完整藏文原文 · 德格版页 当前仅加载第 40 函德格 68b 版页；藏文 NFD、目录标记与异常页序保留在来源切片中，重复版页行以稳定序号区分。
པར་འཕགས་ནས་བར་སྣང་ལ་འཁོད་པར་གྱུར་ཏོ། །སངས་རྒྱས་ཀྱི་མཐུས་འདོད་པ་ན་སྤྱོད་པའི་ལྷ་དེ་དག་དང་། ཚངས་རིས་ཀྱི་ལྷ་དེ་དག་ཀྱང་སྟེང་གི་ནམ་མཁའ་ལ་མངོན་པར་འཕགས་ནས་བར་སྣང་ལ་འཁོད་པར་གྱུར་ཏོ། །དེ་ནས་བཅོམ་ལྡན་འདས་ཀྱིས་དེའི་ཚེ། འདི་ལྟ་
D50.040.0068b01.01བུའི་རྫུ་འཕྲུལ་མངོན་པར་འདུ་བྱ་བ་མངོན་པར་མཛད་དེ། །དེ་ལྟ་བུའི་རྫུ་འཕྲུལ་མངོན་པར་འདུ་བྱ་བ་མངོན་པར་མཛད་པས། འཁོར་བཞི་པོ་དེ་དག་དང་། འདོད་པ་ན་སྤྱོད་པའི་ལྷ་དེ་དག་དང་། ལྷའི་དབང་པོ་བརྒྱ་བྱིན་དང་། ཚངས་རིས་ཀྱི་ལྷ་དེ་དག་གིས་བཅོམ་
D50.040.0068b02.01ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མི་འཁྲུགས་པ་ཉན་ཐོས་ཀྱི་དགེ་འདུན་དང་བཅས་པ་དང་། བྱང་ཆུབ་སེམས་དཔའི་ཚོགས་ཀྱིས་ཡོངས་སུ་བསྐོར་བ་དང་བཅས་པ་དེ་དང་། སངས་རྒྱས་ཀྱི་ཞིང་དེ་ཡང་མཐོང་བར་
D50.040.0068b03.01གྱུར་ཏོ། །མཐོང་ནས་ཀྱང་དེ་དག་ཐམས་ཅད་པུས་མོ་གཡས་པའི་ལྷ་ང་སྟེང་གི་བར་སྣང་ལ་བཙུགས་ཏེ། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མི་འཁྲུགས་པ་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས་
D50.040.0068b04.01བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མི་འཁྲུགས་པ་དེ་ལ་ཕྱག་འཚལ་བར་གྱུར་ཏོ། །དེ་ནས་འཁོར་བཞི་པོ་དེ་དག་གིས། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་
D50.040.0068b05.01པའི་སངས་རྒྱས་མི་འཁྲུགས་པའི་སངས་རྒྱས་ཀྱི་ཞིང་གི་མི་རྣམས་མཐོང་བ་དང་། འདི་སྙམ་དུ་སེམས་ཏེ། འདི་ལྟར་ལྷའི་ཁ་དོག་དང་། མཚན་མ་དང་། དབྱིབས་དང་ལྡན་པ་འདི་དག་ཅི་སུམ་ཅུ་རྩ་གསུམ་གྱི་ལྷའི་རིས་ནས་སུམ་ཅུ་རྩ་གསུམ་པའི་ལྷ་རྣམས་བཅོམ་
D50.040.0068b06.01ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མི་འཁྲུགས་པ་ལ་བལྟ་བ་དང་། ཕྱག་བྱ་བ་དང་། བསྙེན་བཀུར་བྱ་བ་དང་། ཆོས་མཉན་པའི་ཕྱིར་ལྷགས་པའི་ལྷ་རྣམས་ཡིན་ནམ། འོན་ཏེ་འདི་དག་མ་ཡིན་སྙམ་མོ། །
D50.040.0068b07.01