེམས་དཔའ་ཆེན་པོ་ནམ་མཁའི་བློ་གྲོས་ཞེས་བྱ་བ་བྱང་ཆུབ་སེམས་དཔའ་བྱེ་བ་ཁྲག་ཁྲིག་འབུམ་ཕྲག་དུ་མས་ཡོངས་སུ་བསྐོར་ཏེ་མདུན་དུ་བདར་བ་ནས། འཇིག་རྟེན་གྱི་ཁམས་མི་མཇེད་འདིར་འོངས་ཏེ། བཅོམ་ལྡན་འདས་ཀྱིས་གནང་
D751.095.0279a01.01ནས་རིན་པོ་ཆེའི་པདྨའི་སྙིང་པོ་ལ་འདུག་ཅིང་། རིགས་ཀྱི་བུ་དེ་དག་ཐམས་ཅད་ཀྱང་ཆོས་ཉན་པའི་ཕྱིར་དེ་བཞིན་དུ་རིན་པོ་ཆེའི་པདྨའི་སྙིང་པོ་དག་ལ་འཁོད་པའི་བར་དུའོ། །དེ་བཞིན་དུ་སྟེང་གི་ཕྱོགས་ན་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་
D751.095.0279a02.01གཡུལ་ལས་རྣམ་པར་རྒྱལ་བའི་དཔལ་གྱི་སངས་རྒྱས་ཀྱི་ཞིང་འཇིག་རྟེན་གྱི་ཁམས་བདུད་ཀྱི་ཚེར་མ་དཀྲུགས་པ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་བདུད་ཀྱི་སྒྲིབ་པ་ལས་རྣམ་པར་རྒྱལ་བ་ཞེས་བྱ་བ་བྱང་ཆུབ་སེམས་དཔའ་བྱེ་བ་ཁྲག་ཁྲིག་འབུམ་ཕྲག་དུ་མས་ཡོངས་སུ་བསྐོར་ཏེ་
D751.095.0279a03.01མདུན་དུ་བདར་བ་ནས་འཇིག་རྟེན་གྱི་ཁམས་མི་མཇེད་འདིར་འོངས་ཏེ། བཅོམ་ལྡན་འདས་ཀྱིས་གནང་ནས་རིན་པོ་ཆེའི་པདྨའི་སྙིང་པོ་ལ་འདུག་ཅིང་། རིགས་ཀྱི་བུ་དེ་དག་ཐམས་ཅད་ཀྱང་ཆོས་ཉན་པའི་ཕྱིར་དེ་བཞིན་དུ་རིན་པོ་ཆེའི་པདྨའི་སྙིང་པོ་དག་ལ་འཁོད་པའི་བར་དུའོ། །དེ་ནས་དེའི་ཚེ་
D751.095.0279a04.01སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་མི་མཇེད་འདིར་བྱང་ཆུབ་སེམས་དཔའི་རྫུ་འཕྲུལ་གྱི་རྣམ་པར་འཕྲུལ་པ་དུ་མ་བསྟན་པས་གཞལ་མེད་ཁང་དང་། མེ་ཏོག་གི་སྤྲིན་དང་། རིན་པོ་ཆེའི་སྤྲིན་དང་། ཕྱེ་མའི་སྤྲིན་དང་། སྤོས་དང་། བྱུག་པ་དང་། གདུགས་དང་། རྒྱལ་
D751.095.0279a05.01མཚན་དང་། བ་དན་དང་། རྣམ་པར་རྒྱལ་བའི་བ་དན་གྱི་སྤྲིན་དང་། རིན་པོ་ཆེ་སྤུག་དང་། རྡོའི་སྙིང་པོ་དང་། བཻ་ཌཱུརྱ་དང་། ཨན་ད་རྙིལ་དང་། བྱི་རུ་དང་། མརྒད་དང་། མུ་ཏིག་དམར་པོ་དང་། འཛམ་བུའི་ཆུ་བོའི་གསེར་གྱི་སྤྲིན་དང་། དཔག་བསམ་གྱི་ཤིང་ལྗོན་པ་དང་།
D751.095.0279a06.01རིན་པོ་ཆེའི་པདྨ་དུ་མས་ཁེབས་པའི་རྫིང་གིས་ལེགས་པར་བརྒྱན་པར་གྱུར་ཏོ། །འཇིག་རྟེན་གྱི་ཁམས་འདི་ཇི་ལྟ་བ་དེ་བཞིན་དུ་ཕྱོགས་བཅུའི་འཇིག་རྟེན་གྱི་ཁམས་ཚད་མེད་གྲངས་མེད་བསམ་གྱིས་མི་ཁྱབ་ཅིང་དཔག་ཏུ་མེད་པ་གཞལ་དུ་མེད་ཅིང་བརྗོད་དུ་མེད་པར་གཏོགས་པ་གང་གཱའི་ཀླུང་
D751.095.0279a07.01