完整藏文原文 · 德格版页 当前仅加载第 40 函德格 25a 版页；藏文 NFD、目录标记与异常页序保留在来源切片中，重复版页行以稳定序号区分。
ཤ་ར་དྭ་ཏིའི་བུ་དེ་ཡང་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མི་འཁྲུགས་པ་དེའི་སངས་རྒྱས་ཀྱི་ཞིང་ན་སངས་རྒྱས་ཀྱི་ཞིང་གི་ཡོན་ཏན་བཀོད་པ་ཕུན་སུམ་ཚོགས་པ་ཡིན་ནོ། །ཤ་ར་དྭ་ཏིའི་བུ་ཡང་སངས་རྒྱས་
D50.040.0025a01.01ཀྱི་ཞིང་དེ་ན་ད་ལྟར་ངའི་སངས་རྒྱས་ཀྱི་ཞིང་ན་གང་བུད་མེད་དག་གི་བུད་མེད་ཀྱི་སྐྱོན་དུ་བྱ་བའི་བུད་མེད་དག་གི་བུད་མེད་ཀྱི་སྐྱོན་དེ་དག་མེད་དེ། ཤ་ར་དྭ་ཏིའི་བུ་དེ་དག་ཀྱང་གང་ཞེ་ན། སངས་རྒྱས་ཀྱི་ཞིང་འདི་ན་བུད་མེད་ནི་མདོག་མི་སྡུག་པ། གཟུགས་མ་ལེགས་པ། དྲི་ང་བ། མི་གཙང་
D50.040.0025a02.01བས་གང་བ། འདོད་པའི་ལོངས་སྤྱོད་དག་གིས་ངོམས་མི་ཤེས་པ། བྱས་པ་མི་གཟོ་བ། ཁྲོ་བ་དང་། ལྕེ་གཉིས་སྨྲ་བ་དང་། ཕྲག་དོག་དང་། སེར་སྣའི་ཆོས་ཀྱིས་གླགས་པ་ཡིན་ཏེ། ཤ་ར་དྭ་ཏིའི་བུ་སངས་རྒྱས་ཀྱི་ཞིང་འདི་ན་བུད་མེད་དག་གི་བུད་མེད་ཀྱི་སྐྱོན་ནི་དེ་དག་ཡིན་ནོ། །
D50.040.0025a03.01ཤ་ར་དྭ་ཏིའི་བུ་སངས་རྒྱས་ཀྱི་ཞིང་དེ་ན་བུད་མེད་ལ་ནི་བུད་མེད་དག་གི་བུད་མེད་ཀྱི་སྐྱོན་དུ་བྱ་བ་དེ་ལྟ་བུ་དག་མེད་དེ། ཤ་ར་དྭ་ཏིའི་བུ་དེ་ཡང་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མི་འཁྲུགས་པ་དེ་སྔོན་བྱང་ཆུབ་སེམས་དཔའི་སྤྱད་པ་སྤྱོད་
D50.040.0025a04.01པའི་སྨོན་ལམ་གྱི་ཁྱད་པར་གྱིས་གྱུར་པ་ཡིན་ནོ། །ཤ་ར་དྭ་ཏིའི་བུ་སངས་རྒྱས་ཀྱི་ཞིང་དེ་ན་བུད་མེད་ནི་ཡོན་ཏན་ཐམས་ཅད་དང་ལྡན་པ་ཡིན་ཏེ། ཤ་ར་དྭ་ཏིའི་བུ་འདི་ལྟ་སྟེ། དཔེར་ན་བུད་མེད་རིན་པོ་ཆེ་ནི་མིའི་བུད་མེད་ཀྱི་ཡོན་ཏན་དག་ལས་ཤིན་ཏུ་འདས་ཤིང་ལྷ་མོའི་ཡོན་ཏན་དང་ལྡན་པ་
D50.040.0025a05.01དེ་བཞིན་དུ་ཤ་ར་དྭ་ཏིའི་བུ་སངས་རྒྱས་ཀྱི་ཞིང་འདི་ན་བུད་མེད་རིན་པོ་ཆེའི་ཡོན་ཏན་གང་ཡིན་པ་དང་། སངས་རྒྱས་ཀྱི་ཞིང་དེ་ན་བུད་མེད་ཀྱི་ཡོན་ཏན་གང་ཡིན་པ་དེ་དག་ནི་དེ་དག་གི་ཡོན་ཏན་གྱི་གནན་བུད་མེད་རིན་པོ་ཆེའི་ཡོན་ཏན་དག་ནི་བརྒྱའི་ཆར་ཡང་ཉེ་བར་མི་འགྲོའོ། །སྟོང་གི་ཆ་དང་།
D50.040.0025a06.01བརྒྱ་སྟོང་གི་ཆ་དང་། བྱེ་བ་བརྒྱའི་ཆ་དང་། བྱེ་བ་སྟོང་གི་ཆ་དང་། བྱེ་བ་བརྒྱ་སྟོང་གི་ཆ་དང་། བྱེ་བ་ཁྲག་ཁྲིག་བརྒྱ་སྟོང་གི་ཆ་དང་། གྲངས་དང་། ཆ་དང་། བགྲང་བ་དང་། དཔེ་དང་། རྒྱུར་ཡང་ཉེ་བར་མི་བཟོད་དོ། །ཤ་ར་དྭ་ཏིའི་བུ་ཡང་སངས་རྒྱས་ཀྱི་ཞིང་དེ་ན་སྐྱེས་པ་དག་བུད་མེད་དང་ལྷན་
D50.040.0025a07.01