完整藏文原文 · 德格版页 当前仅加载第 40 函德格 5b 版页；藏文 NFD、目录标记与异常页序保留在来源切片中，重复版页行以稳定序号区分。
དགེ་སློང་ཁྱོད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པ་ན་ཡང་མཚན་འདི་ལྟ་སྟེ། མི་འཁྲུགས་པ་མི་འཁྲུགས་པ་ཞེས་བྱ་བ་དེ་ཉིད་དུ་འགྱུར་རོ་ཞེས་དེའི་མིང་དེ་ལ་རྗེས་སུ་ཡི་རང་བར་བྱས་སོ། །ཤ་ར་དྭ་ཏིའི་བུ་གཞན་ཡང་དེ་བཞིན་གཤེགས་པ་
D50.040.0005b01.01དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྤྱན་ཆེན་པོ་དེ་ལ་བྱང་ཆུབ་སེམས་དཔའ་སེམས་དཔའ་ཆེན་པོ་མི་འཁྲུགས་པ་མངོན་དུ་གྱུར་པ་དེས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་བདག་དེ་ལྟར་ཐམས་ཅད་མཁྱེན་པའི་སེམས་བསྐྱེད་པ་རིན་པོ་ཆེ་འདི་བསྐྱེད་དེ།
D50.040.0005b02.01དེ་ལྟར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་བསྔོས་ཤིང་། ཡོངས་སུ་བསྔོས་ལ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་མ་རྒྱས་ཀྱི་བར་དུ་གལ་ཏེ་ཇི་སྐད་སྨྲས་བ་དེ་བཞིན་དུ་མ་བགྱིས་ན་བདག་གིས་ཕྱོགས་བཅུ་ཀུན་གྱི་འཇིག་རྟེན་གྱི་
D50.040.0005b03.01ཁམས་དཔག་ཏུ་མ་མཆིས། གྲངས་མ་མཆིས། བསམ་གྱིས་མི་ཁྱབ། གཞལ་དུ་མ་མཆིས་པ་ཐམས་ཅད་ན་སངས་རྒྱས་བཅོམ་ལྡན་འདས་གང་དག་ད་ལྟར་བཞུགས་ཏེ། འཚོ་ཞིང་གཞེས་ལ་ཆོས་ཀྱང་སྟོན་པའི་སངས་རྒྱས་བཅོམ་ལྡན་འདས་དེ་དག་བསླུས་པར་གྱུར་ཅིག །བཙུན་པ་བཅོམ་
D50.040.0005b04.01ལྡན་འདས་བདག་དེ་ལྟར་ཐམས་ཅད་མཁྱེན་པའི་སེམས་བསྐྱེད་པ་རིན་པོ་ཆེ་འདི་བསྐྱེད་དེ། དེ་ལྟར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་བསྔོས་ཤིང་ཡོངས་སུ་བསྔོས་ལ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་མ་རྒྱས་ཀྱི་བར་དུ་གལ་
D50.040.0005b05.01ཏེ་ཐ་ན་གོམ་པ་འདོར་བ་རེ་རེ་ཙམ་དག་ལ་སངས་རྒྱས་ཡིད་ལ་བགྱིད་པ་དང་ལྡན་པའི་ཐམས་ཅད་མཁྱེན་པའི་སེམས་མ་བསྐྱེད་ན་བདག་གིས་ཕྱོགས་བཅུ་ཀུན་གྱི་འཇིག་རྟེན་གྱི་ཁམས་དཔག་ཏུ་མ་མཆིས། གྲངས་མ་མཆིས། བསམ་གྱིས་མི་ཁྱབ། གཞལ་དུ་མ་མཆིས་པ་ཐམས་ཅད་ན་སངས་
D50.040.0005b06.01རྒྱས་བཅོམ་ལྡན་འདས་གང་དག་ད་ལྟར་བཞུགས་ཏེ། འཚོ་ཞིང་གཞེས་ལ་ཆོས་ཀྱང་སྟོན་པའི་སངས་རྒྱས་བཅོམ་ལྡན་འདས་དེ་དག་བསླུས་པར་གྱུར་ཅིག །བཙུན་པ་བཅོམ་ལྡན་འདས་བདག་དེ་ལྟར་ཐམས་ཅད་མཁྱེན་པའི་སེམས་བསྐྱེད་པ་རིན་པོ་ཆེ་འདི་བསྐྱེད་དེ། དེ་ལྟར་བླ་ན་མེད་
D50.040.0005b07.01