完整藏文原文 · 德格版页 当前仅加载第 40 函德格 68a 版页；藏文 NFD、目录标记与异常页序保留在来源切片中，重复版页行以稳定序号区分。
པ་ཡང་དག་པར་རྫོགས་པའི་སངས་རྒྱས་མི་འཁྲུགས་པ་དེ་ལ་ཕྱག་འཚལ་ལོ། །ཕྱག་འཚལ་ལོ་ཞེས་ལན་གསུམ་དུ་ཆེད་དུ་བརྗོད་པ་ཆེད་དུ་བརྗོད་དོ། །དེ་ནས་འདོད་པ་ན་སྤྱོད་པའི་ལྷ་རྣམས་དང་། ཚངས་རིས་ཀྱི་ལྷ་དེ་དག་གིས་ལྷའི་མེ་ཏོག་མན་དཱ་ར་
D50.040.0068a01.01བ་དང་། མན་དཱ་ར་བ་ཆེན་པོ་དང་། ལྷའི་སྤོས་དག་གིས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་ལ་གཏོར། མངོན་པར་གཏོར། མངོན་པར་རབ་ཏུ་གཏོར་ཏོ། །མངོན་པར་གཏོར་མ་
D50.040.0068a02.01ཐག་ཏུ་སངས་རྒྱས་ཀྱི་མཐུས་མེ་ཏོག་དེ་དག་དང་། སྤོས་དེ་དག་བཅོམ་ལྡན་འདས་ཀྱི་སྟེང་གི་ནམ་མཁའ་ལ་མེ་ཏོག་གི་གདུགས་ཆེན་པོ་གནས་པར་གྱུར་ཏོ། །གཞན་ཡང་འདོད་པ་ན་སྤྱོད་པའི་ལྷ་རྣམས་དང་། ཚངས་རིས་ཀྱི་ལྷ་དེ་དག་གིས་བཅོམ་ལྡན་འདས་
D50.040.0068a03.01དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མི་འཁྲུགས་པ་དེ་ལ་མཆོད་པ་བྱ་བའི་ཕྱིར། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མི་འཁྲུགས་པ་ག་ལ་བ་དེ་ལོགས་སུ་མེ་ཏོག་དག་གིས་གཏོར་
D50.040.0068a04.01བར་གྱུར་ཏོ། །དེ་ནས་ལྷའི་དབང་པོ་བརྒྱ་བྱིན་འདི་སྙམ་དུ་སེམས་ཏེ། བདག་གིས་སངས་རྒྱས་ཀྱི་མཐུས་འཁོར་བཞི་པོ་དེ་དག་དང་། འདོད་པ་ན་སྤྱོད་པའི་ལྷ་འདི་དག་དང་། ཚངས་རིས་ཀྱི་ལྷ་འདི་དག་གིས། བཅོམ་ལྡན་འདས་དེ་བཞིན་གཤེགས་པ་དགྲ་
D50.040.0068a05.01བཅོམ་པ་ཡང་དག་པར་རྫོགས་པའི་སངས་རྒྱས་མི་འཁྲུགས་པ་དེ་མཐོང་བར་འགྱུར་བར་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ་གསོལ་བ་གདབ་པར་བྱའོ་སྙམ་མོ། །དེ་ནས་བཅོམ་ལྡན་འདས་ཀྱིས་ལྷའི་དབང་པོ་བརྒྱ་བྱིན་གྱི་
D50.040.0068a06.01སེམས་ཀྱི་ཡོངས་སུ་རྟོག་པ་ཐུགས་ཀྱིས་མཁྱེན་ནས། རྫུ་འཕྲུལ་གྱིས་ནམ་མཁའ་ལ་མངོན་པར་འཕགས་ཏེ། བར་སྣང་ལ་སྐྱིལ་མོ་ཀྲུང་བཅས་ནས་བཞུགས་པར་གྱུར་ཏོ། །སངས་རྒྱས་ཀྱི་མཐུས་འཁོར་བཞི་པོ་དེ་དག་ཀྱང་སྟེང་གི་ནམ་མཁའ་ལ་མངོན་
D50.040.0068a07.01