完整藏文原文 · 德格版页 当前仅加载第 40 函德格 31a 版页；藏文 NFD、目录标记与异常页序保留在来源切片中，重复版页行以稳定序号区分。
བཅོམ་པ། ཟག་པ་ཟད་པ། ཉོན་མོངས་པ་མེད་པ། དབང་དང་ལྡན་པར་གྱུར་པ། སེམས་ཤིན་ཏུ་རྣམ་པར་གྲོལ་བ། ཤེས་རབ་ཤིན་ཏུ་རྣམ་པར་གྲོལ་བ། ཅང་ཤེས་པ། གླང་པོ་ཆེན་པོ། བྱ་བ་བྱས་པ། བྱེད་པ་བྱས་པ། ཁུར་བོར་བ། བདག་
D50.040.0031a01.01གི་དོན་རྗེས་སུ་ཐོབ་པ། སྲིད་པར་ཀུན་དུ་སྦྱོར་བ་ཡོངས་སུ་ཟད་པ། ཡང་དག་པའི་ཤེས་པས་སེམས་ཤིན་ཏུ་རྣམ་པར་གྲོལ་བ། སེམས་ཀྱི་དབང་ཐམས་ཅད་ཀྱི་དམ་པའི་ཕ་རོལ་དུ་སོན་པ། ཕལ་ཆེར་རྣམ་པར་ཐར་པ་བརྒྱད་ལ་བསམ་གཏན་པའི་དགེ་འདུན་གྱི་ཚིག་{བླ་དགས་,བླ་དྭགས་}
D50.040.0031a02.01ཡིན་ཏེ། ཤ་ར་དྭ་ཏིའི་བུ་དེ་ཡང་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མི་འཁྲུགས་པ་དེའི་སངས་རྒྱས་ཀྱི་ཞིང་ན་ཉན་ཐོས་རྣམས་ཀྱི་ཉན་ཐོས་ཀྱི་དགེ་འདུན་གྱི་བཀོད་པ་ཕུན་སུམ་ཚོགས་པ་ཡིན་ནོ། །ཤ་ར་དྭ་ཏིའི་བུ་ཡང་
D50.040.0031a03.01བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མི་འཁྲུགས་པ་དེའི་སངས་རྒྱས་ཀྱི་ཞིང་ན་ཉན་ཐོས་རྣམས་འདི་སྙམ་དུ་དེ་རིང་བདག་ཅག་གང་དུ་ཟན་བཟའ་བར་བྱ། དེ་རིང་བདག་ཅག་ལ་སུས་ཟན་སྦྱིན་པར་འགྱུར་སྙམ་དུ་སེམས་པ་མེད་
D50.040.0031a04.01དོ། །ཉན་ཐོས་དེ་དག་བསོད་སྙོམས་ཀྱི་ཕྱིར་ཁྱིམ་དག་ཏུ་འཇུག་པ་ཡང་མེད་དོ། །དེ་དག་གང་གི་ཚེ་ཟས་ཀྱི་དུས་ལ་བབ་པར་གྱུར་པའི་དུས་དེ་ཉིད་ཀྱི་ཚེ་ན་ལྷུང་བཟེད་དུ་ཁ་ཟས་འབྱུང་ངོ་། །གང་གི་ཚེ་ཉན་ཐོས་དེ་དག་གིས་འདི་སྙམ་དུ་བདག་ཅག་ལ་གཞན་དག་གིས་ཟས་བྱིན་
D50.040.0031a05.01ཡང་སླའོ་སྙམ་དུ་བསམ་པ་དེའི་ཚེ་ན་དེ་དག་ལ་གཞན་དག་ཟས་སྦྱིན་པར་ཡང་འགྱུར་ཏེ། དེ་དག་ཟས་ཁམ་གཉིས་སམ་གསུམ་ཙམ་གྱིས་ཁ་ཟས་ཀྱི་བྱ་བ་བྱེད་ཅིང་ཆོག་པར་ཡང་འགྱུར་རོ། །ཉན་ཐོས་དེ་དག་ལྷུང་བཟེད་དང་། ཆོས་གོས་ཚོལ་བར་ཡང་མི་བྱེད་ལ། དེ་དག་
D50.040.0031a06.01ཆོས་གོས་དག་མི་འདྲ། མི་འདྲུབ། མི་འཁྲུ། མི་འཚེད་ཅིང་བདག་ཀྱང་མི་བྱེད་ལ་གཞན་ལ་ཡང་མི་འཚོལ་མོད་ཀྱི། གཞན་དུ་ན་སྤྱོད་པ་ཙམ་དུ་སངས་རྒྱས་ཀྱི་མཐུས་འབྱུང་བར་ཡང་འགྱུར་རོ། །ཤ་ར་དྭ་ཏིའི་བུ་ཡང་བཅོམ་ལྡན་འདས་དེ་བཞིན་གཤེགས་པ་དགྲ་
D50.040.0031a07.01