完整藏文原文 · 德格版页 当前仅加载第 40 函德格 10b 版页；藏文 NFD、目录标记与异常页序保留在来源切片中，重复版页行以稳定序号区分。
འདི་བསྐྱེད་དེ། དེ་ལྟར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་བསྔོས་ཤིང་། ཡོངས་སུ་བསྔོས་ལ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་མ་རྒྱས་ཀྱི་བར་དུ་གལ་ཏེ་ཇི་སྐད་སྨྲས་པ་དེ་བཞིན་དུ་མ་བགྱིས་ན་བདག་གིས་ཕྱོགས་བཅུ་ཀུན་གྱི་འཇིག་རྟེན་
D50.040.0010b01.01གྱི་ཁམས་དཔག་ཏུ་མ་མཆིས། གྲངས་མ་མཆིས། བསམ་གྱིས་མི་ཁྱབ། གཞལ་དུ་མ་མཆིས་པ་ཐམས་ཅད་ན་སངས་རྒྱས་བཅོམ་ལྡན་འདས་གང་དག་ད་ལྟར་བཞུགས་ཏེ། འཚོ་ཞིང་གཞེས་ལ་ཆོས་ཀྱང་སྟོན་པའི་སངས་རྒྱས་བཅོམ་ལྡན་འདས་དེ་དག་བསླུས་པར་གྱུར་ཅིག །ས་བོན་གྱི་ཆོས་
D50.040.0010b02.01འདི་དང་ལྡན་པའི་བྱང་ཆུབ་སེམས་དཔའ་དག་ནི་ཇི་ལྟ་ཇི་ལྟར་སེམས་མངོན་པར་སྒྲུབ་པར་འགྱུར་བ་དེ་ལྟ་དེ་ལྟར་སངས་རྒྱས་ཀྱི་ཆོས་རྣམས་མངོན་པར་འགྲུབ་ཅིང་དེ་ལྟ་དེ་ལྟར་ཆོས་སྟོན་པར་ཡང་འགྱུར་རོ་ཞེས་གསོལ་ཏོ། །ཤ་ར་དྭ་ཏིའི་བུ་དེ་ནས་དགེ་སློང་ཞིག་གིས་བྱང་ཆུབ་སེམས་དཔའ་སེམས་
D50.040.0010b03.01དཔའ་ཆེན་པོ་མི་འཁྲུགས་པ་དེ་ལ་འདི་སྐད་ཅེས་སྨྲས་སོ། །སྐྱེས་བུ་དམ་པ་ཁྱོད་ཀྱིས་དམ་བཅས་པ་འདི་གལ་ཏེ་ཡང་དག་པའི་སྨོན་ལམ་ཡིན་ཞིང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པར་འགྱུར་བའི་ཡང་དག་པ་ཡིན་ན་བདེན་པ་དང་། བདེན་པའི་ཚིག་འདིས་
D50.040.0010b04.01རྐང་པ་གཡས་པའི་མཐེ་བོས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཀྱི་ས་ཆེན་པོ་འདི་གཡོ་བ་དང་། རབ་ཏུ་གཡོ་བ་དང་། ཀུན་དུ་རབ་ཏུ་གཡོ་བ་དང་། འགུལ་བ་དང་། རབ་ཏུ་འགུལ་བ་དང་། ཀུན་དུ་རབ་ཏུ་འགུལ་བ་དང་། ལྡེག་པ་དང་། རབ་ཏུ་ལྡེག་པ་དང་། ཀུན་དུ་
D50.040.0010b05.01རབ་ཏུ་ལྡེག་པར་བྱོས་ཤིག །ཤ་ར་དྭ་ཏིའི་བུ་དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་མི་འཁྲུགས་པ་དེས་དེའི་ཚེ་སངས་རྒྱས་ཀྱི་མཐུ་དང་། རང་གིས་བདེན་པའི་དམ་བཅས་པའི་དགེ་བའི་རྩ་བའི་སྟོབས་བསྐྱེད་པ་དེས་རྐང་པ་གཡས་པའི་མཐེ་བོས་སྟོང་གསུམ་གྱི་སྟོང་ཆེན་པོའི་
D50.040.0010b06.01འཇིག་རྟེན་གྱི་ཁམས་ཀྱི་ས་ཆེན་པོ་འདི་རྣམ་པ་དྲུག་ཏུ་གཡོས་པར་བྱས་ཏེ། གཡོས་རབ་ཏུ་གཡོས། ཀུན་དུ་རབ་ཏུ་གཡོས། འགུལ། རབ་ཏུ་འགུལ། ཀུན་དུ་རབ་ཏུ་འགུལ། ལྡེག །རབ་ཏུ་ལྡེག །ཀུན་དུ་རབ་ཏུ་ལྡེག་པར་བྱས་སོ། །ཤ་ར་དྭ་ཏིའི་བུ་དེ་ལྟར་ན་བྱང་ཆུབ་སེམས་དཔའ་
D50.040.0010b07.01