完整藏文原文 · 德格版页 当前仅加载第 40 函德格 56a 版页；藏文 NFD、目录标记与异常页序保留在来源切片中，重复版页行以稳定序号区分。
འདིར་ཡང་སངས་རྒྱས་ཀྱི་ཞིང་གི་ཡོན་ཏན་བཀོད་པ་དེ་ལྟ་བུ་དག་བྱུང་བར་གྱུར་ན་ནི་ཇི་ལྟར་ད་ལྟར་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མི་འཁྲུགས་པའི་སངས་རྒྱས་ཀྱི་ཞིང་མཛེས་པ་བཞིན་དུ་ངའི་སངས་རྒྱས་ཀྱི་ཞིང་
D50.040.0056a01.01འདི་ཡང་མཛེས་པར་འགྱུར་རོ། །ཤ་ར་དྭ་ཏིའི་བུ་དེ་ལྟ་བས་ན་བྱང་ཆུབ་སེམས་དཔའ་སེམས་དཔའ་ཆེན་པོ་སངས་རྒྱས་ཀྱི་ཞིང་གི་ཡོན་ཏན་བཀོད་པ་ཡོངས་སུ་སྦྱོང་བར་འདོད་པ་དང་། ཡོངས་སུ་འཛིན་པར་འདོད་པས་ཇི་ལྟར་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་
D50.040.0056a02.01པར་རྫོགས་པའི་སངས་རྒྱས་མི་འཁྲུགས་པ་དེ་སྔོན་བྱང་ཆུབ་སེམས་དཔའི་སྤྱད་པ་སྤྱོད་པ་ན་སངས་རྒྱས་ཀྱི་ཞིང་གི་ཡོན་ཏན་བཀོད་པ་ཡོངས་སུ་སྦྱངས་ཤིང་ཡོངས་སུ་བཟུང་བ་དེ་ལྟར་ཡོངས་སུ་སྦྱང་ཞིང་དེ་ལྟར་ཡོངས་སུ་གཟུང་བར་བྱའོ། །ཤ་ར་དྭ་ཏིའི་བུ་གཞན་ཡང་ངས་ད་ལྟར་བླ་ན་མེད་པ་ཡང་དག་པར་
D50.040.0056a03.01རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་ནས་སེམས་ཅན་གང་དག་རྒྱུན་ཏུ་ཞུགས་པའི་འབྲས་བུ་ལ་བཀོད་པ་དང་། ལན་ཅིག་ཕྱིར་འོང་བའི་འབྲས་བུ་ལ་བཀོད་པ་དང་། ཕྱིར་མི་ལྡོག་པའི་འབྲས་བུ་ལ་བཀོད་པ་དང་། དགྲ་བཅོམ་པ་ཉིད་ལ་བཀོད་པ་དང་། རང་བྱང་
D50.040.0056a04.01ཆུབ་ལ་བཀོད་པ་དང་། ཤ་ར་དྭ་ཏིའི་བུ་ངའི་ཉན་ཐོས་གང་ཡིན་པ་དེ་དག་གིས་ཀྱང་སེམས་ཅན་གཞན་གང་དག་བཏུལ་བའི་ཉན་ཐོས་དེ་དག་ཐམས་ཅད་མངོན་པར་བསྡུས་ཀྱང་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མི་
D50.040.0056a05.01འཁྲུགས་པའི་ཉན་ཐོས་ཀྱི་དགེ་འདུན་གྱི་གན་ན་ཉན་ཐོས་ཀྱི་དགེ་འདུན་དེ་དག་ནི་བརྒྱའི་ཆར་ཡང་ཉེ་བར་མི་འགྲོའོ། །སྟོང་གི་ཆ་དང་། བརྒྱ་སྟོང་གི་ཆ་དང་། བྱེ་བ་བརྒྱའི་ཆ་དང་། བྱེ་བ་སྟོང་གི་ཆ་དང་། བྱེ་བ་བརྒྱ་སྟོང་གི་ཆ་དང་། བྱེ་བ་ཁྲག་ཁྲིག་བརྒྱ་སྟོང་གི་ཆ་དང་།
D50.040.0056a06.01གྲངས་དང་། ཆ་དང་། བགྲང་བ་དང་། དཔེ་དང་། རྒྱུར་ཡང་མི་བཟོད་དོ། །དེ་ཅིའི་ཕྱིར་ཞེ་ན། ཚད་མེད་པ་དང་། གྲངས་མེད་པའི་ཕྱིར་ཏེ། རྣམ་པར་གྲོལ་བས་ནི་མ་ཡིན་ནོ། །ཤ་ར་དྭ་ཏིའི་བུ་ངའི་ཉན་ཐོས་རྣམས་ལྟ་ཞོག་གི། ཤ་ར་དྭ་ཏིའི་བུ་གང་ཡང་མ་འོངས་པའི་དུས་
D50.040.0056a07.01